Apocalipsis 11:17 - Tüpä Ñe'ëngagwer

¹⁷ aipo e'i yuvɨreko: “Avɨye ndeu ore Yar, Tüpä mba'e mboavaisare'ɨ̇, nde akoi yɨpɨsuive va'e ite, ereikoveño avei kurïtëi, esepia nde pirätäsa tuvicha va'e pɨpe ereporokwai eiko, iyavei eremboɨpɨ ite nde mborerekwasa mboavɨyesa sereko.

Tũpa Ñehengagüer

¹⁷ aipo ehi: “Avɨye ndeu ore Yar, Tũpa mbahe mboavaisarẽhɨ, nde acoi yɨpɨsuive vahe ité, ereicoveño avei cũritei. Esepia, nde pĩratasa tuvichá vahe pɨpe ereporocuai eico.

Apocalipsis 11:17 Iomraidhean Croise

San Mateo 11:25

A'e arɨ pɨpe, Jesús aipo e'i: “Che Ru, avɨye ndeu che Yar ɨva pendar, iyavei ɨvɨ pɨpendar ereiko, esepia nde eremboyekwa ite ko ñe'ësa ava seko mbegwemi va'e upe ereñomi ava imba'ekwa katu va'e sui.

San Lucas 10:21

A'e pɨpeve voi, Jesús ovɨ'aretesa pɨpe Espíritu Maräne'ɨ̇ rese aipo e'i: “Oromboetei, nde rereko che Ru, Yar ɨva pendar ɨvɨ pendar aveino, esepia eremboyekwa ite ñe'ësa ava seko mbegwemi va'e upe a'e akoi ereñomi va'e ava opakatu oikwa va'e sui ava mba'e osendukwa tuprɨ va'e sui avei. Supiete che Ru, esepia evokoi nungar ite ereipota eiko yepi.”

San Juan 11:41

Vɨrokwa ita yuvɨreko ichui, ipare Jesús oma'e ɨva rese aipo e'i: –Che Ru, avɨye ndeu esepia eresendu ite che ñe'ë.

2 Corintios 2:14

Avɨye yande Ru Tüpä upe esepia yande Cristo rese yaiko va'e yande renose oamotare'ɨ̇mbar povrɨ sui opakatu ava rembiepiave iyavei yande rekokwer sui opakatu ava upe oikwa uka gwekokwer inungar mba'e sɨäkwä va'e yasëtu va'e opakatu rupi.

2 Corintios 9:15

¡Avɨye Tüpä upe, esepia a'e ombou mba'e tuvicha va'e avɨye katu va'e yandeu, ndayaikatui va'e mombe'u tuprɨ agwä!

1 Timoteo 1:12

Avɨye ndeu a'e yande Yar Jesucristo upe, a'e ni'ä ombou pirätäsa ko che ñe'ë agwä, esepia a'e oyeroya che rese sese che mondo oñe'ëngagwer mombe'u agwä,

Apocalipsis 1:4

Che Juan, aikwachia Jesús reroyasar ñuvɨrïo ova tekwa Asia ɨvɨ rupindar yuvɨrekoi va'e upe. Peipɨsɨ porovasasa, teko tuprɨsa Tüpä suindar ou va'erä sui; ñuvɨrïo ova espíritu suindar aveino, a'e yuvɨno'äi va'e senda porañete va'e rovai,

Apocalipsis 1:8

“Che aiko yɨpɨndar iyavei ipandar,” aipo e'i yande Yar Tüpä opakatu mba'e mboavaisare'ɨ̇ evokoi yɨpɨve va'e ite, kurïtëindar apɨre'ɨ̇ va'e avei.

Apocalipsis 11:15

Imoñuvɨrïo ovasa mbigwai ɨva pendar omoñe'ëse gwemimbɨ, a'ese oyeendu ñe'ësa ipirätä va'e ɨva suindar aipo e'i: “Mborerekwasa ɨvɨ pendar a'e yande Yar Poropɨsɨrösar upendar ite, iyavei imborerekwasa apɨre'ɨ̇ va'erä ite sekoi.”

Apocalipsis 15:3

Ipare osapukai Tüpä rembigwai yuvɨreko Moisés sapukaisa pɨpe, iyavei Ovesami a'e Cristo sekoi va'e sapukaisa pɨpe. Aipo e'i: “Avɨye ite opakatu mba'e nde rembiapokwer, che Yar Tüpä mba'e mboavaisare'ɨ̇; nde rekokwer supi tuprɨ va'e ite; seko ɨ̇vi va'e, iyavei nde Mborerekwar ɨvate katu va'e ereiko ɨvɨ pɨpendar opakatu ava upe.

Apocalipsis 16:14

Ko karugwar suindar yuvɨrekoi, a'e oyapo poromondɨisa mba'e mboyekwasa yuvɨreko, ipare opa yuvɨnosë opakatu ɨvɨ rupi mborerekwareta ɨvate katu va'e monu'ä agwä vavasave narä, akoi arɨ kañɨ pɨpe Tüpä mba'e mboavaisare'ɨ̇ amotare'ɨ̇save.

Apocalipsis 16:5

Ko pare asendu mbigwai ɨva pendar ɨ rese i'añeko va'e ñe'ësa aipo e'i: “Nde seko tuprɨ va'e ite ereiko evokoi ava upe erembouse nde ñemoɨrösa, che Yar Tüpä, seko maräne'ɨ̇ va'e, nde yɨpɨsuivendar ite ereiko,

Apocalipsis 16:7

Asendu avei ambuae ñe'ësa mba'e reropove'ësa renda sui aipo e'i va'e: “Supiete, che Yar Tüpä, opakatu mba'e mboavaisare'ɨ̇, nde porandusa ava rembiapokwer rese supi tuprɨ va'e ite, seko ɨ̇vi va'e avei.”

Apocalipsis 18:8

Sese ni'ä avɨyeteramo tëi oura mba'erasɨsa chupe: paraɨsusa, tɨepore'ɨ̇ iyavei manosa; ipare sapɨsara tata pɨpe; esepia ni'ä, yande Yar Tüpä mba'e mboavaisare'ɨ̇ sekoi, omondo manosa pɨpe.”

Apocalipsis 19:11

Evokoiyase asepia ɨva oyemboi va'e; a'eve avɨyeteramo tëi kavayu morochi va'e oyemboyekwa, evokoiyase ava sese oyeupi va'e rer: “Seko ɨ̇vɨi tuprɨ va'e iyavei Supi tuprɨ va'e, esepia gweko ɨ̇vɨisa pɨpe oporokwai iyavei oyapo vavasa oiko.

Apocalipsis 19:6

Asendu avei ava re'ɨi ñe'ë, inungar akoi ɨtu gwasu rɨapu, ndoyavɨi avei osunu gwasu va'e. Aipo e'i: “¡Imboeteiprɨ yande Yar tasekoi! Esepia ni'ä yande Yar Tüpä omboɨpɨ oporokwai oiko gweko mba'e mboavaisare'ɨ̇sa pɨpe.