2 Timoteo 4:8 - Tüpä Ñe'ëngagwer

⁸ Kurïtëi che rärö ɨvave ko porerekosa che poravɨkɨ avɨye va'e resendar, yande Yar Mborerekwar seko ɨ̇vi va'e ni'ä omboura cheu a'e arɨ pɨpe, nda'ei chira cheu gweraño. Ombou aveira opakatu Cristo raɨsusa pɨpe iyevɨsa osärö va'e upe yuvɨreko.

Tũpa Ñehengagüer

⁸ Cũritei che rãro ɨvave co porerecosa che poravɨquɨ avɨye vahe resendar. Yande Yar mborerecuar seco ɨ̃vi vahe niha omboura cheu ahe arɨ pɨpe. Ndahei chira cheu güeraño. Ombou aveira opacatu Cristo raɨsusa pɨpe iyevɨsa osãro vahe upe yuvɨreco.

2 Timoteo 4:8 Iomraidhean Croise

San Mateo 24:36

“Ndipoi ete rumo ava oikwa va'e arɨ imombe'uprɨ che yevɨ agwä, mbigwai eta ɨva pendar avei ndoikwai yuvɨreko, che avei ndaikwai ete. Che Ru gweraño ite rumo oikwa.

San Mateo 7:22

Arɨ kañɨ pɨpe seta tëi ava aipo e'ira yuvɨreko cheu: ‘Ore Yar, Ore Yar, ore ni'ä oromombe'u mba'e avɨye va'e nderer pɨpe yepi, iyavei nderer pɨpe orovɨnose karugwar, nderer pɨpe avei oroyapo poromondɨisa oroiko.’

San Lucas 10:12

Supiete amombe'u peü akoi arɨ kañɨ oyepotase, oimerä ñemoɨrösa a'e tekwa pendar upe ɨvate katu va'e ava tekwa Sodoma pendar sui.”

Romanos 2:5

Nde rumo, ndepɨ'arätäsa pɨpe sui ndereyevɨ potai ete Tüpä upe, eremonu'ä atɨ tëi ndeangaipa ndeyese sereko arɨ poronupasa ipa va'e yepotase narä kuri, a'ese Tüpä omboyekwara gweko pirätäsa oimese porandusa opakatu mba'e tembiapokwer rese kuri

Romanos 8:23

Nda'ei rumo a'e gweraño iparaɨsu yuvɨreko, yande avei egwë ya'e, yande yareko ite Espíritu a'e yɨpɨndar va'e yaipɨsɨ va'erä ichui kuri. Yayemombaraɨsu yasärö vɨte yande kere'ɨ̇sa pɨpe Tüpä ra'ɨrɨ ite yande rereko agwä, ipɨpe sui yande retekwer opara sekuñarösa kuri.

1 Corintios 2:9

Inungar Ikwachiaprɨ pɨpe aipo e'i: “Tüpä omoigätu mba'e ava gwaɨsupar upe a'e rumo mba'e ndosepiai va'e ite ava yuvɨreko yepi, iyavei ndipɨ'a ñemoñetai ete sese yuvɨreko.”

1 Corintios 3:13

a'e iporavɨkɨ agwer rumo arɨ kañɨse ikwasa tuprɨra ñepëi-pëi yuvɨreko; esepia a'e arɨ pɨpe yande Yar oura tata reseve, ñepëi-pëi pe poravɨkɨ agwer kwa agwä.

1 Corintios 9:25

Iyavei opakatu oyemoigätu va'e ogwayɨ agwä oñearö tuprɨ opakatu mba'e tëi sui oyemomarä e'ɨ̇ agwä yuvɨreko. A'e egwë e'i porerekosa ndipokopɨi va'e pɨsɨ agwä tëi yuvɨreko, yande rumo yayemomborarara porerekosa apɨre'ɨ̇ va'e pɨsɨ agwä yaiko.

2 Corintios 5:2

Supiete yaikove vɨtese ko yande rete ndipokopɨi va'e rese, yande poäsesa pɨpe yaipota ite yande rete ɨva pendar,

Filipenses 3:11

egwë a'e aveira asärö che kwerayevɨ agwä omano va'e pa'ü sui vichiko.

Colosenses 1:5

peyapɨsaka tuprɨsa pɨpe ni'ä, peipɨsɨra Tüpä porerekosa ɨvave mba'e avɨye va'e pereko agwä. A'e ichui ni'ä pesendu ñe'ësa supi tuprɨ va'e Jesucristo resendar yepi,

1 Tesalonicenses 1:10

omombe'u avei pesärö va'e Tüpä Ra'ɨrɨ Jesús iyevɨ agwä ɨva sui yuvɨreko oreu, a'e akoi Tüpä ombogwerayevɨ va'e Jesús omano va'e pa'ü sui, a'e ni'ä yande pɨsɨröra ñemoɨrösa ipirätä va'e sui.

1 Tesalonicenses 5:4

Pe rumo, ore rɨvrɨ eta, nda'ei pɨ̇tümimbisa pendar nungar peiko, evokoiyase oyepotase yande Yar arɨ, nda'ei chira imondarai va'e nungar pe resapɨ'a tëi ou.

2 Tesalonicenses 2:8

A'ese oyemboyekwara akoi ava ndipɨ'ai va'e, yande Yar Jesús rumo oyukara oñe'ë pɨpe, omokañɨ itera gwendɨgwer pirätäsa pɨpe oyevɨse kuri.

1 Timoteo 6:19

Evokoiyase vɨrekora mba'e avɨye va'e, apɨre'ɨ̇ va'e oyeupe narä yuvɨreko kuri, tekovesa supiete va'e rereko agwä.

