2 Timoteo 3:2 - Tüpä Ñe'ëngagwer

² A'ese ava a'e ae tëi oyeaɨsura yuvɨreko, gwarepochi tëi oipotaraira, oyemboɨvateaira oyemboeteiai tëi aveira. Oñe'ë raira Tüpä rese yamotare'ɨ̇save, nomboyeroyai chira oyesupa yuvɨreko, seta avei avɨye ndeu nde'i va'e ava upe, iyavei nomboetei chira Tüpä rese pɨ'a ñemoñetasa yuvɨreko.

Tũpa Ñehengagüer

² Ahese ava ahe ae tẽi oyeaɨsura yuvɨreco, guarepochi tẽi oipota raira, oyemboɨvate aira, oyemboetei ai tẽi aveira. Oñehe raira Tũpa rese yamotarẽhɨsave. Nomboyeroyai chira oyesupa yuvɨreco. Setá aveira, “Avɨye ndeu” ndehi vahe ava upe. Iyavei nomboetei chira Tũpa rese pɨhañemoñetasa yuvɨreco.

2 Timoteo 3:2 Iomraidhean Croise

San Mateo 15:6

akoi aipo e'i va'e, ndiyai ete oipɨtɨ̇vɨï va'erä oyesupa anise osɨ. Egwë peyese pemokañɨ Tüpä porokwaita peyesui peremimbotar rupi tëi peiko va'erä.

San Lucas 12:15

Aipo e'i avei chupe: –Peñearö tuprɨ opakatu mba'e pota raisa sui; esepia ni'ä nda'ei mba'e rereko atɨ agwä perekokwer.

San Lucas 16:14

Esepia fariseo eta, aipo gwarepochi potaraisa yuvɨrekoi va'e, osenduse opakatu mba'e vɨroɨrö tëi Jesús yuvɨreko.

San Lucas 6:35

Pe rumo pesaɨsu katura ava pe amotare'ɨ̇sar, iyavei peyapoñora mba'e avɨye va'e chupe, pemondoño aveira mba'e, ndapesäröi chira imboyevɨ agwä. Egwë peyese peipɨsɨra porerekosa tuvicha va'e, iyavei a'ese peikora Tüpä seko ɨvate katu va'e ra'ɨrɨ, a'e avɨye eteprɨ va'e ava nima'endu'ai va'e rese ava naporäi va'e upe avei.

Los Hechos 5:36

Peyemoma'endu'a Teudas rekokwer rese, esepia ni'ä akoi oyemboɨvate aisa pɨpe vɨrogwata cuatrocientos ava oyeupi arakako. Ipare akoi oyuka yuvɨreko, a'ese supindar opa oñemosaï tëi yuvɨreko, a'e peve sekokwer opa.

Romanos 11:18

Anichira ereyeeko mboɨvateai, ɨvɨra räkä reroɨrömbave. Ereyapose evokoi nungar, a'ese ereyemoma'endu'ara nda'ei nde eremovɨräkwä ɨvɨra rapo eiko, esepia ɨvɨra rapo nde movɨräkwä nde rereko.

2 Corintios 5:15

Cristo ni'ä omano opakatu yande repɨrä, yande yaikove vɨte va'e evokoiyase nda'e iri yande yeupe narä tëi yaiko; yande rumo yaiko chupe narä ite, esepia a'e omano okwerayevɨ yande rese.

Filipenses 2:21

esepia opakatu ava oseka gwemimbotar tëi apo agwä, ndosekai ete rumo Jesucristo remimbotar yuvɨreko.

Colosenses 3:5

Evokoiyase pepoi opakatu ko mba'e naporäi va'e ko ɨvɨ pɨpendar tëi pe rese oime va'e sui: ndapeyemboagwasai chira, ndapeyapoi chira mba'e tëi pe rekokwer pɨpe, ndapeipotarai chira pɨ'añemoñeta raisa, ndapeipotarai chira ambuae ava mba'e (esepia, a'e ni'ä oyoya mba'e ra'anga tëi mboeteisa rese).

2 Tesalonicenses 2:4

Evokoi ava oyemboɨvate aira opakatu Tüpä rer rerekosar amotare'ɨ̇save iyavei ndoipotai chira ambuae mboetei, oike aveira ogwapɨ Tüpä rëtä pɨpe inungar-ra Tüpä ite viña, supiete che Tüpä aiko e'i tuprɨ tëira öi.

1 Timoteo 1:20

Inungar va'e Himeneo iyavei Alejandro, a'e che amondo Karugwar povrɨve evokoiyase toikwa tiñe'ë-ñe'ë tëi eme Tüpä upe yamotare'ɨ̇save yuvɨreko che yapave.

1 Timoteo 1:9

Yaikwa avei akoi porokwaita nda'ei ava avɨye va'e upe narä. A'e rumo ndiporeroyai va'e mboarakwa agwä, ndayarakwa potai va'e upe narä, angaipa viyar upe narä avei, opakatu mba'e-mba'e tëi aposar upe narä avei, nomboetei va'e Tüpä iyavei chupendar pɨ'a ñemoñetasa; akoi vu, osɨ oyuka va'e; opakatu ava oporapichi va'e upendar,

1 Timoteo 3:3

iyavei nda'ei chira kagwar tëi, ndosekai chiaveira ovava agwä iyakatu rumo seko mbegwera opakatu ava upe, ndoipotarai chiaveira gwarepochi.

1 Timoteo 6:10

Esepia gwarepochi pota raisa sui osë opakatu mba'e naporäi va'e; amove ava ipota raisa pɨpe oyepepɨ Tüpä reroyasa sui iyavei omombaraɨsu gwekokwer ipɨpe a'e ae yuvɨreko.

