2 Timoteo 3:16 - Tüpä Ñe'ëngagwer

¹⁶ Opakatu ko ñe'ësa Ikwachiaprɨ ou va'e Tüpä sui, avɨyeai ete porombo'e agwä, iyavei poromboyapɨsaka agwä, poromboarakwa tuprɨ agwä avei ava upe ñe'ë tuprɨ agwä sekokwer mo'ɨ̇vi agwä yepi,

Tũpa Ñehengagüer

¹⁶ Opacatu co ñehesa icuachiaprɨ ou vahe Tũpa sui, avɨye ai eté porombohe ãgua, iyavei poromboyapɨsaca ãgua, poromboaracua tuprɨ ãgua iyavei ava upe ñehe tuprɨ ãgua secocuer mohɨ̃vi ãgua yepi.

2 Timoteo 3:16 Iomraidhean Croise

San Mateo 13:52

Evokoiyase Jesús aipo e'i: –Akoi ñepëi oporombo'e va'e porokwaita ɨva pendar rese, oyembo'e va'e avei Tüpä mborerekwasa rese, a'e inungar ava oɨ yar, iyavei mba'e vɨreko va'e yapokatuprɨ oikwa ite senose mba'e ipɨasu va'e mba'e kwakwa aveino.

San Mateo 21:42

Jesús evokoiyase aipo e'i chupe: –¿Ndapeyerokɨi ete vo ko Ikwachiaprɨ araka'endar pɨpe? Aipo e'i va'e: ‘Ko ita oɨ aposar opaño omombo yuvɨreko a'e ita oyeapo ovɨräkwä katu tuprɨ va'e ite. Egwë e'i ni'ä ko yande Yar yapo, iyavei kurïtëi yavɨ'arete ite yaiko.’

San Mateo 22:43

Evokoiyase Jesús aipo e'i chupe: –¿Ma'erä pi'ä evokoiyase David oñe'ëse Espíritu pirätäsa pɨpe araka'e, che Yar e'i chupe? Esepia David aipo e'i:

San Mateo 26:54

Egwë e'ise rumo, ¿marä e'ira vo yavɨye Ikwachiaprɨ, esepia ni'ä yavɨye rane itera mba'e imombe'uprɨ?

San Mateo 26:56

Ko rumo opakatu yavɨye rane itera aipo e'i va'e Tüpä ñe'ë mombe'usar rembikwachiagwer araka'endar. A'e ramoseve voi, opakatu semimbo'e eta oseya Jesús imo'ä a'e ae yuvɨreko, ipare opa oñemi yuvɨreko ichui.

San Marcos 12:24

Jesús omboyevɨ chupe: –Pe pɨ'a ñemoñetasa kokotɨ tëiete, esepia ndapeikwai ete Tüpä ñe'ë Ikwachiaprɨ araka'endar ndapeikwai avei Tüpä pirätäsa.

San Marcos 12:36

Esepia, David ete aipo e'i Espíritu Maräne'ɨ̇ pirätäsa pɨpe: ‘Yar aipo e'i che Yar upe: Egwapɨ che akato kotɨ, akoi che amondose voi ete nde amotare'ɨ̇mbar nde povrɨve yuvɨreko.’

San Juan 10:35

Yande yaikwa ite Ikwachiaprɨ pɨpe aipo e'i va'e, ndiyai ete ani ya'e, esepia Tüpä aipo e'i pe tüpä päve ite peiko e'i evokoi ava oñe'ë mombe'usar upe.

San Juan 3:20

Opakatu ava oyapo va'e angaipa ndosepia potai tesapesa, iyavei ndoyemboyai tesapesa rese yuvɨreko oangaipa mboyekwa potae'ɨ̇save.

Los Hechos 1:16

“Che mu eta Jesucristo reroyasar, iya ite ko imboavɨyesa Tüpä ñe'ëngagwer Judas rekokwer resendar, a'e imombe'uprɨ David upe Espíritu Maräne'ɨ̇ pɨpe araka'e, evokoi Judas vɨraso va'e Jesús amotare'ɨ̇mbar ipɨsɨ uka agwä.

