Apocalipsis 10:11 - Tüpä Ñe'ëngagwer

¹¹ Evokoiyase aipo e'i yuvɨreko cheu: “Nde eremombe'u irira Tüpä ñe'ëngagwer ipɨasu va'e, ambuae tekwa rupindar upe, ɨvɨ rupindar upe avei, ambuae iñe'ë va'e upe, mborerekwareta upe aveino.”

Tũpa Ñehengagüer

¹¹ Evocoiyase aipo ehi yuvɨreco cheu: “Nde ereñehe irira Tũpa aipo ehi vahe rese ambuae-ae tecua pɨpendar rese, ɨvɨ rupindar rese, ambuae-ae iñehe vahe rese, mborerecuar rese avei no” ehi.

Apocalipsis 10:11 Iomraidhean Croise

Apocalipsis 10:10

A'ese aipɨsɨ kwachiarmi mbigwai ɨva pendar sui, ipare a'u; yɨpɨndar së'e che yuru pɨpe inungar eirɨ, amokopase rumo, che avɨterve iroiteanga.

Apocalipsis 11:1

Ipare ombou ñepëi mba'e rä'asa yuvɨreko cheu inungar tuprɨ patavɨɨ, aipo e'i yuvɨreko cheu: “Eso, teresä'apa tüpäro, mba'e reropove'ëprɨ renda avei, ipare opara ereipapa ipɨpendar Tüpä mboeteisar retakwer avei.

Apocalipsis 11:9

Ipare mbosapɨ arɨ yemombɨtesa rupi, ava-ava tëi tekwa rupindar, ava ambuae-ae tëi va'e, iñe'ë ambuae va'e iyavei ambuae ɨvɨ rupindar osepiaño tëira se'ögwer iyavei a'e noñotɨ̇ ukai chietera ava upe yuvɨreko.

Apocalipsis 14:6

Evokoiyase asepia ambuae mbigwai ɨva pendar oveve va'e ɨva mbɨter rupi iyavei vɨreko Tüpä ñe'ëngagwer pɨsɨrösa resendar ndopai va'e imombe'u agwä opakatu ava ko ɨvɨ pɨpendar upe, opakatu ɨvɨ rupindar upe, ava ambuae va'e upe, iñe'ë ambuae va'e upe, opakatu tekwa rupindar upe aveino.

Apocalipsis 17:10

Poyandepo tuprɨ mborerekwar ɨvate katu va'e opa okañɨ yuvɨreko, ñepëi ipa'ü pendar oporokwai kurïtëi oiko, ambuae rumo ndou vɨtei ete. Akoi ouse ipandar kuri, a'e ou raimi tëi etera.

Apocalipsis 17:12

“Evokoi eresepia opayandepo yovaive tuprɨ sächi atɨ va'e, a'e opayandepo yovaive tuprɨ mborerekwar ɨvate katu va'e yuvɨrekoi, ndoyuvɨroike vɨtei rumo oporokwai va'erä; esepia oyoya tuprɨra oporokwai raimi tëira mba'e ɨpɨ vai reseve yuvɨreko kuri.

Apocalipsis 17:15

Iyavei mbigwai ɨva pendar aipo e'i cheu: “Evokoi ɨ eresepia va'e, i'arɨve kuña oyemondo-mondo tëi va'e ogwapɨ öi, a'e ava re'ɨi tekwa yakatu rupindar, iñe'ë ambuae va'e iyavei opakatu ambuae ɨvɨ rupindar.

Apocalipsis 5:9

Iyavei osapukai ipɨasu va'e sapukaisa yuvɨreko: “Ndeu iyakatu ite kwachiar pɨsɨ agwä, imboyaprɨ mondoro agwä aveino, esepia ni'ä nde yukaprɨ seropove'ëprɨ ereiko; evokoiyase nde ruvɨ pɨpe eremboepɨpa Tüpä upe narä opakatu ava ambuae-ae tëi va'e, iñe'ë ambuae-ae tëi va'e avei, ñepëi-pëi tekwa yakatu rupindar, ɨvɨ rupindar avei yuvɨreko.