Apocalipsis 10:3 - Tüpä Ñe'ëngagwer

³ Evokoiyase säse pirätä, inungar yagwa pɨ̇ta räse; ipare säsese evokoiyase ñuvɨrïo ova tuprɨ osunu va'e ñe'ë oyeendu yuvɨreko.

Tũpa Ñehengagüer

³ Evocoiyase sãse pĩratá, inungar yagua pɨ̃ta rãse; sãsese, evocoiyase siete tuprɨ osunu vahe ñehe oyendu yuvɨreco.

Apocalipsis 10:3 Iomraidhean Croise

Apocalipsis 14:2

Ipare asendu mba'e rɨapu ɨva sui ou va'e; ndoyavɨi akoi ɨtu gwasu rɨapugwer iyavei ndoyavɨi ete akoi osunu va'e opororo-roro iteanga va'e; ndoyavɨi avei akoi ava seta va'e omoñe'ëse arpas yuvɨreko, egwë e'i sɨapugwer.

Apocalipsis 15:1

Ipare asepia ɨvave oyekwa va'e ambuae poromondɨisa tuvicha va'e: ñuvɨrïo ova mbigwai ɨva pendar vɨreko ñuvɨrïo ova tuprɨ mba'erasɨ ipa va'e yuvɨreko, a'e ipa va'e ite Tüpä ñemoɨrösa.

Apocalipsis 15:7

Ipare ñepëi evokoi irugätu ɨva pendar yuvɨrekove va'e pa'ü pendar omondo ñuvɨrïo ova tuprɨ mbigwai ɨva pendar upe ñuvɨrïo ova Tüpä ñemoɨrösa rɨru oro apoprɨ, a'e sekokwer ndopai va'e apɨre'ɨ̇ va'erä ite yepi.

Apocalipsis 4:5

Evokoiyase Tüpä renda sui yuvɨnosë overa-vera va'e, iyavei sɨapu gwasu va'e, osunu va'e no; iyavei ñuvɨrïo ova tuprɨ tataendɨ sendɨpa yuvɨreko evokoi tenda rovai, a'e ko ñuvɨrïo ova tuprɨ Tüpä espíritu.

Apocalipsis 8:5

Evokoiyase mbigwai ɨva pendar opoko itaɨsɨ rapɨsa rese, omboapɨpo mba'e reropove'ëprɨ renda pendar tatäpɨi pɨpe, ipare opa omombo ɨvɨ arɨ rupi; a'eseve voi osunu va'e opororo-roro, overa-vera iyavei ɨvɨ orɨrɨi.