2 Timoteo 4:16 - Tüpä Ñe'ëngagwer

¹⁶ Yɨpɨndar añe'ëse che yoepɨ agwä mborerekwareta rovai, ndipoi ete che pɨtɨ̇vɨïsar; opakatuño ite che reya yuvɨreko. Tüpä tiñerö sese yuvɨreko chupe.

Tũpa Ñehengagüer

¹⁶ Yɨpɨndar añehese che yoepɨ ãgua mborerecuareta rovai, ndipoi eté que che pɨ̃tɨvɨisar; opacatuño ité che reya yuvɨreco. Tũpa tiñero sese yuvɨreco chupe.

2 Timoteo 4:16 Iomraidhean Croise

San Marcos 14:50

Opakatu semimbo'e eta oseya Jesús a'e ae tuprɨ imo'ä ichui oñemipa yuvɨreko.

San Lucas 12:11

Akoi pererasose yuvɨreko oɨ judío ñemonu'äsa pɨpe, anise mborerekwar mba'e moigätusar rovai ambuae mborerekwa eta rovai avei, ndapeyembosɨkɨyei chira marä a'era pi'ä ayoepɨ iyavei mba'e pi'ä amombe'ura ndapeyei chietera,

San Juan 16:32

Osupitɨ ite arɨ, iyavei ko pɨpeve sui ete, opara peyeñomosai ñepëi-pëi peremimbotar rupi che sui, iyavei che reyara che ae peye. Ndaikoi rumo che ae tëi, esepia che Ru sekoi ete che rese.

Los Hechos 22:1

“Che mu eta iyavei che ru eta, pesendu aipo che ñe'ë amombe'u va'e che yoepɨsa resendar peü narä.”

Los Hechos 25:16

Che amboyevɨ yuvɨreko chupe mborerekwar Roma pendar ndiyai ete omondo va'erä ava manosa pɨpe toyoepɨ rane omombe'usar rovai, tomombe'u tuprɨ rane opakatu gwekokwer.

Los Hechos 7:60

Ipare oñenopɨ'ä oñe'ë pirätä: “¡Che Yar, ndeñerö ko ava che amotare'ɨ̇sar angaipa upe!” Aipo o'e pare omano.

1 Corintios 13:5

a'e ndovɨrekoi ete oporomboetei e'ɨ̇sa, nda'ei oyeupe gweraño mba'e oipota, niñemoɨrö serai va'e, a'e rumo iñeröi voiño ambuae ava upe;

1 Corintios 9:3

Evokoiyase ko ñe'ësa amboyevɨ ava che reroɨrösar upe yuvɨreko:

2 Corintios 7:11

Pe vɨ'are'ɨ̇sa rumo Tüpä porokwaita rupi ete egwë e'i, ¡pesepia ru kurïtëi ko mba'e sembiapokwer! Oyapo ite mba'e che repɨsa pɨpe; omoñemoɨrö ombosɨkɨye avei. Ipare rumo che repia pota ite yuvɨreko, che rese gwekate'ɨ̇sa pɨpe oporonupa yuvɨreko. Ko opakatu mba'e imboyekwaprɨ nda'ei pe pɨ'a rupi egwë e'i yuvɨreko.

Filipenses 1:17

ambuae ava rumo oñe'ë anga'u tëi yuvɨreko oyeupe narä mba'e potaraisa pɨpe, iyavei ndoyuvɨnochi ete, ipɨpe sui che reko momarä pota katu ite ko che rokendasave yuvɨreko.

Filipenses 1:7

Avɨye ite aipo rupi che pɨ'añemoñeta areko opakatu pe rese, esepia che opoaɨsu ite, opakatu ni'ä oyoya yaipɨsɨ Tüpä porovasasa yepe ko che rokendasave aï, anise kokotɨ rupi aiko mborerekwar rovai ko ñe'ësa pɨsɨrösa resendar repɨ agwä iyavei amboyekwa va'erä ñe'ësa supi tuprɨ va'e yuvɨreko chupe.

2 Timoteo 1:15

Ereikwa ni'ä ko ava opakatu Asia ɨvɨ rupindar oyepepɨño yuvɨreko che sui; ipa'üve yuvɨrekoi mbɨa ñuvɨrïo, a'e serer Figelo iyavei Hermógenes.

2 Timoteo 4:10

esepia Demas che reya ko mba'e ɨvɨ pɨpendar tëi potasave, ichui tëi oso tekwa Tesalónica ve. Crescente oso tekwa Galacia rupi, iyavei Tito oso Dalmacia ve.

2 Timoteo 4:15

Iyavei nde eikwa katu ichui, esepia a'e yande amotare'ɨ̇ mba'e yande remimombe'u rese oiko.

1 San Pedro 3:15

pemboeteira rumo Cristo pe Yar sekosa rese pe pɨ'a pɨpe. Peyemoigätu voira ava pe remiarö rese oporanduse peü pe kere'ɨ̇sa pɨpe imombe'u tuprɨ agwä,