Apocalipsis 11:8 - Tüpä Ñe'ëngagwer

⁸ Se'ögwer evokoiyase yangarekwave'ɨ̇ tëi yugwerura tekwa gwasu rokar rupi, a'e tekwa pɨpe avei yande Yar oyatɨka kurusu rese yuvɨreko, a'e tekwa pendar upe amove ava, Sodoma pendar nungar yuvɨrekoi e'i yuvɨreko, Egipto pendar e'i avei yuvɨreko no.

Tũpa Ñehengagüer

⁸ Sehõgüer evocoiyase yangarecuavẽhɨ tẽi yugüeru tecua guasu rocar rupi, ahe tecua pɨpe avei yande Yar oyatɨca curusu rese yuvɨreco, ahe tecua pendar upe amove ava, “Sodoma pendar nungar yuvɨrecoi” ehi yuvɨreco; “Egipto pendar nungar yuvɨrecoi” ehi avei yuvɨreco no.

Apocalipsis 11:8 Iomraidhean Croise

San Mateo 10:15

Supiete arɨ kañɨ oyepotase ko tekwa upe, ɨvate katura Tüpä ñemoɨrösa ava Sodoma, Gomorra ɨgwar upendar sui kuri.”

Los Hechos 9:4

A'ese Saulo ovɨapi oso ɨvɨve, ipare osendu ɨva pendar ñe'ësa aipo e'i va'e: “Saulo, Saulo, ¿ma'erä vo che reka eiko eve?”

Hebreos 13:12

Egwë e'i avei ni'ä, Jesús iparaɨsu omano tekwa ɨvɨi, ava reko mboatɨrö agwä vuvɨ pɨpe.

Hebreos 6:6

oyepepɨse rumo ichui, ndayaikatu iri seko reroyevɨ iri agwä Tüpä upe, esepia yatɨkaprɨ nungar iri ete vɨreko Tüpä Ra'ɨrɨ iyavei ambuae ava omoñe'ë-ñe'ë tëi iri sese.

2 San Pedro 2:6

Iyavei Tüpä opa omokañɨ tata pɨpe tekwa Sodoma iyavei Gomorra, egwë e'i imbotanimbu tuprɨ, na'esa aveira ni'ä ambuae ava ndiporeroyai va'e rerekosa kuri.

San Judas 1:7

Iyavei ambuae mbigwai eta, iyavei Sodoma pendar Gomorra pendar iyavei a'e tekwa ɨvɨrindar oyemondo oyemboagwasa-gwasa tëi agwä yuvɨreko, iyavei oyeeraso uka mba'e-mba'e tëi pɨpe yuvɨreko. Ipɨpe sui oiporara tata gwasu apɨre'ɨ̇ va'e yuvɨreko a'e opɨta opakatu yande yembosɨkɨye agwä.

Apocalipsis 11:13

A'eseve voi oime ɨvɨ rɨrɨi tuvicha va'e, ichui tekwa gwasu imboopa yandepoyovaivesa ya'okwer opa onduru, a'ese siete mil tuprɨ ava opa omano yuvɨreko. Evokoiyase ava rumbɨrer, osɨkɨyepave tëi osapukai Tüpä ɨva pendar upe imboeteisa pɨpe yuvɨreko.

Apocalipsis 11:9

Ipare mbosapɨ arɨ yemombɨtesa rupi, ava-ava tëi tekwa rupindar, ava ambuae-ae tëi va'e, iñe'ë ambuae va'e iyavei ambuae ɨvɨ rupindar osepiaño tëira se'ögwer iyavei a'e noñotɨ̇ ukai chietera ava upe yuvɨreko.

Apocalipsis 14:20

Ipare uva serasosa tekwa kupeve ikambe agwä, egwë e'i ko ava imombaraɨsu; ichui osë tuvɨ evokoi tɨpɨgwer oyepota ite kavayu yuru penda rupi, a'e ipukukwer trescientos kilómetros tuprɨ ite.

Apocalipsis 14:8

Ichui ambuae mbigwai ɨva pendar imoñuvɨrïosa rakɨkwerindar aipo e'i: “¡Ovɨapi, ovɨapi ete Babilonia gwasu, esepia ni'ä, evokoi opa ombosavaɨpo opakatu ambuae tekwa pendar o'ɨgwa yemboagwasa tëisa resendar pɨpe!”

Apocalipsis 16:19

Tekwa gwasu opa oyemombɨte-mbɨte mbosapɨ rupi, opakatu tekwa evokoiyase opa onduru ɨvɨ pɨpendar, ipare Tüpä oyemoma'endu'a evokoi tekwa gwasu Babilonia pendar rembiapoai rese, evokoiyase omondo oñemoɨrösa ipirätä katu va'e chupe.

Apocalipsis 17:1

Ñepëi mbigwai ɨva pendar ñuvɨrïo ova pa'ü pendar vɨreko va'ekwer ɨgwa rɨru, a'e ou aipo e'i cheu: “Erio, amboyekwara ndeu ñemoɨrösa ko kuña oyemondo-mondo tëi va'e upe, a'e evokoi ogwapɨ ɨ arɨve öi.

Apocalipsis 17:18

Iyavei evokoi kuña eresepia va'e yagwasa-gwasa tëi va'e, a'e ni'ä tekwa gwasu ɨvɨ pɨpendar mborerekwareta vɨreko va'e opovrɨve yepi.”

Apocalipsis 17:5

iyavei vɨreko ikwachiaprɨ osɨva rese terer ndikwasai va'e aipo e'i: “Ko tekwa Babilonia gwasu, kuña oyemondo-mondo tëi va'e sɨ, opakatu ava ɨvɨ pɨpendar sekokwer yavaete va'e sɨ aveino.”

Apocalipsis 18:10

Opɨtañora amombrɨve osɨkɨyepave iparaɨsusa sui, aipo e'i tëira yuvɨreko: “¡Ndeparaɨsu, ndeparaɨsu katu ite, eiko tekwa gwasu, Babilonia nde tekwa seko pirätä va'e ite ereiko viña! Esepia avɨyeteramo tëi oyepota ou teko asɨsa ndeu.”

Apocalipsis 18:18

iyavei ko tekwa gwasu rätächi repiase, a'ese säse pirätä tëi yuvɨreko: “¿Ndipoi ete ni'ä tekwa na e'i va'e inungar ko tekwa gwasu Babilonia?”

Apocalipsis 18:2

Iyavei oñe'ë pirätä aipo e'i: “¡Ovɨapi, ovɨapi tekwa gwasu Babilonia! ¡Karugwar yuvɨroike sese, opakatu karugwar naporäi va'e rëtä sekoi, iyavei opakatu vɨräi vai nungar yuvɨroike sese iyavei ma'embiar oñaroäi va'e nungar sekoi!

Apocalipsis 18:21

A'ese ñepëi mbigwai ɨva pendar seko pirätä va'e osupi ita inungar mba'e mboku'isa, ipare omombo paragwasu pɨpe aipo e'i: “Na e'i aveira nde rerekosa imokañɨprɨ tëi ereikora, tekwa gwasu Babilonia, iyavei nande repia iri chietera koiye katu yuvɨreko.

Apocalipsis 18:24

Esepia ni'ä, evokoi tekwa gwasu pɨpe oyekwa ite Tüpä ñe'ë mombe'usar ruvɨ, Tüpä upendar ava ruvɨ, opakatu ava yukaprɨ ɨvɨ pɨpendar ruvɨ avei.