Apocalipsis 11:6 - Tüpä Ñe'ëngagwer

⁶ Ko che ñe'ë reroyasar yuvɨrekoi va'e vɨreko ite opirätäsa ɨva rokenda mboya agwä yuvɨreko, okɨ e'ɨ̇ ägwä mombɨta avei, akoi arɨ rupi che reko mombe'u vɨteseve yuvɨreko, iyavei vɨreko pirätäsa ɨ rekuñarö agwä tuvɨ pɨpe yuvɨreko, imombaraɨsu uka agwä avei ɨvɨ opakatu-katu tëi mba'erasɨ pɨpe gwemimbotar rupi.

Tũpa Ñehengagüer

⁶ Co ñuvɨrío vɨreco opĩratasa oquɨ vahe mombɨta ãgua, acoi arɨ rupi che reco mombehu vɨteseve yuvɨreco; iyavei vɨreco pĩratasa ɨ recuñaro ãgua tuvɨ pɨpe yuvɨreco, imombaraɨsu uca ãgua avei ɨvɨ opacatu-catu tẽi mbaherasɨ pɨpe güemimbotar rupi.

Apocalipsis 11:6 Iomraidhean Croise

San Lucas 4:25

Supiete, seta kuña imer mano va'ekwer yuvɨrekoi va'e tekwa Israel ve Tüpä ñe'ë mombe'usar Elías rekose, a'ese ndokɨi ete mbosapɨ aravɨter yemombɨtesa rupi, iyavei oime tɨavor opakatu ɨvɨ rupi araka'e;

Apocalipsis 11:3

“Ipare ñuvɨrïo ava amondora che rekokwer mombe'u agwä opakatu ava upe mil doscientos sesenta arɨ rupi, a'e omondera turukwar ipo gwasu va'e yuvɨreko e'i.”

Apocalipsis 16:3

Imoñuvɨrïosa mbigwai ɨva pendar opa oipɨyere ɨgwa rɨru pɨpendar paragwasu pɨpe, evokoiyase ɨ paragwasu pɨpendar oyeapo tuvɨ nungar, ava yukaprɨ ruvɨ nungar, ichui opakatu tuprɨ yuvɨromano paragwasu pɨpe yuvɨrekove va'e.

Apocalipsis 16:4

Imombosapɨsa mbigwai ɨva pendar opa oipɨyere ɨgwa rɨru pɨpendar ɨai pɨpe, ɨ o'ë va'e pɨpe aveino, ipare opa oyeapo tuvɨ nungar.

Apocalipsis 8:8

Imoñuvɨrïosa mbigwai ɨva pendar omoñe'ë gwemimbɨ. A'ese imombosa paragwasu pɨpe inungar tuprɨ akoi ɨvɨtrɨ sendɨ va'e tata pɨpe; ipare paragwasu mombosapɨsa ya'okwer oyeapo tuvɨ.