Apocalipsis 13:16 - Tüpä Ñe'ëngagwer

¹⁶ Ipare ava opakatu yuvɨrekove va'e upe, seko mbegwemi va'e upe, seko ɨvate va'e upe avei, mba'e yar upe, iparaɨsu va'e upe, ava nimañekoprɨi va'e upe, mbigwai tëi upe, sese ikwachiasara ipo i'akato kotɨndar rese, anise ɨsɨva rese yuvɨreko.

Tũpa Ñehengagüer

¹⁶ Ipare ava opacatu yuvɨrecove vahe upe, seco mbegüemi vahe upe, seco ɨvate vahe upe avei, que mbahe yar upe, que iparaɨsu vahe upe, ava nimañecoprɨi vahe upe, mbiguai tẽi upe, ahe chupe, “Toyecuachía opo oacato cotɨndarve yuvɨreco, anise osɨvave” ehi.

Apocalipsis 13:16 Iomraidhean Croise

Los Hechos 26:22

“Tüpä che pɨtɨ̇vɨïsa pɨpe rumo aikoveño ite supi, amombe'u-mbe'u vɨte Tüpä rekokwer opakatu ava seko ɨvɨ kotɨ katu va'e upe, seko ɨvate katu va'e upe avei. Namombe'ui avei ñe'ësa kokotɨ tëi omombe'u va'e Tüpä ñe'ë mombe'usar iyavei Moisés aipo e'i va'e yuvɨreko:

1 Corintios 12:13

Egwë ya'e avei opakatu, yepe yande pa'üve oime judío, nda'ei va'e judío, mbigwai nda'ei va'e avei mbigwai, yande rumo opakatu ñapirämombrɨ yaiko ñepëi va'e nungar yande reko agwä Espíritu ñepëi va'e pɨpe; a'e ñepëi Espíritu avei opa yaipɨsɨ.

Gálatas 3:28

Iyavei ndipoi ete yemboya'osa Jesucristo rese yaikose, yepera judío viña, nda'ei va'e judío, anise mbigwai, nda'ei va'e mbigwai, kuimba'e anise kuña; esepia opakatu ñepëi va'e nungar ite peiko Cristo rese.

Gálatas 6:17

Avɨye, ko pɨpe suive ndaipota iri ava che mañeko tëi va'erä; esepia che areko che retekwer rese che apicha-picha agwer cherekosa pɨpe Jesús rese.

Efesios 6:8

Esepia peikwa Tüpä omboepɨra opakatu yandeu yayapose mba'e avɨye va'e mbigwai yaikose, anise nda'ei va'e mbigwai avei.

Colosenses 3:11

Nda'ei mba'e avɨye va'e peikose griego, anise judío, iyavei imbocircuncidaprɨ anise nimbocircuncidaiprɨi, iyavei yaikose ambuae tekwa pendar, iyavei ava ndovɨrekoi va'e arakwasa oyese, ava rembigwai tëi sekoi va'e, anise nda'ei va'e mbigwai, esepia Cristo ɨvate katu va'e opakatu sui iyavei oyoya gwasu opakatu yande pɨ'a pɨpe yareko.

2 Timoteo 3:8

Inungar ko ava ipaye va'e Janes iyavei Jambres serer va'e oyemboyere Moisés amotare'ɨ̇ yuvɨreko, egwë e'i avei evokoi ava porombo'esa supiete va'e amotare'ɨ̇sar yuvɨreko. A'e oyemomarä va'e opɨ'añemoñeta rai pɨpe, ndovɨroyai ete Jesús porombo'esa yuvɨreko.

Apocalipsis 11:18

Ambuae tekwa re'ɨi pendar nde amotare'ɨ̇ ite yuvɨreko; nde ñemoɨrösa rumo kurïtëi oyepota, iyavei nde porandusa oime voira ava omano va'e upe; iyavei eremondora mba'e porerekosa nde rembigwai eta nde ñe'ë mombe'usar upe, ndeundar seko katuprɨ va'e upe iyavei akoi nde rer mboeteisar upe no, seko ɨvate va'e upe, seko ɨvɨ kotɨ katu va'e upe aveino; iyavei eremokañɨrä ko ɨvɨ pɨpe mba'e tëi aposar yuvɨreko.”

