2 Timoteo 3:4 - Tüpä Ñe'ëngagwer

⁴ Iyavei omondora ava yamotare'ɨ̇mbar upe, ndiporomboetei chira gwemimbotar apo yuvɨreko, iyavei oyemboɨvateaira osekara gwemimbotar tëi oyembovɨ'a agwä ipɨpe rumo Tüpä ndosaɨsui chira yuvɨreko.

Tũpa Ñehengagüer

⁴ Iyavei omondora ava yamotarẽhɨmbar upe, ndiporomboetei chira güemimbotar apo yuvɨreco. Iyavei oyemboɨvate aira yuvɨreco, osecara güemimbotar tẽi oyembovɨha ãgua yuvɨreco. Ipɨpe rumo Tũpa ndosaɨsui chira yuvɨreco.

2 Timoteo 3:4 Iomraidhean Croise

Los Hechos 19:36

Ndipoi ni'ä ava, ani e'i va'erä che remimombe'u rese, sese peyemongiririño peyapoi rene mba'e pe yapɨsakae'ɨ̇save.

Los Hechos 7:52

¿Uma Tüpä ñe'ë mombe'usar pi'ä ndovɨrekoi marä-marä tëi peramoi yuvɨreko araka'e? A'e avei oyukapa omombe'u va'e ndaseko maräi va'e rekokwer yusa resendar yuvɨreko, iyavei kurïtëi ou ite ndaseko maräi va'e, pe avei peporokwai yuka uka agwä.

Romanos 11:20

Supiete, ko rumo oporeroya e'ɨ̇ pɨpe a'e imombosa ichui yuvɨreko, pe rumo seroya pɨpe suiño ite pepɨta sendagwerve. Sese peikwa katu, anichira peyemboɨvateai ipɨpe.

Romanos 16:18

esepia a'e ava nda'ei yande Yar Cristo upe narä oyapo mba'e yuvɨreko, egwë e'i rumo a'e oyeupe narä tëi oipotarai mba'e yuvɨreko iyavei ombopa ava ndayarakwa tuprɨi va'e; oñe'ë tuprɨai anga'u oporomo'äpɨsɨ aisa pɨpe tëi yuvɨreko.

1 Timoteo 3:6

Tüpä reroyasar rärösar rumo nda'ei chira oipɨsɨ ramo va'e Tüpä opɨ'a pɨpe, esepia avɨyeteramo oyemboɨvateai tiëtera, ipɨpe sui imokañɨprɨ avei sekoira karugwar nungar.

1 Timoteo 5:6

Kuña imer mano va'ekwer oyemondose mba'e gwemimbotarai pɨpe yuvɨreko, a'ese omano va'e tëi sekokwer yuvɨrekoi.

1 Timoteo 6:17

Akoi imba'e eta va'e ko ɨvɨ pɨpe, eyokwai toyemboɨvateai eme, iyavei toyeroya rai eme omba'e eta rese tëi yuvɨreko, esepia a'e egwë e'i tëi va'e. Iyakatu rumo Tüpä rese oyeroyara yuvɨreko, a'e ni'ä opakatu mba'e ikatuprɨ va'e ombou yandeu narä yande rembiporugwä.

San Judas 1:19

A'e ava ni'ä omboya'o-ya'o ukara ava yuvɨreko; gwekokwer ɨvɨ pɨpendar tëi vɨreko va'e, a'e ni'ä ndovɨrekoi Tüpä Espíritu yuvɨreko.

San Judas 1:4

Esepia amove ava iporombopa serai va'e yuvɨroike anga'u ava pe pa'üve araka'e suive rumo ikwachiaprɨ yɨpɨ suive ite imokañɨsara. A'e ava ndasekoporäi va'e, Tüpä avɨye ite ndoyapoi chietera mba'e yandeu, sese oyapoño mba'e tëi yuvɨreko, Jesucristo nda'ei yande Rerekwar e'iño yuvɨreko.