Apocalipsis 12:10 - Tüpä Ñe'ëngagwer

¹⁰ Evokoiyase asendu ñe'ësa ipirätä va'e ɨvave aipo e'i: “Kurïtëi oime poropɨsɨrösa, pirätäsa iyavei yande Tüpä mborerekwasa, Poropɨsɨrösar mborerekwasa aveino; esepia ni'ä, imboyepepɨsa ɨva sui akoi oseka-seka va'e yande rɨvrɨ Tüpä reroyasareta pɨ̇tü, arɨ yakatu rupi oseko momarä va'e sereko yande Yar Tüpä rovai.

Tũpa Ñehengagüer

¹⁰ Evocoiyase asendu ñehesa ipĩrata vahe ɨvave, aipo ehi vahe: “Cũritei oime poropɨ̃sɨrosa, pĩratasa iyavei yande Tũpa mborerecuasa, Poropɨ̃sɨrosar mborerecuasa avei no. Esepia niha, imboyepepɨsa ɨva sui acoi oseca-seca vahe yande rɨvrɨ Tũpa reroyasareta recocuer momara ãgua pɨ̃tu, arɨ yacatu rupi yande Ru Tũpa rovai.

Apocalipsis 12:10 Iomraidhean Croise

San Mateo 26:64

Jesús aipo e'i imboyevɨ chupe: –Nde ni'ä aipo ere cheu. Ko katu amombe'ura peü, che repiara ni'ä peye che, ava ɨvate katu va'e Ra'ɨrɨ, agwapɨse Tüpä mba'e mboavaisare'ɨ̇ akato kotɨ, ayevɨse avei ɨva kɨ'a rese kuri.

San Mateo 28:18

Jesús oyemboya oso sese aipo e'i chupe: –Tüpä che mbou mborerekwar ɨvate katu va'e che reko agwä ɨvave, ɨvɨve narä aveino.

San Mateo 6:10

Tou nde mburuvicha etesa oreu. Tayaposa nde remimbotar ko ɨvɨ pɨpe, inungar ɨvave yaposa va'e yepi.

San Lucas 11:2

Jesús aipo e'i chupe: –Peyerurese aipo peyera: ‘Ore Ru Tüpä, imboeteiprɨ nderer tasekoi. Tou nde mburuvicha etesa oreu.

San Lucas 22:31

Aipo e'i avei yande Yar: –Simón, Simón, esepia Karugwar oporandu pe reko agwä rese inungar trigo ra'ɨira viña;

1 Corintios 5:4

Akoi peñemonu'äse, che avei aikora pe pa'üve che ma'endu'asa pɨpe, iyavei yande Yar Jesús pirätäsa avei sekoira pe rese,

2 Corintios 12:9

yande Yar aipo e'i cheu: “Che porovasasa ndeu ambou va'e iyara nde ñemosa agwä; esepia che pirätäsa oyekwa katu ite ava nipirätäi va'e rekokwer rese evokoiyase che ayembovɨ'a katuño itera che reko nipirätäi va'e rese.” Egwë e'ira Jesucristo pirätäsa oyekwa che rese.

Tito 2:3

Egwë e'i tuprɨ aveira, kuña otɨ̇arö va'e vɨrekora gweko katuprɨsa, ndosavaɨpoi chiaveira. Omboyekwara gwekokwer avɨye va'e

1 San Pedro 5:8

Pearakwa kañɨi rene peyesui, pema'emo'ä arɨ rupi peyese, esepia pe amotare'ɨ̇mbar Karugwar pe reko momarä pota yepi inungar yagwar oñarö va'e ogwata tëi oporoeka tamomarä ava oyapave.

Apocalipsis 11:15

Imoñuvɨrïo ovasa mbigwai ɨva pendar omoñe'ëse gwemimbɨ, a'ese oyeendu ñe'ësa ipirätä va'e ɨva suindar aipo e'i: “Mborerekwasa ɨvɨ pendar a'e yande Yar Poropɨsɨrösar upendar ite, iyavei imborerekwasa apɨre'ɨ̇ va'erä ite sekoi.”

Apocalipsis 2:26

Akoi ava oyemovɨräkwä va'e mba'e-mba'e tëi apoe'ɨ̇ agwä, oyapo va'e che remimbotar mano rupi ete, chupe amondora mborerekwar seko agwä opakatu ɨvɨ rupi,

Apocalipsis 7:10

Ipare opakatu gwasu oñe'ë pirätä yuvɨreko aipo e'i: “¡Poropɨsɨrösa yande Ru Tüpä suindar, a'e ogwapɨ va'e öi gwendave porañete va'esave, Ovesami a'e Cristo sekoi va'e suindar aveino!”