Apocalipsis 15:2

Iyavei asepia paragwasu ndoyavɨi yepiasa oyese'a va'e tata rese; a'e ipopɨve yuvɨno'ä atɨ mba'e ɨpɨ vai, arpas rese a'e akoi omondo va'e Tüpä chupe, sa'anga rekopɨsar iyavei nomondo uka potai va'e serer kwachia agwä yuvɨreko oyese. A'e vɨreko Tüpä upendar yuvɨreko.

Apocalipsis 19:18

pe'u ko mborerekwareta ɨvate katu va'e ro'o, sundao eta rerekwar ro'o iyavei ava oikoete va'e ro'o, kavayu ro'o, i'arɨ pendar ro'o avei, opakatu ava ro'o ava nimañekosai va'e ro'o, mbigwai ro'o, seko ɨvɨ kotɨ katumi va'e ro'o, seko ɨvate va'e ro'o avei!”

Apocalipsis 19:20

Ko mba'e ɨpɨ vai yɨpɨndar va'e sokendasa, oyoya evokoi Tüpä ñe'ë mombe'usar anga'u tëi va'e rese, a'e akoi oyapo va'e mba'e yavairai va'e yɨpɨndar mba'e ɨpɨ vai rovake. Evokoi mba'e yavairai va'e apo pɨpe ombopa-mbopa tëi ava, akoi seroyasar vɨreko va'e mba'e ɨpɨ vai rer oyese iyavei omboetei va'e sa'anga yuvɨreko. Evokoiyase ko mba'e ɨpɨ vai iyavei Tüpä ñe'ë mombe'usar anga'u tëi, opa imombosa sekove reseve ɨpa azufre okai va'e pɨpe yuvɨreko.

Apocalipsis 19:5

Evokoiyase Tüpä renda sui tuprɨ oyeendu ñe'ësa aipo e'i va'e: “¡Pemboetei yande Ru Tüpä sereko opakatu peroya va'e, seko ɨvɨ kotɨ katumi va'e, seko ɨvate va'e avei, iyavei opakatu seroyasar peiko va'e osɨkɨye va'e avei ichui tomboetei yuvɨreko!”

Apocalipsis 20:12

Ipare asepia omano va'ekwer seko ɨvate va'e, seko mbegwemi va'e aveino opü'a yuvɨno'ä Tüpä rovai; a'ese kwachiar opa ipɨpirasa, iyavei ambuae kwachiar, a'e kwachiar tekovesa resendar. Omano va'ekwer upe evokoiyase porandusa evokoi kwachiar pɨpendar mba'e sembiapokwer rese.

Apocalipsis 20:4

Ipare asepia tenda, i'arɨve seta ava ogwapɨ yuvɨnoi evokoi oipɨsɨ va'e omborerekwasa yuvɨreko ava upe mba'e rese porandu agwä. Iyavei asepia ava ä evokoi opa va'ekwer oyasɨa ñakä yuvɨreko Jesús rekokwer mombe'usa sui tëi Tüpä ñe'ëngagwer mombe'usa pɨpe sui tëi avei. A'e ava nomboetei va'e mba'e ɨpɨ vai; sa'anga avei nomboetei yuvɨreko no; nomondo ukai va'e avei osɨva rese serer yuvɨreko, opo rese avei. A'e asepia opa okwerayevɨ yuvɨreko. Ipare oporokwai Cristo rese mil aravɨter rupi yuvɨreko.

Apocalipsis 6:15

Mborerekwareta avei ko ɨvɨ pɨpendar yuvɨrekoi va'e opa tëi oñemi mba'ekwar pɨpe yuvɨreko, ita gwasu pa'ü rupi avei yuvɨreko no, oyoya gwasu seko ɨvate va'e, sundao rerekwareta, mba'e yar seko pirätä va'e, iyavei opakatu tuprɨ mbigwai eta, ava nda'ei va'e mbigwai avei;

Apocalipsis 7:3

“¡Ndapemomarä vɨtei chira rumo ɨvɨ, paragwasu, ɨvɨra aveino, ndayamondo vɨteiseve isɨva rese yande Yar Tüpä rer ikwachiaprɨ!”