Apocalipsis 10:6 - Tüpä Ñe'ëngagwer

⁶ ichui Tüpä ndopai va'e rer pɨpe evokoi oyapo va'e ɨva, ɨvɨ, paragwasu iyavei opakatu mba'e ipor reseve. A'ese aipo e'i oñe'ë: “Nasärösa iri chietera evokoi nungar mba'e;

Tũpa Ñehengagüer

⁶ Ichui Tũpa ndopai vahe rer pɨpe evocoi oyapo vahe ɨva, ɨvɨ, para guasu iyavei opacatu mbahe ipor reseve, omoingatu oñehe aipo ehi: “Nasarosa iri chietera;

Apocalipsis 10:6 Iomraidhean Croise

Apocalipsis 1:18

iyavei aikove vɨte va'e. Yepe amano viña, kurïtëi rumo aikove iri ndopai va'erä ite che rekokwer. Che areko che mborerekwasa ava rekokwer mokañɨ agwä.

Apocalipsis 12:12

¡Peyembovɨ'a katu pe ɨva pendar, opakatu peiko va'e a'eve! ¡Pe rumo, peparaɨsu katura ɨvɨ pɨpe, paragwasu pɨpe avei yuvɨrekoi va'e, esepia ni'ä karugwar oikwa ite gweko puku e'ɨ̇ agwä ko ɨvɨ pɨpe, ogweyɨ peü oñemoɨrösa pɨpe mba'e tëi apo agwä!”

Apocalipsis 16:17

Evokoiyase imoñuvɨrïo ovasa mbigwai ɨva pendar oipɨyere ɨgwa rɨru ɨvɨtu rupi, ipare ɨva pendar Tüpä rëtä pɨpe sui osë ñe'ësa ipirätä va'e ou va'e senda sui ipare aipo e'i: “¡Opa ite yaposa imombe'uprɨ!”

Apocalipsis 21:6

Ipare aipo e'i cheu: “Opa ite yavɨye. Che aiko yɨpɨndar ñe'ësa iyavei ipandar. Akoi ava i'usei va'e amboɨ'uño itera ɨ tekovesa resendar ndasepɨi va'e pɨpe.

Apocalipsis 4:10

Egwë e'ise evokoiyase veinticuatro tuprɨ ikwaiprɨ yuvɨrekoi va'e, a'e oñenopɨ'ä imboeteisa pɨpe sovai yuvɨreko, ipare osekɨi oakä resendar oyere tuprɨ va'e omborerekwasa resendar sovai aipo e'i yuvɨreko:

Apocalipsis 4:11

“Ore Yar Tüpä, iya ite nde mboeteisa, ndeu sapukaisa nde pirätäsa rese, esepia nde ereyapo va'e mba'e opakatu; nde remimbotar rupi ni'ä oime opakatu mba'e.”

Apocalipsis 4:9

Evokoi yuvɨrekove va'e omboetei yuvɨreko, avɨye ndeu e'i ko ogwapɨ va'e öi tenda arɨve ndopai va'e upe.

Apocalipsis 6:11

Ipare imondosa iyakatu turukwar morochi va'e, a'ese aipo e'i chupe pepɨtu'u vɨte rane, tayavɨyepa rane pe rɨvrɨ eta retakwer, Tüpä upe oporavɨkɨ va'e mba'e aposa pɨpe yukaprɨ pe nungar yuvɨreko.