Apocalipsis 12:7 - Tüpä Ñe'ëngagwer

⁷ Oime avei vavasa ɨvave: a'ese mbigwai ɨva pendar ɨvate katu va'e Miguel gweru ambuae mbigwai ɨva pendareta ovava va'erä mba'e ɨpɨ oporomokañɨ va'e upe. Ipare ovava mba'e ɨpɨ naporäi va'e mbigwai ɨva pendar upe yuvɨreko,

Tũpa Ñehengagüer

⁷ Oime avei vavasa ɨvave; ahese Tũpa rembiguai ɨva pendar ɨvate catu vahe Miguel güeru ovoya eta ovava ãgua mbahe ɨpɨ oporomocañɨ vahe upe ivoya upe avei yuvɨreco.

Apocalipsis 12:7 Iomraidhean Croise

San Mateo 13:41

Ava ɨvate katu va'e Ra'ɨrɨ omboura gwembigwai ɨva pendar opakatu ava reka omboangaipa uka va'e ambuae eta, iyavei mba'e-mba'e tëi aposar.

San Mateo 16:27

Esepia che ava ɨvate katu va'e Ra'ɨrɨ ayura che Ru pirätäsa porañetesa pɨpe iyavei sembigwai ɨva pendar reseve kuri, evokoiyase aikwara ñepëi-pëi ava upe sembiapokwer rupi chupe.

San Mateo 24:31

Iyavei amboura mbigwai eta ɨva pendar, a'e evokoiyase gwemimbɨ omoñe'ë pirätära opakatu che rembiporavo ko ɨvɨ rupindar amombrɨ rupi yuvɨrekoi va'e monu'ä agwä.”

San Mateo 25:41

“A'ese Mborerekwar ɨvate katu va'e cherekosa pɨpe aipo a'era che pokoe'ɨ̇sa kotɨndar upe: ‘Pesɨrɨ che sui, esepia peiko Tüpä ñemoɨrösavrɨ pendar tëi; pesopa tata gwasu apɨre'ɨ̇save, evokoi imoigätuprɨ opakatu karugwar upe sembigwai upe narä avei.

San Mateo 26:53

¿Ndereikwai vo che aporanduse che Ru upe che pɨtɨ̇vɨï agwä rese viña, a'e kurïtëi omboura doce mil sui seta katu va'e gwembigwai che repɨ agwä viña?

2 Corintios 12:7

sese che yemboɨvateai e'ɨ̇ agwä che ker nungar mba'e che pɨ'amondɨi va'e rembiepiagwer rese Tüpä ombou tekoasɨsa cheu. A'e avɨye yu che kutu gwasu va'e, ndoyavɨi avei Karugwar marä-marä tëi che rereko va'e.

Efesios 6:12

Esepia yande nda'ei ava amotare'ɨ̇save yayepɨ'amovɨräkwä, yande rumo yayepɨ'amovɨräkwä espíritu naporäi va'e ndoyekwai va'e upe iyavei ko ɨvɨ pɨpendar Karugwar ipirätä va'e pɨ̇tümimbisa pendar reroya e'ɨ̇ agwä.

2 Tesalonicenses 1:7

pe rumo imombaraɨsuprɨ peiko va'e, Tüpä omondora pe pɨtu'u agwä, inungar oreu ombou va'e. Ko egwë e'ira yande Yar Jesús oyevɨse tata rendɨgwer pa'üve ɨva sui opakatu gwembigwai seko pirätä katu va'e reseve kuri.

Hebreos 2:10

Iyavei opakatu mba'e oime Tüpä upe, ichuindar avei toyuvɨroike opakatu che ra'ɨrɨ che reko porañetesave oyapave. Sese Tüpä omombaraɨsu uka Jesucristo Poropɨsɨrösar seko agwä yuvɨreko chupe.

2 San Pedro 2:4

Esepia araka'e Tüpä niñeröi ete gwembigwai oyemboangaipa va'e upe, a'e opa ite omondo mba'e tëisave, egwë e'i seyapa pɨ̇tümimbisave inungar ñapɨ̇chimbrɨ karena pɨpe yapokatuprɨ yuvɨreko kañɨsave narä.

San Judas 1:9

A'ese Miguel mbigwai ɨva pendar rerekwar, ovava karugwar rese yuvɨreko Moisés retekwer rese, ndiyai rumo iñe'ë marä agwä, aipo e'i chupe: “¡Tüpä oikwara ko rese ndeu!”

Apocalipsis 12:8

ndoikatui ete rumo sekopɨ agwä, sese ndipoi ete ɨvave seko agwä yuvɨreko.

Apocalipsis 12:9

Egwë e'i imboyepepɨsa mba'e ɨpɨ oporomokañɨ va'e reko pirätäsa sembigwai eta reseve, opa imombosa ɨvɨ pɨpe yuvɨreko, evokoi mboi vai, a'e Karugwar Ndipɨ'ai va'e, evokoi ni'ä ava ombopa-mbopa tëi va'e opakatu ɨvɨ pɨpe yuvɨreko.

Apocalipsis 13:7

Imondosa avei chupe vavasa apo uka agwä Tüpä upendar ava eta upe sekopɨ agwä; imondosa avei mborerekwar seko agwä chupe ava ambuae-ae tëi va'e upe, sekwa ambuae va'e upe ambuae tëi iñe'ë va'e upe, ambuae ɨvɨ rupindar upe aveino.

Apocalipsis 20:2

Ko mbigwai ɨva pendar oipɨsɨ mba'e ɨpɨ oporomokañɨ va'e mboi nungar araka'endar, a'e ni'ä Karugwar sekoi iyavei opakatu Karugwar rerekwar; a'e oiku'akwa karena pɨpe mil aravɨter rupi imoi.