Los Hechos 18:25

A'e oyembo'e va'e avei yande Yar rekokwer rese, omombe'u okere'ɨ̇sa pɨpe sekokwer ava upe, oporombo'e tuprɨai sese, a'e oikwa Juan oapirämo agwer gweraño tëi.

Los Hechos 20:20

Che rumo ndaikatui ñe'ësa avɨye va'e mombe'u e'ɨ̇ peü mba'e avɨye agwä yepi, che opombo'e ava re'ɨi rovake opombo'e avei ñepëi-pëi pe rëtä rupi yepi.

Los Hechos 20:27

esepia ndaikwakui ete Tüpä ñe'ëngagwer mombe'u, opakatu ite amombe'u sekokwer peü.

Los Hechos 28:25

Iyavei opɨ'añemoñetasa nomboyoyaise yuvɨreko, omboɨpɨ yuvɨnosë. A'ese Pablo aipo e'i ava upe: –Supiete Isaías omombe'u Espíritu remimombe'u pe rekokwer resendar pe ramoi upe araka'e aipo e'i:

Romanos 15:4

Supiete opakatu omombe'u va'e araka'e Ikwachiaprɨ pɨpe, a'e ikwachiasa yande mbo'e agwä.

Romanos 2:20

peikatu avei ava ndosendukwai va'e mboarakwa iyavei ava seko mbegwemi va'e nungar mbo'e agwä, esepia ko mborokwaita pereko opakatu mba'ekwasa iyavei mba'e supi tuprɨ va'e.

Romanos 3:2

Seta yupagwer oime mba'e tuvicha va'e. Esepia yɨpɨndar, Tüpä omondo oñe'ë judío eta upe imboavɨye agwä.

Romanos 4:23

Iyavei Tüpä ko rese oikwa uka, sese ndikwachiasai ñe'ësa Abraham rekokwer resendar gweraño;

1 Corintios 12:7

Tüpä rumo omboyekwa yande Espíritu rerekosa ñepëi-pëi yandeu opakatu yande reko tuprɨ agwä.

Gálatas 3:8

Iyavei Ikwachiaprɨ pɨpe omombe'u ite senondeve Tüpä oipɨsɨ aveira opakatu oyese oyeroya va'e nda'ei va'e judío ko ɨvɨ pɨpendar oyeupe narä. Iyavei omombe'u ko ñe'ësa ikatuprɨ va'e Abraham upe: “Opakatu ava ɨvɨ pɨpendar sovasaprɨra yuvɨreko ndesui.”

2 Timoteo 2:25

iyavei omboarakwara gwekoasɨ e'ɨ̇sa pɨpe akoi ava ndiporeroyai va'e, esepia avɨyeteramo Tüpä osekuñaröra ipɨ'añemoñeta raisa oyeupe yevɨ iri agwä, ipɨpe sui porombo'esa supiete va'e oikwara yuvɨreko.

2 Timoteo 4:2

emombe'u Tüpä ñe'ëngagwer arɨ rupi, esekuñarö avei ava rekokwer. Eporomboarakwa, eporomongere'ɨ̇ tuprɨ avei opakatu nde rekoasɨ e'ɨ̇sa pɨpe.

Hebreos 11:1

Supiete yarekose yande yeroyasa Tüpä rese, a'ese yaikwa a'e ombou itera mba'e yasärö va'e yandeu; iyavei yaikwa ite oime mba'e ndayasepiai va'e.

Hebreos 3:7

Sese, inungar Espíritu Maräne'ɨ̇ aipo e'i Ikwachiaprɨ pɨpe: “Ko pɨpeve voi, pesenduse Tüpä ñe'ë,

Hebreos 4:12

Esepia Tüpä ñe'ëngagwer vɨreko tekovesa iyavei pirätäsa. A'e inungar kɨse saimbe katu va'e ambuae kɨse puku saimbe yoya va'e sui, a'e oike va'e ite yande avɨterve egwë e'i avei iñe'ëngagwer oñatoi ete yande ä yande espíritu avei; omboyekwa tuprɨ avei yande pɨ'añemoñeta mba'e rese porandu agwä yandeu.