2 Timoteo 1:10

Kurïtëi rumo a'e omboyekwa oporoaɨsusa yande Pɨsɨrösar Cristo Jesús ouse, akoi ou va'e ko ɨvɨ pɨpe manosa pirätäsa rekopɨ agwä, iyavei ñe'ësa pɨsɨrösa pɨpe avei oikwa uka tekovesa ndopai va'e.

2 Timoteo 1:12

Sese ni'ä che opakatu aiporara ko mba'e-mba'e tëi vichiko. Nachi ete rumo ichui yuvɨreko, esepia che aikwa uma rese ayeroya; aikwa avei vɨrekose pirätäsa akoi ñe'ësa ombou va'e, imokañɨ e'ɨ̇ agwä arɨ ipa va'e rupi ete cheu.

2 Timoteo 1:18

Yande Yar tomondo oporoparaɨsuerekosa chupe a'e arɨ ipa va'e pɨpe kuri. Iyavei nde ereikwa tuprɨ a'e mbɨa yande pɨtɨ̇vɨï va'e Éfeso ve.

2 Timoteo 2:5

Iyavei igwayɨ va'e, ndoipɨsɨi chira porerekosa ogwayɨ tuprɨ e'ɨ̇ pɨpe.

2 Timoteo 4:1

Iyavei ko rese che orokwai pota Tüpä rovake Cristo Jesús rovake avei akoi ou va'erä Omborerekwasa reseve oikove va'e, omano va'e rekokwer rese porandu agwä

Tito 2:13

yasärö yande vɨ'aretesa pɨpe imombe'uprɨ sekoi va'e: oyevɨse kuri vɨ'aretesa yande Yar Tüpä iyavei Pɨsɨrösar Jesucristo.

Hebreos 12:11

Supiete yɨpɨndar, poronupasa yaipɨsɨ ramose tasɨ yandeu, koiye rumo yande imboyeroyasa pɨpe yayapo katura mba'e i'ɨ̇vi va'e, a'e evokoiyase yande rekokwer rerekora mba'e tuprɨ pɨpe.

Hebreos 9:28

egwë e'i avei Cristo oyeeropove'ë ñepëi reseve opakatu angaipa mokañɨ agwä. Ipare rumo oyevɨ irise ou kuri, nda'e iri chira angaipa rekokwer rese, a'e rumo oyevɨra ou gwarösar pɨsɨrö agwä.

Santiago 1:12

Akoi ava oyemovɨräkwä va'e poroätoisa upe oyembovɨ'ara oiko, esepia osasa tuprɨse evokoi poroätoisa, oipɨsɨra porerekosa, a'e tekovesa apɨre'ɨ̇ va'e Tüpä ombou va'e gwaɨsupar upe.

1 San Pedro 1:4

ipɨpe sui avei Tüpä oipɨsɨ ukara peü pe momba'esa ɨvave yapokatuprɨ nokañɨi va'erä, ndituyui va'erä ndopai va'erä avei.

1 San Pedro 5:4

Evokoiyase akoi oyevɨse yande Yar, yande rärösar ɨvate katu va'e, a'ese peipɨsɨra mba'e porerekosa, teko orɨ porañete apɨre'ɨ̇ va'e.

Apocalipsis 1:7

¡Esepia Cristo ɨva kɨ'a rese oura kuri! A'ese opakatu ava osepiara yuvɨreko, yamotare'ɨ̇sarer, oikutu va'ekwer avei; iyavei opakatu tekwa ɨvɨ pɨpendar a'ese oyase'o tëira sepiase yuvɨreko. Egwë e'i etera kuri, amén.

Apocalipsis 19:11

Evokoiyase asepia ɨva oyemboi va'e; a'eve avɨyeteramo tëi kavayu morochi va'e oyemboyekwa, evokoiyase ava sese oyeupi va'e rer: “Seko ɨ̇vɨi tuprɨ va'e iyavei Supi tuprɨ va'e, esepia gweko ɨ̇vɨisa pɨpe oporokwai iyavei oyapo vavasa oiko.

Apocalipsis 2:10

Ndapesɨkɨyei chira pe paraɨsu agwä sui, esepia karugwar osokenda ukara amove pe pa'ü pendar sekoa'ä agwä; pe paraɨsu rane itera ni'ä opayandepo yovaive arɨ rupi peiko. Akoi peyemovɨräkwä tuprɨse sese, a'ese che amondora porerekosa tekovesa apɨre'ɨ̇ ndopai va'e peü.

Apocalipsis 22:20

Akoi omombe'u va'e ko ñe'ësa, aipo e'i: “Supiete ayevɨ poyavara.” Egwë te'i ayase. ¡Erio, che Yar Jesús!

Apocalipsis 4:10

Egwë e'ise evokoiyase veinticuatro tuprɨ ikwaiprɨ yuvɨrekoi va'e, a'e oñenopɨ'ä imboeteisa pɨpe sovai yuvɨreko, ipare osekɨi oakä resendar oyere tuprɨ va'e omborerekwasa resendar sovai aipo e'i yuvɨreko:

Apocalipsis 4:4

iyavei asepia evokoi rese oyere tuprɨ ambuae veinticuatro tenda, a'e i'arɨve ogwapɨ yuvɨnoi veinticuatro avei ikwaiprɨ yuvɨrekoi va'e; iturukwar morochi va'e yuvɨreko iyavei oakä rese omboyere tuprɨ oro apoprɨ yuvɨreko.