2 Timoteo 4:1 - Tüpä Ñe'ëngagwer

¹ Iyavei ko rese che orokwai pota Tüpä rovake Cristo Jesús rovake avei akoi ou va'erä Omborerekwasa reseve oikove va'e, omano va'e rekokwer rese porandu agwä

Tũpa Ñehengagüer

¹ Iyavei no, co rese che orocuai pota Tũpa rovaque, Jesucristo rovaque avei acoi ou vaherã omborerecuasa reseve oicove vahe, omano vahe recocuer rese porandu ãgua.

2 Timoteo 4:1 Iomraidhean Croise

San Mateo 16:27

Esepia che ava ɨvate katu va'e Ra'ɨrɨ ayura che Ru pirätäsa porañetesa pɨpe iyavei sembigwai ɨva pendar reseve kuri, evokoiyase aikwara ñepëi-pëi ava upe sembiapokwer rupi chupe.

San Lucas 19:12

Aipo e'i ava upe: “Oime mbɨa imboyeroyaprɨ, oso amombrɨ ambuae tekwa ve, a'e omoingera mborerekwar ɨvate katu va'erä yuvɨreko ichui oyevɨra ou.

San Lucas 19:15

“A'e rumo oike ite mborerekwar ɨvate katu va'erä, ipare oyevɨ gwekwave oso. Oyepotase ou, oñe'ëpa gwembigwai upe a'e chupe akoi omondo va'e gwarepochi, ikwa agwä mbovɨ-mbovɨ pi'ä oyapokatu ñepëi-pëi yuvɨreko oyave.

San Lucas 23:42

Ipare aipo e'i iri: –Jesús, nde ma'endu'ami tëi che rese akoi eremboɨpɨse nde mborerekwasa.

Los Hechos 10:42

Iyavei a'e orekwai oromombe'u va'erä tekwa rupi ñe'ësa ava upe, ko Tüpä Rembiporavo sekoi, opakatu ava rekokwer rese porandu agwä oikove va'e omano va'e upe avei.

Los Hechos 17:31

Esepia Tüpä oiporavo arɨ opakatu ava rekokwer rese porandu uka agwä, ñepëi gwembiporavo rupi; ichui toikwa opakatu yuvɨreko oyapave ombogwerayevɨ omano va'e pa'ü sui.”

Romanos 2:16

a'e arɨ kañɨ pɨpe Tüpä oyokwai ukara opakatu ava rembiapo kwae'ɨ̇sa reprɨ pɨsɨ agwä Jesucristo upe, ko ñe'ësa pɨsɨrösa resendar amombe'u va'ekwer rupi tuprɨ egwë e'ira kuri.

Colosenses 3:4

Cristo ni'ä sekoi perekovesa. Sese a'e oyevɨ irise kuri, egwë peye aveira perekora ipɨri seko orɨ porañetesa.

2 Tesalonicenses 2:8

A'ese oyemboyekwara akoi ava ndipɨ'ai va'e, yande Yar Jesús rumo oyukara oñe'ë pɨpe, omokañɨ itera gwendɨgwer pirätäsa pɨpe oyevɨse kuri.

1 Timoteo 5:21

Iyavei che orokwai Tüpä rovake, Jesucristo rovake opakatu mbigwai ɨva pendar rovake avei, ereyapo tuprɨra ko mborokwaita, nderemoma'üatɨi chira ava imboarakwa nde remimbotar rupi tëi.

2 Timoteo 1:10

Kurïtëi rumo a'e omboyekwa oporoaɨsusa yande Pɨsɨrösar Cristo Jesús ouse, akoi ou va'e ko ɨvɨ pɨpe manosa pirätäsa rekopɨ agwä, iyavei ñe'ësa pɨsɨrösa pɨpe avei oikwa uka tekovesa ndopai va'e.

2 Timoteo 2:14

Emoma'endu'a yuvɨreko ko ñe'ësa rese, iyavei eyokwai Tüpä rovake topoi ñe'ëpoepɨ-epɨsa sui yuvɨreko. Ko ñe'ëpoepɨ-epɨsa egwë e'i tëi va'e. Esepia omomarä ambuae ava osenduse iñe'ë rai yuvɨreko.

2 Timoteo 4:18

a'e che pe'ara opakatu mba'e-mba'e tëi sui iyavei che pɨsɨröra oyepɨri ɨvave che so agwä. ¡Egwë te'i timboeteisa katu yande Yar apɨre'ɨ̇ va'e yepi! Amén.

2 Timoteo 4:8

Kurïtëi che rärö ɨvave ko porerekosa che poravɨkɨ avɨye va'e resendar, yande Yar Mborerekwar seko ɨ̇vi va'e ni'ä omboura cheu a'e arɨ pɨpe, nda'ei chira cheu gweraño. Ombou aveira opakatu Cristo raɨsusa pɨpe iyevɨsa osärö va'e upe yuvɨreko.

Tito 2:13

yasärö yande vɨ'aretesa pɨpe imombe'uprɨ sekoi va'e: oyevɨse kuri vɨ'aretesa yande Yar Tüpä iyavei Pɨsɨrösar Jesucristo.

1 San Pedro 1:7

Esepia poreroyasa pereko va'e Tüpä rese inungar tuprɨ oro: a'ese sä'asara tata pɨpe. Egwë e'i aveira pe rekokwer sa'ämbrɨ tata nungar yavai va'e pɨpe, a'ese ikwasara perekokwer avɨyese. Yañemosase evokoi mba'e yavai va'e upe, a'ese yande yeroyasa avɨye katura oro okañɨ tëi va'erä sui, a'ese yarekora teko porañetesa iyavei imboeteiprɨ yaikora akoi Jesucristo oyevɨse kuri.

1 San Pedro 4:5

A'e chupe rumo oimerä porandusa, esepia yande Yar oyemoigätu opakatu ava rekokwer rese oporandu agwä omano va'e upe, oikove vɨte va'e upe avei kuri.

1 San Pedro 5:4

Evokoiyase akoi oyevɨse yande Yar, yande rärösar ɨvate katu va'e, a'ese peipɨsɨra mba'e porerekosa, teko orɨ porañete apɨre'ɨ̇ va'e.

2 San Pedro 1:11

Evokoi nungar pɨpe sui ɨva rokenda imboisara pereike agwä mborerekwasa ndopai va'esave, yande Yar yande Pɨsɨrösar Jesucristo mborerekwasave.

2 San Pedro 1:17

Orosepia ni'ä yande Ru Tüpä omboeteise Gwa'ɨrɨ iyavei omondose seko porañete iri agwä, aipo e'ise Tüpä oñe'ë gweko porañetesa pɨpe: “Ko che Ra'ɨrɨ, che rembiaɨsu, sese ni'ä che ayembovɨ'arete vichiko.”

1 San Juan 2:28

Iyavei che ra'ɨreta peikoño ite Cristo rese, yareko va'erä yande yeroyasa sese, akoi ogweyɨse ɨva sui kuri, a'ese nañachi chietera sovai ichui.

Apocalipsis 1:7

¡Esepia Cristo ɨva kɨ'a rese oura kuri! A'ese opakatu ava osepiara yuvɨreko, yamotare'ɨ̇sarer, oikutu va'ekwer avei; iyavei opakatu tekwa ɨvɨ pɨpendar a'ese oyase'o tëira sepiase yuvɨreko. Egwë e'i etera kuri, amén.