2 Timoteo 3:8 - Tüpä Ñe'ëngagwer

⁸ Inungar ko ava ipaye va'e Janes iyavei Jambres serer va'e oyemboyere Moisés amotare'ɨ̇ yuvɨreko, egwë e'i avei evokoi ava porombo'esa supiete va'e amotare'ɨ̇sar yuvɨreko. A'e oyemomarä va'e opɨ'añemoñeta rai pɨpe, ndovɨroyai ete Jesús porombo'esa yuvɨreko.

Tũpa Ñehengagüer

⁸ Inungar co ava ipaye vahe Janes, Jambres serer vahe oyemboyere Moisés amotarẽhɨ yuvɨreco, ẽgüe ehi avei evocoi ava porombohesa supi eté vahe amotarẽhɨsar yuvɨreco. Ahe oyemomara vahe opɨhañemoñeta rai pɨpe yuvɨreco. Ndovɨroyai eté Jesús porombohesa yuvɨreco.

2 Timoteo 3:8 Iomraidhean Croise

Los Hechos 15:24

Oroyandu amove ava ore pa'ü pendar pe mañeko tëi aipo oporombo'esa pɨpe yuvɨreko, a'e ava nda'ei ore okwaita pɨpe yuvɨraso peü, iyavei pe pɨ'añemoñeta rerova yuvɨreko.

Romanos 1:28

Esepia ndoikwa potai ete Tüpä yuvɨreko, a'e evokoiyase opoi ete ichui toyapoño ayase mba'e ndipotasai va'e gweko raisa pɨpe yuvɨreko oya chupe.

Romanos 16:18

esepia a'e ava nda'ei yande Yar Cristo upe narä oyapo mba'e yuvɨreko, egwë e'i rumo a'e oyeupe narä tëi oipotarai mba'e yuvɨreko iyavei ombopa ava ndayarakwa tuprɨi va'e; oñe'ë tuprɨai anga'u oporomo'äpɨsɨ aisa pɨpe tëi yuvɨreko.

Efesios 4:14

Evokoiyase nda'e iri chira chi'ïvä'emi nungar yaiko ova-ova tëi va'e inungar ɨvɨtu yande reraso va'e oyeupi ndayayembopa uka iri chira ava kokotɨ tëi oporombo'e va'e upe, iyavei yande rerova pota va'e upe mba'e tëi pɨpe.

1 Timoteo 4:2

Oyapɨsakara inungar ava oñe'ë ñotëi va'e tekokwer rese yuvɨreko yepi, semiräñeteai va'e ñe'ë rese avei, egwë e'ira opɨ'a ñemoñetasa mokañɨ tëi yuvɨreko.

1 Timoteo 6:5

iyavei iporoakasa ndopai va'e ava yarakwarai va'e pa'üve, ndoikwai rumo mba'e supi tuprɨ va'e yuvɨreko, ipɨ'añemoñeta Tüpä rese oma'endu'asa pɨpe mba'e rereko atɨ agwä yuvɨreko viña.

2 Timoteo 4:15

Iyavei nde eikwa katu ichui, esepia a'e yande amotare'ɨ̇ mba'e yande remimombe'u rese oiko.

Tito 1:10

Esepia oime seta nimba'e reroyai va'e, ko vɨreko va'e pɨ'añemoñetasa judío yuvɨreko, a'e omondo-mondo tëi va'e oñe'ë ombopa tëi va'e avei ava yuvɨreko.

Tito 1:16

Aikwa Tüpä e'i tuprɨ tëi yuvɨreko, mba'e sembiapo rese rumo ikwasa seroya e'ɨ̇sa; a'e ni'ä ava ndosepia potai va'e, ndiporeroyai va'e ndoikatui mba'e avɨye va'e apo yuvɨreko yepi.

2 San Pedro 2:14

Osepiase kuña, oipota voiño tëi; ndaporambai avei iyemboangaipasa chupe, yayapoño mba'e e'iño ndoyembo'e katui va'e upe. Evokoi nungar oyembo'e-mbo'e katu mba'e pota raisa reka agwä oyeupe yuvɨreko, ava okañɨ tëi va'erä yuvɨrekoi.

1 San Juan 2:18

Che ra'ɨreta, ko arɨ ipa va'e ite yandeu. Pesendu avei akoi ou va'erä Cristo amotare'ɨ̇mbar; esepia kurïtëi seta oyemboyekwa Cristo amotare'ɨ̇mbar yuvɨreko. Sese yaikwa arɨ ipa va'e yepota agwä.

1 San Juan 4:1

Che rɨvrɨ eta, anichira peroya opakatu Tüpä espíritu pɨpe añe'ë e'i va'e yuvɨreko, iyakatu rumo pe sekoa'ä ranera, supiete pi'ä espíritu Tüpä suindar ite egwë e'i pɨ'a pɨpe. Esepia setavai oporombo'e anga'u tëi va'e ogwata opakatu ɨvɨ rupi yuvɨreko.

Apocalipsis 2:20

Oime rumo mba'e pe rembiavɨ: peñemosaño evokoi kuña Jezabel pe pa'ü pendar upe, a'e akoi oñe'ë tëi anga'u va'e Tüpä rese viña, a'e rumo ombopa tëi oporombo'esa pɨpe che rembigwai iyemboagwasa-gwasa tëi uka agwä sereko iyavei o'u uka mba'e ro'o mba'e ra'anga tëi upe seropove'ëprɨ yuvɨreko chupe.

Apocalipsis 2:6

Ko rumo mba'e pe rembiapo avɨye cheu, ndapeipotaise nicolaítas rembiapo mba'e, che avei ni'ä ndaipotai ete.