Apocalipsis 13:1 - Tüpä Ñe'ëngagwer

¹ Ipare asepia paragwasu pɨpe sui osëse mba'e ɨpɨ vai, a'e ñuvɨrïo ova tuprɨ ñakä va'e iyavei opayandepo yovaive tuprɨ sächi. Gwächi yakatu evokoiyase vɨreko ñepëi-pëi oyegwaka, iyavei oakä yakatu vɨreko terer ikwachiaprɨ Tüpä reroɨrösave yuvɨreko.

Tũpa Ñehengagüer

¹ Ipare asepia para guasu pɨpe sui osẽse mbahe ɨpɨ vai, ahe siete tuprɨ ñaca vahe iyavei diez tuprɨ sãchi. Guãchi yacatu evocoiyase vɨreco ñepei-pei oyeguaca, iyavei oãca yacatu rese vɨreco terer Tũpa upe mbahe tẽi vahe.

Apocalipsis 13:1 Iomraidhean Croise

Apocalipsis 11:7

Omboavɨyepase rumo Tüpä reko mombe'usa yuvɨreko, a'ese osëra ɨvɨkwar gwasu ipɨkuku va'e sui mba'e ɨpɨ vai, a'e ovavara sese, osekopɨra, ichui oyukara.

Apocalipsis 12:3

Ipare koiye katu oyekwa iri ambuae poromondɨisa ɨva rese: ñepëi mba'e ɨpɨ pirä va'e, a'e ñakä ñuvɨrïo ova tuprɨ, sächi evokoiyase imboopayandepo yovaivesa iyavei vɨreko yegwaka oakä yakatu.

Apocalipsis 13:11

Ipare asepia ambuae mba'e ɨpɨ vai osë va'e ɨvɨvrɨ sui. Ko vɨreko ñuvɨrïo gwächi ndoyavɨi tuprɨ ovesa rächi, mba'e ɨpɨ oporomokañɨ va'e ñe'ë pɨpe rumo oñe'ë oiko.

Apocalipsis 13:14

Ombopa tëi ava ɨvɨ pɨpendar yuvɨrekoi va'e mba'e poromondɨisa pɨpe evokoi imondosa va'e yapo agwä chupe yɨpɨndar mba'e ɨpɨ vai rovai, ipare oporokwai yapichaprɨ okwera tuprɨ va'e ra'angapo agwä imboeteisave.

Apocalipsis 13:15

Ipare imoñuvɨrïosa mba'e ɨpɨ upe imondosa pirätäsa tekovesa mondo agwä evokoi yɨpɨndar sa'anga upe, toñe'ë toyuka uka avei ava opakatu omboetei e'ɨ̇sar oyapave.

Apocalipsis 15:2

Iyavei asepia paragwasu ndoyavɨi yepiasa oyese'a va'e tata rese; a'e ipopɨve yuvɨno'ä atɨ mba'e ɨpɨ vai, arpas rese a'e akoi omondo va'e Tüpä chupe, sa'anga rekopɨsar iyavei nomondo uka potai va'e serer kwachia agwä yuvɨreko oyese. A'e vɨreko Tüpä upendar yuvɨreko.

Apocalipsis 16:13

Ipare asepia mba'e ɨpɨ oporomokañɨ va'e yuru, mba'e ɨpɨ vai yuru avei, nda'ei va'e Tüpä ñe'ë mombe'usar yuru, a'e iyuru rupi yuvɨnosë mbosapɨ karugwar vɨreke nungar.

Apocalipsis 17:16

Evokoi eresepia opayandepo yovaive tuprɨ sächi atɨ va'e, iyavei mba'e ɨpɨ vai, a'e ndoyambotai chira kuña oyemondo-mondo tëi va'e, iyavei osekɨi tuprɨra seya; o'upara so'o, ipare opara osapɨ.

Apocalipsis 17:3

Ipare che ker nungar pɨpe asepia Espíritu omboyekwa va'e cheu, mbigwai ɨva pendar che reraso ɨvɨ iporupɨre'ɨ̇save. A'eve asepia kuña mba'e ɨpɨ vai pirä va'e arɨve chini, evokoi mba'e ɨpɨ vai opakatu rupi oyapete tuprɨ ñe'ësa vai Tüpä amotare'ɨ̇sa sereko oyese, iyavei vɨreko ñuvɨrïo ova tuprɨ oakä, opayandepo yovaive tuprɨ gwächi.

Apocalipsis 17:5

iyavei vɨreko ikwachiaprɨ osɨva rese terer ndikwasai va'e aipo e'i: “Ko tekwa Babilonia gwasu, kuña oyemondo-mondo tëi va'e sɨ, opakatu ava ɨvɨ pɨpendar sekokwer yavaete va'e sɨ aveino.”

Apocalipsis 19:19

A'ese asepia mba'e ɨpɨ vai iyavei mborerekwareta ɨvate katu va'e ɨvɨ pɨpendar osundao reseve-seve, oñemonu'ä yuvɨreko ovava agwä evokoi kavayu arɨ pendar rese isundao rese aveino.