Apocalipsis 13:4 - Tüpä Ñe'ëngagwer

⁴ Omboetei gwasu mba'e ɨpɨ oporomokañɨ va'e sereko yuvɨreko, esepia omondo omborerekwasa mba'e ɨpɨ vai upe, ipare a'e avei omboeteiai yuvɨreko, aipo e'i: “¿Oime pi'ä ava ko mba'e ɨpɨ vai nungar, iyavei uma pi'ä oikatura ovava va'erä chupe?”

Tũpa Ñehengagüer

⁴ Omboetei guasu mbahe ɨpɨ oporomocañɨ vahe sereco yuvɨreco. Esepia, omondo omborerecuasa mbahe ɨpɨ vai upe. Ipare ahe avei omboetei ai yuvɨreco no, aipo ehi yuvɨreco: “Ndipoi eté mbahe ɨpɨ vai nungar, iyavei ndipoi eté ava oicatu vahe ovava vaherã sese” ehi yuvɨreco.

Apocalipsis 13:4 Iomraidhean Croise

2 Corintios 4:4

Esepia a'e ndovɨroyai ete yuvɨreko, karugwar rerekwar ko ɨvɨ pɨpendar opa oyarakwa mokañɨ, ndosepiai va'erä tesapesa porañete va'e Cristo resendar yuvɨreko, esepia a'e Tüpä rekokwer mboyekwasar sekoi.

2 Tesalonicenses 2:4

Evokoi ava oyemboɨvate aira opakatu Tüpä rer rerekosar amotare'ɨ̇save iyavei ndoipotai chira ambuae mboetei, oike aveira ogwapɨ Tüpä rëtä pɨpe inungar-ra Tüpä ite viña, supiete che Tüpä aiko e'i tuprɨ tëira öi.

Apocalipsis 12:3

Ipare koiye katu oyekwa iri ambuae poromondɨisa ɨva rese: ñepëi mba'e ɨpɨ pirä va'e, a'e ñakä ñuvɨrïo ova tuprɨ, sächi evokoiyase imboopayandepo yovaivesa iyavei vɨreko yegwaka oakä yakatu.

Apocalipsis 12:4

Sugwai evokoiyase ombotɨrɨrɨ yasɨtata ɨva pendar imombosapɨsa sui ñepëi iya'okwer seraso, ipare opa omombo ɨvɨve. A'ese mba'e ɨpɨ evokoiyase opɨta osärö kuña imembɨra pota va'e o'ä, ta'upaño voi imembrɨ o'a ramoseve e'i viña.

Apocalipsis 13:11

Ipare asepia ambuae mba'e ɨpɨ vai osë va'e ɨvɨvrɨ sui. Ko vɨreko ñuvɨrïo gwächi ndoyavɨi tuprɨ ovesa rächi, mba'e ɨpɨ oporomokañɨ va'e ñe'ë pɨpe rumo oñe'ë oiko.

Apocalipsis 13:15

Ipare imoñuvɨrïosa mba'e ɨpɨ upe imondosa pirätäsa tekovesa mondo agwä evokoi yɨpɨndar sa'anga upe, toñe'ë toyuka uka avei ava opakatu omboetei e'ɨ̇sar oyapave.

Apocalipsis 13:2

Ko mba'e ɨpɨ vai asepia va'e avɨye tuprɨ akoi yagwar iparaü va'e; iyavei ipɨ avɨye tuprɨ oso pɨ, iyuru evokoiyase avɨye yagwa pɨ̇ta. Mba'e ɨpɨ oporomokañɨ va'e evokoiyase omondo opirätäsa iyavei omborerekwasa chupe.

Apocalipsis 17:14

Ipare ovavara Ovesami a'e Cristo sekoi va'e rese yuvɨreko; Ovesami a'e Cristo sekoi va'e osekopɨra, esepia ni'ä Ovesami a'e yande Yar Cristo sekoi va'e opakatu ava Yar iyavei mborerekwar ɨvate katu va'e sekoi opakatu mborerekwareta Rerekwar, akoi ava yuvɨrekoi va'e sese, a'e senoiprɨ iyavei iporavoprɨ oyemovɨräkwäño va'e ite supi ogwata agwä yuvɨreko.”

Apocalipsis 18:18

iyavei ko tekwa gwasu rätächi repiase, a'ese säse pirätä tëi yuvɨreko: “¿Ndipoi ete ni'ä tekwa na e'i va'e inungar ko tekwa gwasu Babilonia?”

Apocalipsis 9:20

Ava rumbɨrer rumo nomanopa vɨtei va'e ko mba'e tëi sui yuvɨreko, nosekuñaröi ete gwekokwerai yuvɨreko, ndopoi potai ete karugwar mboetei aisa sui, iyavei opakatu mba'e ra'anga tëi oro apoprɨ, gwarepochi, bronce, ita, anise ɨvɨra apoprɨ mboeteisa sui avei yuvɨreko, evokoi mba'e apoprɨ rumo ndosarekoi va'e, ndosendui va'e ite mba'e, ndogwatai va'e avei.