Apocalipsis 11:18 - Tüpä Ñe'ëngagwer

¹⁸ Ambuae tekwa re'ɨi pendar nde amotare'ɨ̇ ite yuvɨreko; nde ñemoɨrösa rumo kurïtëi oyepota, iyavei nde porandusa oime voira ava omano va'e upe; iyavei eremondora mba'e porerekosa nde rembigwai eta nde ñe'ë mombe'usar upe, ndeundar seko katuprɨ va'e upe iyavei akoi nde rer mboeteisar upe no, seko ɨvate va'e upe, seko ɨvɨ kotɨ katu va'e upe aveino; iyavei eremokañɨrä ko ɨvɨ pɨpe mba'e tëi aposar yuvɨreko.”

Tũpa Ñehengagüer

¹⁸ Ambuae tecua rehɨi pendar nde amotarẽhɨ́ ité yuvɨreco. Nde ñemoɨrosa rumo cũritei oyepota, iyavei nde porandusa oime voira ava omano vahe upe. Iyavei eremondora mbahe porerecosa nde rembiguai eta nde ñehe mombehusar upe, ndeundar seco catuprɨ vahe upe, iyavei acoi nde rer mboeteisar upe no, que seco ɨvate vahe upe, que seco ɨvɨ cotɨ catu vahe upe avei no; iyavei eremocañɨra co ɨvɨ pɨpe mbahe tẽi rerusar” ehi yuvɨreco.

Apocalipsis 11:18 Iomraidhean Croise

San Mateo 5:12

Pe rumo peyembovɨ'añora, esepia ɨvave tuvicha va'e porerekosa peipɨsɨra kuri; egwë e'i tuprɨ avei ni'ä yɨpɨndar yuvɨrekoi va'e Tüpä ñe'ë mombe'usareta mombaraɨsu yuvɨreko araka'e.”

San Lucas 1:50

Tüpä vɨreko ite oporoaɨsusa opakatu omboeteisar upe yepi.

Hebreos 9:27

Supiete opa rane itera ava omano yuvɨreko, ipare voi ñepëi reseve oimerä porandusa,

Apocalipsis 10:7

oyepotase rumo imoñuvɨrïo ovasa mbigwai ɨva pendar upe gwemimbɨ moñe'ë agwä, a'ese imboavɨyesara Tüpä remimbotar yɨpɨndar ndikwasai va'e, a'e akoi omombe'u va'e gwembigwai oñe'ë mombe'usar upe araka'e.”

Apocalipsis 11:2

Nderesä'ai chira rumo ñachimbrɨ pɨpe tüpäro rokar rupi, esepia evokoi opa imondosa ava Tüpä ndoikwai va'e upe, a'e opɨröra tekwa nimaräi va'e rese yuvɨreko cuarenta y dos yasɨ rupi.”

Apocalipsis 13:10

“Akoi ava seraso pɨrä poroekendasave, a'e sokendasa ñoitera; iyavei akoi ava omano va'erä kɨse puku pɨpe, kɨse puku pɨpe avei yukasara.” Ko pɨpe oyekwa Tüpä rese yeroyasa iyavei ipirätäsa ava rese yuvɨreko.

Apocalipsis 13:16

Ipare ava opakatu yuvɨrekove va'e upe, seko mbegwemi va'e upe, seko ɨvate va'e upe avei, mba'e yar upe, iparaɨsu va'e upe, ava nimañekoprɨi va'e upe, mbigwai tëi upe, sese ikwachiasara ipo i'akato kotɨndar rese, anise ɨsɨva rese yuvɨreko.

Apocalipsis 14:10

a'e oipɨsɨ itera Tüpä ñemoɨrösa ipirätä va'e, ipare omombaraɨsura setekwer azufre okai va'e pɨpe gwembigwai ɨva pendareta reko maräne'ɨ̇ rovake, iyavei Ovesami a'e Cristo sekoi va'e rovake aveino.

Apocalipsis 15:1

Ipare asepia ɨvave oyekwa va'e ambuae poromondɨisa tuvicha va'e: ñuvɨrïo ova mbigwai ɨva pendar vɨreko ñuvɨrïo ova tuprɨ mba'erasɨ ipa va'e yuvɨreko, a'e ipa va'e ite Tüpä ñemoɨrösa.

Apocalipsis 15:7

Ipare ñepëi evokoi irugätu ɨva pendar yuvɨrekove va'e pa'ü pendar omondo ñuvɨrïo ova tuprɨ mbigwai ɨva pendar upe ñuvɨrïo ova Tüpä ñemoɨrösa rɨru oro apoprɨ, a'e sekokwer ndopai va'e apɨre'ɨ̇ va'erä ite yepi.

Apocalipsis 18:6

Pemondo mba'e chupe inungar a'e omondo mba'e ambuae ava upe, pemboepɨ ñuvɨrïo rupi mba'e sembiapokwer chupe; pemomirätä katu mba'e ɨgwa ñuvɨrïo rupi pemboyese'a imondo chupe; inungar a'e kuña omboyese'a ɨgwa imondo ambuae ava upe;

Apocalipsis 19:15

Iyuru pɨpe sui osë kɨse puku saimbe va'e opakatu ambuae-ae tekwa rupindar momarä agwä. A'e oyokwaira oamotare'ɨ̇sar gwarepochi apoprɨ opo pendar pɨpe. Iyavei osekoa'ära inungar uva opɨve otɨavɨi va'e yuvɨreko iyavei omboɨ'ura evokoi uva rɨkwer paraɨsu katusa resendar pɨpe. A'ese Tüpä mba'emboavaisare'ɨ̇ oñemoɨrö itera chupe.

Apocalipsis 19:18

pe'u ko mborerekwareta ɨvate katu va'e ro'o, sundao eta rerekwar ro'o iyavei ava oikoete va'e ro'o, kavayu ro'o, i'arɨ pendar ro'o avei, opakatu ava ro'o ava nimañekosai va'e ro'o, mbigwai ro'o, seko ɨvɨ kotɨ katumi va'e ro'o, seko ɨvate va'e ro'o avei!”

Apocalipsis 19:5

Evokoiyase Tüpä renda sui tuprɨ oyeendu ñe'ësa aipo e'i va'e: “¡Pemboetei yande Ru Tüpä sereko opakatu peroya va'e, seko ɨvɨ kotɨ katumi va'e, seko ɨvate va'e avei, iyavei opakatu seroyasar peiko va'e osɨkɨye va'e avei ichui tomboetei yuvɨreko!”

Apocalipsis 20:12

Ipare asepia omano va'ekwer seko ɨvate va'e, seko mbegwemi va'e aveino opü'a yuvɨno'ä Tüpä rovai; a'ese kwachiar opa ipɨpirasa, iyavei ambuae kwachiar, a'e kwachiar tekovesa resendar. Omano va'ekwer upe evokoiyase porandusa evokoi kwachiar pɨpendar mba'e sembiapokwer rese.

Apocalipsis 20:15

a'eve opa imondosa akoi ndovɨrekoi va'e gwerer ikwachiaprɨ kwachiar tekovesa resendar pɨpe.

Apocalipsis 22:12

“Supiete ayevɨ poyavara, iyavei arura mba'e porerekosa amondo va'erä ñepëi-pëi ava upe sembiapokwer rupi.