Apocalipsis 13:17 - Tüpä Ñe'ëngagwer

¹⁷ A'ese ava ndipoi ete oikatu va'e mba'e rerokwa, anise mba'e mondo agwä avei, akoi ndovɨrekoise mba'e ɨpɨ vai rer, anise serer retakwer ndovɨrekoise oyese.

Tũpa Ñehengagüer

¹⁷ Ahese ava ndipoi eté oicatu vahe mbahe rerocua, anise que mbahe mondo ãgua acoi ndovɨrecoise mbahe ɨpɨ vai rer, anise serer retacuer ndovɨrecoise oyese no.

Apocalipsis 13:17 Iomraidhean Croise

Gálatas 6:17

Avɨye, ko pɨpe suive ndaipota iri ava che mañeko tëi va'erä; esepia che areko che retekwer rese che apicha-picha agwer cherekosa pɨpe Jesús rese.

Apocalipsis 13:16

Ipare ava opakatu yuvɨrekove va'e upe, seko mbegwemi va'e upe, seko ɨvate va'e upe avei, mba'e yar upe, iparaɨsu va'e upe, ava nimañekoprɨi va'e upe, mbigwai tëi upe, sese ikwachiasara ipo i'akato kotɨndar rese, anise ɨsɨva rese yuvɨreko.

Apocalipsis 13:18

Iya pereko mba'ekwasa ko rendukwa tuprɨ agwä; akoi osendukwa va'e toikwa tuprɨ mba'e ɨpɨ vai rer retakwer. Evokoi ni'ä ava rer retakwer, a'e seiscientos sesenta y seis tuprɨ.

Apocalipsis 14:11

Tatächi, ikaigwer pendar evokoiyase oyeupira ndopai va'erä, a'ese ndipoi chietera pɨtu'usa pɨ̇tü arɨ pɨpe, evokoi mba'e ɨpɨ vai mboeteisar upe, sa'anga mboeteisar upe aveino, iyavei akoi vɨreko va'e serer kwachiaprɨ oyese yuvɨreko no.”

Apocalipsis 14:9

Ipare ambuae mbigwai ɨva pendar osakɨkwei moña imombosapɨsa, aipo e'i oñe'ë pirätä: “Akoi ava omboetei va'e mba'e ɨpɨ vai sereko, sa'anga aveino, iyavei akoi oyembo'e katu va'e oyekwachia agwä osɨva rese, opo rese no,

Apocalipsis 15:2

Iyavei asepia paragwasu ndoyavɨi yepiasa oyese'a va'e tata rese; a'e ipopɨve yuvɨno'ä atɨ mba'e ɨpɨ vai, arpas rese a'e akoi omondo va'e Tüpä chupe, sa'anga rekopɨsar iyavei nomondo uka potai va'e serer kwachia agwä yuvɨreko oyese. A'e vɨreko Tüpä upendar yuvɨreko.

Apocalipsis 17:5

iyavei vɨreko ikwachiaprɨ osɨva rese terer ndikwasai va'e aipo e'i: “Ko tekwa Babilonia gwasu, kuña oyemondo-mondo tëi va'e sɨ, opakatu ava ɨvɨ pɨpendar sekokwer yavaete va'e sɨ aveino.”

Apocalipsis 20:4

Ipare asepia tenda, i'arɨve seta ava ogwapɨ yuvɨnoi evokoi oipɨsɨ va'e omborerekwasa yuvɨreko ava upe mba'e rese porandu agwä. Iyavei asepia ava ä evokoi opa va'ekwer oyasɨa ñakä yuvɨreko Jesús rekokwer mombe'usa sui tëi Tüpä ñe'ëngagwer mombe'usa pɨpe sui tëi avei. A'e ava nomboetei va'e mba'e ɨpɨ vai; sa'anga avei nomboetei yuvɨreko no; nomondo ukai va'e avei osɨva rese serer yuvɨreko, opo rese avei. A'e asepia opa okwerayevɨ yuvɨreko. Ipare oporokwai Cristo rese mil aravɨter rupi yuvɨreko.

Apocalipsis 22:4

Osepiara sova iyavei vɨrekora serer osɨva rese yuvɨreko.

Apocalipsis 3:12

Akoi oyemovɨräkwä va'e mba'e-mba'e tëi apoe'ɨ̇ agwä yuvɨreko, a'e che Ru pɨri narä ite yuvɨrekoira, a'e evokoiyase inungar-ra che Ru Tüpä rëtä vɨräkwäsa ndopai va'e yuvɨreko; sese aikwachia ukara che Ru Tüpä rer che Ru Tüpä rekwa rer aveino, a'e Jerusalén pɨasu, evokoi ou va'erä ɨva pendar che Ru Tüpä sui; aikwachia aveira che rer ipɨasu va'e yuvɨreko sese.

Apocalipsis 7:3

“¡Ndapemomarä vɨtei chira rumo ɨvɨ, paragwasu, ɨvɨra aveino, ndayamondo vɨteiseve isɨva rese yande Yar Tüpä rer ikwachiaprɨ!”