Apocalipsis 12:1 - Tüpä Ñe'ëngagwer

¹ Evokoiyase ɨva rese oyekwa mba'e poromondɨisa tuvicha va'e: oime kuña iturukwar inungar arɨ rendɨgwer, avɨye opɨ̇ro va'e yasɨ rese o'ä, oakä yegwaka rese opayandepo yovaive ñuvɨrïo tuprɨ yasɨtata vɨreko.

Tũpa Ñehengagüer

¹ Evocoiyase ɨva rese oyecua mbahe poromondɨisa tuvichá vahe ambuae mbahe mboyecua ãgua: oime cuña iturucuar inungar arɨ rendɨgüer, avɨye opɨ̃ro vahe yasɨ rese ohã, oãca yeguaca rese doce tuprɨ yasɨtata vɨreco.

Apocalipsis 12:1 Iomraidhean Croise

San Mateo 12:38

Evokoiyase fariseo iyavei Moisés porokwaita rese oporombo'e va'e aipo e'i yuvɨreko Jesús upe: –Porombo'esar, ore orosepia pota ite mba'e nde rembiapo poromondɨisa resendar.

San Mateo 24:30

A'ese oyekwara ɨva rese poromondɨisa che ava ɨvate katu va'e Ra'ɨrɨ yu agwä, iyavei opakatu ava-ava tëi ko ɨvɨ pɨpendar oyase'o tëira osɨkɨyepave yuvɨreko, ipare pesepiara che ava ɨvate katu va'e Ra'ɨrɨ agweyɨse ɨva kɨ'a rese che pirätäsa rendɨgwer porañetesa pɨpe.

San Marcos 13:25

yasɨtata avei opara ovɨapi ɨva sui iyavei ɨva resendar mba'e orɨrɨira yuvɨreko.

San Lucas 21:11

Oimerä ɨvɨ rɨrɨi tuvicha va'e, iyavei tɨavor, mba'erasɨsa opakatu-katu tëi tekwa rupi, oyekwa aveira ɨva rese mba'e poromondɨisa tuvicha va'e.”

San Lucas 21:25

“Oimerä poromondɨisa arɨ rese, yasɨ rese iyavei yasɨtata rese; opakatu ɨvɨ tekwa rupi ava ndayarakwa iri chira yuvɨreko oyembosɨkɨye gwasu-gwasu tëi aveira yuvɨreko paragwasu rɨapugwer renduse.

San Juan 3:29

Ñepëi mendasave, akoi vɨreko va'e gwembirekovɨ a'e imevɨ ite; iyavei imevɨ mborɨpar, osenduse a'eve o'ä oyembovɨ'arete iñe'ë renduse. Egwë a'e avei che kurïtëi ayembovɨ'aretera.

Los Hechos 2:19

Amboyekwara poromondɨisa ɨva rese, iyavei tuvɨ, tata avei ɨva kɨ'a iyavei tatächi oyese'a tuprɨra ɨvɨ rese kuri.

Romanos 13:14

Iya rumo, perekora yande Yar Jesucristo rekokwer peyese, anichira pe pɨ'añemoñeta mba'e-mba'e tëi apo agwä pe remimbotarai pɨpe tëi.

Romanos 3:22

Jesucristo rese yande yeroyasa pɨpe, Tüpä oseko mo'ɨ̇vi ete opakatu ava vɨroyasar. Nomboyoavɨi ete rumo oporoaɨsusa sereko:

2 Corintios 11:2

Esepia cherekate'ɨ̇ ite pe rese, a'e tekate'ɨ̇sa ou cheu Tüpä sui. Che aipota Cristo upe opomondo va'erä pe reko maräne'ɨ̇sa pɨpe, inungar kuñatäi ndaseko maräi va'e imondoprɨ kuimba'e upe imenda agwä.

Gálatas 3:27

opakatu pe ñapirämombrɨ peiko va'e Cristo rupi pe gwata agwä, Cristo rekokwer avei pereko.

Gálatas 4:26

Yande rumo inungar Jerusalén ɨva pendar yaiko, egwë ya'e yaiko ta'ɨrɨ mbigwai e'ɨ̇.

Gálatas 6:14

Che rumo ndayemboɨvate potai ete, yande Yar Jesucristo mano agwer kurusu reseaño ite ayembovɨ'a. Cristo mano agwer sui ko ɨvɨ pɨpendar opa ite omano yuvɨreko cheu, che evokoiyase inungar omano va'e aiko ko ɨvɨ pɨpendar upe.

Efesios 5:32

A'e ñe'ësa pɨpe oime mba'e Tüpä suindar ndikwasai va'e oyekwa ramo ite avɨye va'e. Che aroya Cristo opakatu seroyasareta avei.

Apocalipsis 1:20

Ko akoi eresepia mba'e ndikwasai va'e ñuvɨrïo ova yasɨtata che akato kotɨndar, iyavei ñuvɨrïo ova tuprɨ oro apoprɨ tataendɨ rɨru: ñuvɨrïo ova yasɨtata a'e mbigwai ɨva pendar, iyavei ñuvɨrïo ova tekwa, evokoiyase oro apoprɨ tataendɨ rɨru, a'e yuvɨrekoi ñuvɨrïo ova tuprɨ tekwa pɨpendar che reroyasar.”

Apocalipsis 11:19

A'ese oyemboi Tüpä rëtä ɨva pendar, iyavei sëtä pɨpe oyekwa tuprɨ kwachiar porokwaita resendar rɨru. Ipare overa-vera, sɨapu gwasu, osunu, ɨvɨ orɨrɨi, amanda osururu aveino.

Apocalipsis 12:3

Ipare koiye katu oyekwa iri ambuae poromondɨisa ɨva rese: ñepëi mba'e ɨpɨ pirä va'e, a'e ñakä ñuvɨrïo ova tuprɨ, sächi evokoiyase imboopayandepo yovaivesa iyavei vɨreko yegwaka oakä yakatu.

Apocalipsis 15:1

Ipare asepia ɨvave oyekwa va'e ambuae poromondɨisa tuvicha va'e: ñuvɨrïo ova mbigwai ɨva pendar vɨreko ñuvɨrïo ova tuprɨ mba'erasɨ ipa va'e yuvɨreko, a'e ipa va'e ite Tüpä ñemoɨrösa.

Apocalipsis 21:14

Tekwa gwasu ächisa vɨreko opayandepo yovaive ñuvɨrïo tuprɨ ita imovɨräkwäsa, a'e sese evokoi opayandepo yovaive ñuvɨrïo tuprɨ yuvɨrekoi va'e ikwachiasa serer Ovesami a'e Cristo sekoi va'e ñe'ë mombe'usar.

Apocalipsis 21:23

Evokoi tekwa gwasu ndovɨreko iri ete arɨ, yasɨ gwesape agwä, esepia ni'ä Tüpä ite osesape gwendɨgwer pɨpe, iyavei Ovesami a'e Cristo sekoi va'e tataendɨ nungar sekoi a'eve yuvɨrekoi va'e upe.