2 Timoteo 3:6 - Tüpä Ñe'ëngagwer

⁶ Esepia evokoi nungar ava pa'üve oime yuvɨroikeño tëi va'e oɨ rupi kuña ndoikatui va'e angaipa rerekosar mbopa agwä, esepia a'e kuña opɨ'añemoñeta raisa pɨpe yuvɨrekoi va'e,

Tũpa Ñehengagüer

⁶ Esepia, evocoi nungar ava pãhuve oime yuvɨroiqueño tẽi vahe oɨ rupi cuña ndoicatui vahe angaipa rerecosar mbopa ãgua. Esepia, ahe cuña opɨhañemoñeta raisa pɨpe yuvɨrecoi vahe.

2 Timoteo 3:6 Iomraidhean Croise

San Mateo 11:28

Peyu cheu opakatu ikwerai va'e oporavɨkɨsa rese, iyavei che amondora pɨtu'usa peü.

San Mateo 23:13

“¡Peparaɨsu katu itera pe Moisés porokwaita rese oporombo'e va'e iyavei pe fariseo peiko va'e, pe inungar ava oñe'ë ñotëi va'e tekokwer rese yuvɨreko yepi!, pemombɨtaño ava Tüpä povrɨve seike rägwer sui yepi. Pe avei ete ndapeikei ipovrɨve, iyavei akoi yuvɨroike pota va'e pemombɨtaño seike rägwer sui.

San Mateo 23:14

Pe paraɨsu katu itera pe Moisés porokwaita rese oporombo'e va'e iyavei pe fariseo peiko va'e pe seko tuprɨ anga'u tëi va'e!, esepia perokwa-rokwa tëi kuña imer mano va'ekwer rëtä ichui, ipare peyerure tuprɨ tëi anga'u ava rembiepiave. Sese peipɨsɨra Tüpä ñemoɨrösa ipirätä katu va'e kuri.”

San Mateo 4:24

Jesús reräkwä yandusa opakatu ɨvɨ Siria rupi, a'ese gweru opakatu ava vɨreko va'e mba'erasɨsa tasɨ va'e yuvɨreko chupe, iyavei karugwar vɨreko va'e, nañakä poräi va'e ndogwatai va'e avei. A'e opa tuprɨ Jesús ombogwera.

San Marcos 4:19

a'e rumo ipɨ'a ñemoñeta opakatu omba'e eta ko ɨvɨ pɨpendar rese saɨsusave, oyembopa uka rumo omba'e eta upe, opakatu ite mba'e vɨreko pota viña. Ipɨpe sui oyemokañɨ tëi yuvɨreko, omokañɨ tëi avei Tüpä ñe'ëngagwer. Iyavei ndoyapo ukai mba'e ikatuprɨ va'e chupe.

1 Corintios 12:2

Pe ni'ä kurïtëi peikwa tuprɨ ite yɨpɨndar Tüpä rese peiko e'ɨ̇ vɨtese, peyembopa uka mba'e ra'anga egwë e'i tëi noñe'ëi va'e upe peiko.

1 Timoteo 5:6

Kuña imer mano va'ekwer oyemondose mba'e gwemimbotarai pɨpe yuvɨreko, a'ese omano va'e tëi sekokwer yuvɨrekoi.

1 Timoteo 6:9

Iyavei akoi ava yuvɨrekoi pota va'e mba'e yar, ndoyemovɨräkwäi rumo tekoa'äsa upe, ipare ovɨapi mba'e tëi pɨpe, seta mba'e pota raisave, ipɨpe oyeekomomarä, ipare oyemokañɨ tëi.

Tito 1:11

Evokoi nungar ava iyakatu pemongiriri, esepia a'e ni'ä seta ava oñemu va'e omboyepepɨ uka porombo'esa supi tuprɨ va'e sui yuvɨreko, oporombo'e mba'e kokotɨ tëi va'e rese gwarepochi rereko agwä tëi yuvɨreko.

Tito 3:3

Esepia yɨpindar yande avei ndayande mba'e kwai ndayande poreroyai; okañɨ va'ekwer tëi yaiko iyavei yaiko mbigwai tëi opakatu mba'e yande remimbotar apo pɨpe. Yaiko mba'e tëi pɨpe yamotare'ɨ̇mbrɨ, yandeyeupe ae-ae yayeamotare'ɨ̇.

2 San Pedro 2:18

Esepia oñe'ë tuprɨai anga'u tëi ava mongere'ɨ̇ agwä ava pɨ'añemoñeta raisa rupi seroyevɨ agwä, ipɨpe sui ombopa tëi a'e ava seko katuprɨ pota va'e yuvɨreko evokoi nungar mba'e tëi pɨpe iyevɨ iri agwä.

2 San Pedro 3:17

Che rɨvrɨ, che rembiaɨsu, peikwa ite ni'ä evokoi mba'e, sese peñearö tuprɨra pe yembopa uka e'ɨ̇ agwä ava ndiporeroyai va'e upe Tüpä rese pe rekokwer yemovɨräkwäsa sui pe yepepɨ e'ɨ̇ agwä.

San Judas 1:16

Opakatu rese oñe'ë yuvɨreko, oñe'ë-ñe'ë tëi iyavei oseka oyeupe narä mba'e gwemimbotar tëi apo agwä. A'e oyemboɨvateai va'e, iyavei oñe'ë tuprɨai anga'u tëi ambuae ava upe imba'e rerokwa agwä ichui.

San Judas 1:18

aipo e'i chupe: “Kuri arɨ kañɨ renonde oimerä ava vɨroɨröai va'e, yuvɨrekoira gwemimbotarai gwembiapoai rupi.”

San Judas 1:4

Esepia amove ava iporombopa serai va'e yuvɨroike anga'u ava pe pa'üve araka'e suive rumo ikwachiaprɨ yɨpɨ suive ite imokañɨsara. A'e ava ndasekoporäi va'e, Tüpä avɨye ite ndoyapoi chietera mba'e yandeu, sese oyapoño mba'e tëi yuvɨreko, Jesucristo nda'ei yande Rerekwar e'iño yuvɨreko.