Apocalipsis 13:2 - Tüpä Ñe'ëngagwer

² Ko mba'e ɨpɨ vai asepia va'e avɨye tuprɨ akoi yagwar iparaü va'e; iyavei ipɨ avɨye tuprɨ oso pɨ, iyuru evokoiyase avɨye yagwa pɨ̇ta. Mba'e ɨpɨ oporomokañɨ va'e evokoiyase omondo opirätäsa iyavei omborerekwasa chupe.

Tũpa Ñehengagüer

² Co mbahe ɨpɨ vai avɨye tuprɨ acoi yaguar iparaũ vahe; iyavei ipɨ avɨye tuprɨ oso pɨ, iyuru evocoiyase avɨye yagua pɨ̃ta yuru. Mbahe ɨpɨ oporomocañɨ vahe evocoiyase omondo opĩratasa iyavei omborerecuasa chupe.

Apocalipsis 13:2 Iomraidhean Croise

2 Timoteo 4:17

Yande Yar Jesucristo rumo che pɨtɨ̇vɨï, che momirätä ko ñe'ësa pɨsɨrösa resendar mombe'u tuprɨ agwä opakatu ava nda'ei va'e judío upe. Egwë e'i avei che renose mba'e-mba'e tëi povɨvrɨ sui,

1 San Pedro 5:8

Pearakwa kañɨi rene peyesui, pema'emo'ä arɨ rupi peyese, esepia pe amotare'ɨ̇mbar Karugwar pe reko momarä pota yepi inungar yagwar oñarö va'e ogwata tëi oporoeka tamomarä ava oyapave.

Apocalipsis 12:13

Ipare mba'e ɨpɨ oporomokañɨ va'e oikwase imomboprɨ gwekose ɨvɨ rese, a'ese omoña kuña imembrɨ kuimba'emi reseve yamotare'ɨ̇sa pɨpe.

Apocalipsis 12:15

Ipare mba'e ɨpɨ oporomokañɨ va'e oyuru rupi omombo ɨ kuña rakɨkwei ɨai apo imokañɨ agwä;

Apocalipsis 12:9

Egwë e'i imboyepepɨsa mba'e ɨpɨ oporomokañɨ va'e reko pirätäsa sembigwai eta reseve, opa imombosa ɨvɨ pɨpe yuvɨreko, evokoi mboi vai, a'e Karugwar Ndipɨ'ai va'e, evokoi ni'ä ava ombopa-mbopa tëi va'e opakatu ɨvɨ pɨpe yuvɨreko.

Apocalipsis 13:12

A'e vɨreko opakatu evokoi yɨpɨndar va'e mba'e ɨpɨ vai mborerekwasa sovake, iyavei ava ɨvɨ pɨpendar yuvɨrekoi va'e upe omboetei uka yɨpɨndar mba'e ɨpɨ vai, a'e akoi okwera tuprɨ va'e oyeapichasa oyuka rägwer sui.

Apocalipsis 13:4

Omboetei gwasu mba'e ɨpɨ oporomokañɨ va'e sereko yuvɨreko, esepia omondo omborerekwasa mba'e ɨpɨ vai upe, ipare a'e avei omboeteiai yuvɨreko, aipo e'i: “¿Oime pi'ä ava ko mba'e ɨpɨ vai nungar, iyavei uma pi'ä oikatura ovava va'erä chupe?”

Apocalipsis 16:10

Imbopoyandeposa mbigwai ɨva pendar oipɨyere ɨgwa rɨru pɨpendar mba'e ɨpɨ vai renda rese, a'ese avɨyeteramo tëi serekwar ipovrɨ pendar avei pɨ̇tümimbisave yuvɨrekoi. Ava evokoiyase oñeapëkusu'u-su'u tëi yuvɨreko mba'e rasɨkwer pa'üve;

Apocalipsis 17:12

“Evokoi eresepia opayandepo yovaive tuprɨ sächi atɨ va'e, a'e opayandepo yovaive tuprɨ mborerekwar ɨvate katu va'e yuvɨrekoi, ndoyuvɨroike vɨtei rumo oporokwai va'erä; esepia oyoya tuprɨra oporokwai raimi tëira mba'e ɨpɨ vai reseve yuvɨreko kuri.

Apocalipsis 19:20

Ko mba'e ɨpɨ vai yɨpɨndar va'e sokendasa, oyoya evokoi Tüpä ñe'ë mombe'usar anga'u tëi va'e rese, a'e akoi oyapo va'e mba'e yavairai va'e yɨpɨndar mba'e ɨpɨ vai rovake. Evokoi mba'e yavairai va'e apo pɨpe ombopa-mbopa tëi ava, akoi seroyasar vɨreko va'e mba'e ɨpɨ vai rer oyese iyavei omboetei va'e sa'anga yuvɨreko. Evokoiyase ko mba'e ɨpɨ vai iyavei Tüpä ñe'ë mombe'usar anga'u tëi, opa imombosa sekove reseve ɨpa azufre okai va'e pɨpe yuvɨreko.

Apocalipsis 2:13

Che aikwa pe rekosa, a'eve akoi Karugwar ogwapɨ öi; mborerekwar gwasu nungar imboyeroyaprɨ sekoi. Pe rumo peyemovɨräkwäño ite chupe che rekokwer rese peiko, ndapeseyai ete che rese pe yeroyasa yepe oyuka tëi che rekokwer mombe'u tuprɨsar Antipas evokoi tekwa Karugwar rekosave.

Apocalipsis 20:2

Ko mbigwai ɨva pendar oipɨsɨ mba'e ɨpɨ oporomokañɨ va'e mboi nungar araka'endar, a'e ni'ä Karugwar sekoi iyavei opakatu Karugwar rerekwar; a'e oiku'akwa karena pɨpe mil aravɨter rupi imoi.