Apocalipsis 12:3 - Tüpä Ñe'ëngagwer

³ Ipare koiye katu oyekwa iri ambuae poromondɨisa ɨva rese: ñepëi mba'e ɨpɨ pirä va'e, a'e ñakä ñuvɨrïo ova tuprɨ, sächi evokoiyase imboopayandepo yovaivesa iyavei vɨreko yegwaka oakä yakatu.

Tũpa Ñehengagüer

³ Ipare coiye oyecua ɨva rese ambuae mbahe mboyecua tuprɨsa: mbahe ɨpɨ pĩra vahe, ahe ñaca siete tuprɨ, sãchi evocoiyase diez iyavei vɨreco yeguaca oãca yacatu.

Apocalipsis 12:3 Iomraidhean Croise

Apocalipsis 12:1

Evokoiyase ɨva rese oyekwa mba'e poromondɨisa tuvicha va'e: oime kuña iturukwar inungar arɨ rendɨgwer, avɨye opɨ̇ro va'e yasɨ rese o'ä, oakä yegwaka rese opayandepo yovaive ñuvɨrïo tuprɨ yasɨtata vɨreko.

Apocalipsis 12:13

Ipare mba'e ɨpɨ oporomokañɨ va'e oikwase imomboprɨ gwekose ɨvɨ rese, a'ese omoña kuña imembrɨ kuimba'emi reseve yamotare'ɨ̇sa pɨpe.

Apocalipsis 12:17

Evokoiyase mba'e ɨpɨ, oñemoɨrö iteanga kuña upe, ipare oso ovava ambuae ichuindar re'ɨi rese, a'e omboyeroya va'e ite Tüpä porokwaita yuvɨreko iyavei yuvɨrekoi tuprɨ va'e Jesús remimombe'u rupi.

Apocalipsis 12:4

Sugwai evokoiyase ombotɨrɨrɨ yasɨtata ɨva pendar imombosapɨsa sui ñepëi iya'okwer seraso, ipare opa omombo ɨvɨve. A'ese mba'e ɨpɨ evokoiyase opɨta osärö kuña imembɨra pota va'e o'ä, ta'upaño voi imembrɨ o'a ramoseve e'i viña.

Apocalipsis 12:7

Oime avei vavasa ɨvave: a'ese mbigwai ɨva pendar ɨvate katu va'e Miguel gweru ambuae mbigwai ɨva pendareta ovava va'erä mba'e ɨpɨ oporomokañɨ va'e upe. Ipare ovava mba'e ɨpɨ naporäi va'e mbigwai ɨva pendar upe yuvɨreko,

Apocalipsis 12:9

Egwë e'i imboyepepɨsa mba'e ɨpɨ oporomokañɨ va'e reko pirätäsa sembigwai eta reseve, opa imombosa ɨvɨ pɨpe yuvɨreko, evokoi mboi vai, a'e Karugwar Ndipɨ'ai va'e, evokoi ni'ä ava ombopa-mbopa tëi va'e opakatu ɨvɨ pɨpe yuvɨreko.

Apocalipsis 13:1

Ipare asepia paragwasu pɨpe sui osëse mba'e ɨpɨ vai, a'e ñuvɨrïo ova tuprɨ ñakä va'e iyavei opayandepo yovaive tuprɨ sächi. Gwächi yakatu evokoiyase vɨreko ñepëi-pëi oyegwaka, iyavei oakä yakatu vɨreko terer ikwachiaprɨ Tüpä reroɨrösave yuvɨreko.

Apocalipsis 13:2

Ko mba'e ɨpɨ vai asepia va'e avɨye tuprɨ akoi yagwar iparaü va'e; iyavei ipɨ avɨye tuprɨ oso pɨ, iyuru evokoiyase avɨye yagwa pɨ̇ta. Mba'e ɨpɨ oporomokañɨ va'e evokoiyase omondo opirätäsa iyavei omborerekwasa chupe.

Apocalipsis 13:4

Omboetei gwasu mba'e ɨpɨ oporomokañɨ va'e sereko yuvɨreko, esepia omondo omborerekwasa mba'e ɨpɨ vai upe, ipare a'e avei omboeteiai yuvɨreko, aipo e'i: “¿Oime pi'ä ava ko mba'e ɨpɨ vai nungar, iyavei uma pi'ä oikatura ovava va'erä chupe?”

Apocalipsis 15:1

Ipare asepia ɨvave oyekwa va'e ambuae poromondɨisa tuvicha va'e: ñuvɨrïo ova mbigwai ɨva pendar vɨreko ñuvɨrïo ova tuprɨ mba'erasɨ ipa va'e yuvɨreko, a'e ipa va'e ite Tüpä ñemoɨrösa.

Apocalipsis 16:13

Ipare asepia mba'e ɨpɨ oporomokañɨ va'e yuru, mba'e ɨpɨ vai yuru avei, nda'ei va'e Tüpä ñe'ë mombe'usar yuru, a'e iyuru rupi yuvɨnosë mbosapɨ karugwar vɨreke nungar.

Apocalipsis 17:12

“Evokoi eresepia opayandepo yovaive tuprɨ sächi atɨ va'e, a'e opayandepo yovaive tuprɨ mborerekwar ɨvate katu va'e yuvɨrekoi, ndoyuvɨroike vɨtei rumo oporokwai va'erä; esepia oyoya tuprɨra oporokwai raimi tëira mba'e ɨpɨ vai reseve yuvɨreko kuri.

Apocalipsis 17:16

Evokoi eresepia opayandepo yovaive tuprɨ sächi atɨ va'e, iyavei mba'e ɨpɨ vai, a'e ndoyambotai chira kuña oyemondo-mondo tëi va'e, iyavei osekɨi tuprɨra seya; o'upara so'o, ipare opara osapɨ.

Apocalipsis 17:7

A'ese mbigwai ɨva pendar aipo e'i cheu: “¿Ma'erä vo nderevɨ'ai eiko? Aikwa ukara ko kuña rekokwer ndikwasai va'e ndeu, iyavei akoi mba'e ɨpɨ vai vɨreko va'e ñuvɨrïo ova tuprɨ oakä, opayandepo yovaive tuprɨ avei akoi sächi va'e.”

Apocalipsis 19:12

Sesa evokoiyase ndoyavɨi ete akoi tata rendɨgwer, iyavei oakä rese seta vɨreko oyegwaka, iyavei vɨreko terer ikwachiaprɨ oyese a'e gweraño ite rumo oikwa.”

Apocalipsis 20:2

Ko mbigwai ɨva pendar oipɨsɨ mba'e ɨpɨ oporomokañɨ va'e mboi nungar araka'endar, a'e ni'ä Karugwar sekoi iyavei opakatu Karugwar rerekwar; a'e oiku'akwa karena pɨpe mil aravɨter rupi imoi.