1 Timoteo 6:4

egwë e'i va'e oyemboɨvateai tëi mba'e rendukwa e'ɨ̇save. Iyavei oporandu-randu tëi ñe'ësa rese sekoa'ä agwä inungar imba'easɨ va'e; ichui osë mba'e pota raisa, ñemoɨrösa, ñe'ë-ñe'ë tëisa, yemboyeroya e'ɨ̇sa

2 Timoteo 3:4

Iyavei omondora ava yamotare'ɨ̇mbar upe, ndiporomboetei chira gwemimbotar apo yuvɨreko, iyavei oyemboɨvateaira osekara gwemimbotar tëi oyembovɨ'a agwä ipɨpe rumo Tüpä ndosaɨsui chira yuvɨreko.

Santiago 2:8

Supiete pemboavɨyese mborokwaita ɨvate katu va'e, inungar Ikwachiaprɨ pɨpe aipo e'i: “Esaɨsu ava ndeyeaɨsu nungar.”

Santiago 4:16

Pe rumo peñe'ëño pe yemboɨvateaisa pɨpe mba'e pe rembiaporä rese; opakatu evokoi nungar mba'e rumo naporäi.

Santiago 4:6

Tüpä rumo yande pɨtɨ̇vɨï katu oporoaɨsusa pɨpe, esepia Ikwachiaprɨ araka'endar pɨpe aipo e'i: “Tüpä oyamotare'ɨ̇ ava oyeekomboɨvateai va'e, oipɨtɨ̇vɨï rumo seko mbegwe va'e saɨsusave.”

1 San Pedro 5:5

Iyavei pe mbɨa chi'ïvä'e peiko va'e, pemboyeroyara ava Jesús ñe'ë rärösar. Iyavei opakatu peyemboyeroyara pe reko mbegwesa pɨpe, esepia aipo e'i Ikwachiaprɨ pɨpe: “Tüpä ava oyeeko mboɨvateai va'e amotare'ɨ̇mbar sekoi, ava seko mbegwemi va'e upe rumo ombou oporovasasa.”

2 San Pedro 2:10

Tüpä omombaraɨsura akoi ava ndopoi potai va'e gwemimbotarai sui, iyavei vɨroɨrö va'e imborerekwasa. Oyeekomboɨvateai va'e gwemimbotar aposa pɨpe, ndosɨkɨyei avei oñe'ërai agwä seko ɨvate pirätä katu va'e rese;

2 San Pedro 2:12

Evokoi ava yuvɨrekoi mba'e mɨmba nungar tëiete: ndovɨrekoi avei pɨ'a ñemoñetasa oyese avɨye va'e yuvɨreko, evokoi nungar yuvɨro'a yukapɨrä tëiete. A'e oñe'ërai tëi va'e mba'e gwemiendukwae'ɨ̇ rese, mba'e mɨmba nungar tuprɨ avei rumo omanora yuvɨreko gwekokwerai pɨpe,

2 San Pedro 2:18

Esepia oñe'ë tuprɨai anga'u tëi ava mongere'ɨ̇ agwä ava pɨ'añemoñeta raisa rupi seroyevɨ agwä, ipɨpe sui ombopa tëi a'e ava seko katuprɨ pota va'e yuvɨreko evokoi nungar mba'e tëi pɨpe iyevɨ iri agwä.

2 San Pedro 2:3

Gwarepochi potaraisa pɨpe pe mbopara yuvɨreko ko porombo'esa kokotɨ tëi va'e rese; kañɨsa rumo oimeño itera yuvɨreko chupe, yɨpɨsuive ite ni'ä a'e imokañɨpɨ̇ra yuvɨrekoi.

San Judas 1:16

Opakatu rese oñe'ë yuvɨreko, oñe'ë-ñe'ë tëi iyavei oseka oyeupe narä mba'e gwemimbotar tëi apo agwä. A'e oyemboɨvateai va'e, iyavei oñe'ë tuprɨai anga'u tëi ambuae ava upe imba'e rerokwa agwä ichui.

Apocalipsis 13:1

Ipare asepia paragwasu pɨpe sui osëse mba'e ɨpɨ vai, a'e ñuvɨrïo ova tuprɨ ñakä va'e iyavei opayandepo yovaive tuprɨ sächi. Gwächi yakatu evokoiyase vɨreko ñepëi-pëi oyegwaka, iyavei oakä yakatu vɨreko terer ikwachiaprɨ Tüpä reroɨrösave yuvɨreko.

Apocalipsis 16:11

ndopoiño ite rumo mba'e-mba'e tëi aposa sui yuvɨreko, a'e rumo iñe'ë marä-marä tëiño Tüpä ɨva pendar upe oyeupe mba'e tasɨ va'e pa'üve yuvɨreko.

Apocalipsis 16:21

iyavei ɨva sui yuvɨrovɨapi amanda gwasu ava arɨve, a'e iposɨigwer cuarenta sa'ämbrɨ rupindar rutei, ava rumo iñe'ë marä-marä tëiño vɨte ite Tüpä upe yuvɨreko amanda sui tëi, esepia ni'ä evokoi Tüpä poronupasa ɨvate katu va'e.

Apocalipsis 16:9

Ipare opakatu ite ava yuvɨrokaipa tuprɨ; ndoyevɨi ete rumo Tüpä upe iyavei nomboetei ete yuvɨreko. Egwë e'i iñe'ë marä-marä tëiño mba'erasɨ rerekose Tüpä upe yuvɨreko.