2 Timoteo 3:10 - Tüpä Ñe'ëngagwer

¹⁰ Nde rumo che reko rupi tuprɨ ereiko, esepia ereroya tuprɨño che porombo'esa, che pɨ'a ñemoñetasa, che Cristo rese yeroyasa, che reko mbegwesa, che poroaɨsusa iyavei che ñemosasa,

Tũpa Ñehengagüer

¹⁰ Nde rumo che reco rupi tuprɨ ité ereico. Esepia, ereroya tuprɨño ité che porombohesa, che pɨhañemoñetasa, che Cristo rese yeroyasa, che reco mbegüesa, che poroaɨsusa iyavei che ñemosasa

2 Timoteo 3:10 Iomraidhean Croise

San Lucas 1:3

Che avei seroyaprɨ Teófilo, opa aseka tuprɨ yɨpɨsuive opakatu ko mba'ekwa tuprɨ agwä, ichui che amoigätu tuprɨ pota ikwachiaprɨ sesendar ndeu narä avei sereko,

Los Hechos 11:23

Oyepotase a'eve, Bernabé osepia Tüpä sovasase, a'ese oyembovɨ'arete katu. Ichui omboarakwa opakatu yuvɨrekoi va'erä pɨ'a ñemoñetasa avɨye va'e yande Yar rese.

Los Hechos 2:42

Opakatu vɨroya tuprɨ ite Jesús ñe'ë mombe'usar porombo'esa, opakatu gwasu avei oyeaɨsu tuprɨ yuvɨreko, oyerure iyavei oñemonu'ä oyeupe mboyape mboya'o-ya'o agwä yuvɨreko yepi.

Los Hechos 20:18

Oyepotase yuvɨreko aipo e'i chupe: “Peikwa ite marä e'i che rekokwer yɨpɨ suive ayuse ko'ave Asia ɨvɨ rese.

Los Hechos 26:4

“Opakatu judío oikwa ite che rekokwer marä a'e aiko ipa'üve yuvɨreko, che rekwave iyavei Jerusalén ve, che chi'ïvä'e suive ite.

Romanos 16:17

Che rɨvrɨ eta, peikwa katu pe pa'ü pendar oporomboya'o pota serai va'e sui oime ava egwë e'i va'e oitɨ uka va'e ava mba'e tëi pɨpe, esepia a'e nda'ei ete ko ñe'ësa pe yembo'esa rupi yuvɨrekoi. Sese evokoi nungar ava sui peyepepɨño itera,

2 Corintios 1:17

¿Ndache pɨ'a ñemoñeta tuprɨi pi'ä mba'e ayapo agwä vichiko? ¿Pe revo peroya che ñuvɨrïo arekose pɨ'a ñemoñetasa mba'e apo agwä viña, “supiete” iyavei “ani nda'ei supi” a'e memeve aipo peye cheu?

Efesios 4:14

Evokoiyase nda'e iri chira chi'ïvä'emi nungar yaiko ova-ova tëi va'e inungar ɨvɨtu yande reraso va'e oyeupi ndayayembopa uka iri chira ava kokotɨ tëi oporombo'e va'e upe, iyavei yande rerova pota va'e upe mba'e tëi pɨpe.

Filipenses 2:20

Iyavei ndipoi ete ambuae ava Timoteo nungar che pɨ'a ñemoñetasa rupi tuprɨ ima'endu'a va'e pe rese pe reko tuprɨ agwä;

Filipenses 2:22

Pe ni'ä peikwa Timoteo reko tuprɨsa opakatu upe, iyavei che pɨtɨ̇vɨï Tüpä ñe'ëngagwer mombe'u agwä, inungar chi'ïvä'e oipɨtɨ̇vɨï oyesupa, egwë e'i che pɨtɨ̇vɨï oiko.

1 Tesalonicenses 1:5

Esepia akoi oromombe'use ñe'ësa pɨsɨrösa resendar, nda'ei ñe'ësa ore yesuindar tëi oromombe'u peü; Espíritu Maräne'ɨ̇ reko pirätäsa pɨpe rumo oroñe'ë, iyavei oroikwa ko ñe'ësa supiete va'e. Peikwa avei ni'ä akoi oroiko tuprɨse pe pa'üve, oroseka avei pe reko tuprɨ agwä.

1 Timoteo 1:3

Iyavei akoi aipo a'e ndeu che so agwä renonde Macedonia ve, nde epɨta ko tekwa Éfeso ve, eremboarakwara ko ava kokotɨ tëi oporomboarakwa va'e, toporomboarakwa eme pɨ'a ñemoñetasa kokotɨ-kotɨ tëi va'e rese yuvɨreko

1 Timoteo 4:6

Akoi erembo'ese ko mba'e rese yande rɨvrɨ eta iyavei ereyemovɨräkwäse ñe'ësa poreroyasa rese iyavei porombo'esa avɨye va'e nde yese erereko va'e rese, a'ese Cristo Jesús rembigwai avɨye va'e ereikora.

1 Timoteo 6:11

Nde rumo, Tüpä rese ereiko va'e, eyepepɨ opakatu ko nungar mba'e naporäi va'e sui. Eiko nde reko ɨ̇visa pɨpe, ndema'endu'año ite Tüpä rese, eroya esaɨsu, eñemosa avei eiko nde reko mbegwesave.

2 Timoteo 2:22

Eyepepɨ mbɨa chi'ïvä'e pɨ'añemoñeta raisa sui, emo'ɨ̇vi tuprɨño nde rekokwer sereko. Eyeroyaño Tüpä rese, esaɨsu katu avei ava eiko nde reko tuprɨ pɨpe, inungar yande Yar reroyasar oyapo opɨ'añemoñeta tuprɨsa pɨpe yuvɨreko.

2 Timoteo 4:2

emombe'u Tüpä ñe'ëngagwer arɨ rupi, esekuñarö avei ava rekokwer. Eporomboarakwa, eporomongere'ɨ̇ tuprɨ avei opakatu nde rekoasɨ e'ɨ̇sa pɨpe.

2 Timoteo 4:3

Esepia koiye ava ndosendu pota iri chira porombo'esa avɨye va'e yuvɨreko; a'ese gwemimbotar tëi osekara ombo'e agwä, gwemimbotar tëi avei omombe'u ukara oyeupe yuvɨreko.

2 Timoteo 4:7

Ayapopa che rekoete pɨpe che poravɨkɨsa avɨye va'e che amotare'ɨ̇mbar pa'üve, amboavɨye che kwaita, ndayepepɨi ete che yeroyasa sui.

Tito 2:7

opakatu rese ite, emondo avei nde mba'e kwasa marä e'ira mba'e apo tuprɨ yuvɨreko. Erembo'e aveira mba'e apo tuprɨ, emoyekwa ndereko tuprɨsa iyavei nde poromboeteisa,

Hebreos 13:9

Peyembopa ukai rene yembo'esa kokotɨ tëi va'e upe. Avɨye katu yayemomirätä Tüpä poroaɨsusa rese mborokwaita tembi'u resendar sui; esepia ko nungar mba'e ndovɨreko ukai mba'e avɨye va'e o'usar upe.

2 San Pedro 3:11

Opakatu ite ni'ä ko mba'e yapoprɨ okañɨ tëi va'erä sese, ¡peyemovɨräkwäño itera pe reko maräne'ɨ̇sa rese Tüpä rese pe pɨ'a ñemoñetasa pɨpe!