2 Timoteo 2:7 - Tüpä Ñe'ëngagwer

⁷ Eyapɨsaka tuprɨ ko che ñe'ë rese, yande Yar ni'ä osendukwa uka tuprɨra opakatu ko mba'e ndeu.

Tũpa Ñehengagüer

⁷ Eyapɨsaca tuprɨ co che ñehe rese. Yande Yar niha osenducua uca tuprɨra opacatu co mbahe ndeu.

2 Timoteo 2:7 Iomraidhean Croise

San Lucas 21:15

esepia che amondora che mba'ekwasa peñe'ë agwä, ndoikatui chietera evokoiyase pe amotare'ɨ̇mbar imboyevɨ yuvɨreko peü.

San Lucas 24:45

Evokoiyase osendukwa uka Ikwachiaprɨ pɨpendar gwemimbo'e upe,

San Lucas 9:44

–Pesendu tuprɨ che ñe'ë peresarai rene ichui: che ava ɨvate katu va'e Ra'ɨrɨ imondoprɨ aikora che amotare'ɨ̇mbar povrɨve.

San Juan 14:26

akoi Poropɨtɨ̇vɨïsar, iyavei Espíritu Maräne'ɨ̇ che Ru omboura che rer pɨpe, a'e pe mbo'era opakatu mba'e avɨye va'e rese pe moma'endu'a aveira opakatu che ñe'ëngagwer amombe'u va'ekwer rese.

San Juan 16:13

Akoi ouse Espíritu supi va'e ite, a'e pembo'era opakatu mba'e supiete va'e rese; esepia noñe'ëi chira a'e oyesui tëi, a'e rumo omombe'ura opakatu mba'e senduprɨ gweraño ite, iyavei oikwa ukara mba'e oime va'erä koiye peü.”

Los Hechos 7:10

ichui vɨnose opakatu iparaɨsusa sui. Omondo omba'ekwasa chupe iyavei seko avɨye tuprɨ agwä Egipto pendar mborerekwar ɨvate katu va'e faraón upe. Evokoiyase faraón ipotasa pɨpe omoinge mborerekwar seko agwä opakatu ava ɨvɨ Egipto pendar kwai agwä gwëtä pɨpendar kwai agwä avei.”

1 Corintios 12:8

Espíritu pirätäsa pɨpe Tüpä omondo ñepëi vɨroyasar upe iñe'ë agwä arakwasa rese; iyavei ambuae upe omondo iporombo'e tuprɨ katu agwä omba'ekwasa pɨpe.

Filipenses 4:8

Ko ipa, che rɨvrɨ eta, yande pɨ'añemoñetara opakatu mba'e supi tuprɨ va'e rese, poromboetei agwä rese, mba'e i'ɨ̇vi va'e rese, mba'e maräne'ɨ̇ rese, mba'e yande mbovɨ'a va'e rese, opakatu mba'e avɨye va'e ikwaprɨ va'e rese. Iyavei yande pɨ'añemoñetara ambuae mba'e avɨye va'e rese, imboeteiprɨ va'e rese avei.

Colosenses 1:9

Sese avei ore aipo nungar rendu ramoseve ndoroyerurepai ete pe rese, oroporandu pe rese toikwa tuprɨ opakatu Tüpä remimbotar omba'ekwasa Espíritu suindar pɨpe, sendukwa tuprɨsa pɨpe avei yuvɨreko ore yapave peü.

1 Timoteo 4:15

Nde'añeko katu ko mba'e rese, osepia va'erä opakatu ava nde rekokwer yemoigätusa yuvɨreko.

2 Timoteo 2:6

Iyavei oporavɨkɨ va'e mba'e tɨ̇sa rese, a'e rane omonu'ära gwemitɨ̇ yavɨyese oyeupe narä.

2 Timoteo 2:8

Iyavei nde ma'endu'ara Jesucristo rese, a'e ni'ä okwerayevɨ va'e, iyavei araka'endar mborerekwar David suindar sekoi, ko ni'ä ñe'ësa ñepɨsɨrösa resendar amombe'u va'e vichiko.

Hebreos 12:3

Pe avei katu, pepɨ'añemoñeta Jesús rembiapokwer rese; a'e oiporara ite mba'e rasɨkwer ava yangaipa va'e marä-marä tëi vɨrekose, sese pekwerai eme Cristo rese peiko agwä iyavei, ndorekere'ɨ̇ iri ndapeyei chira.

Hebreos 13:7

Peyemoma'endu'a pe rerogwatasar rese, peü Tüpä ñe'ëngagwer mombe'usar rese avei, pepɨ'añemoñeta tuprɨ sekokwer rese seko aprɨ rese avei; Tüpä reroya agwer rupi tuprɨ avei peiko.

Hebreos 3:1

Evokoiyase, che rɨvrɨ eta iporavoprɨ, pe Tüpä remienoi peiko va'e chupe narä, peyapɨsaka tuprɨ Cristo Jesús rekokwer rese, a'e sekoi yandeu Jesús ñe'ë mombe'usar iyavei pa'i ɨvate katu va'e yande yeroya agwä.

Hebreos 7:4

Peyapɨsaka tuprɨ ko Melquisedec rekokwer rese, ɨvate ite sekoi araka'e yande ramoi Abraham teiete avei omondo imboopayandepo yovaivesa sui ñepëi-pëi mba'e porerekosa mborerekwareta ɨvate katu va'e sui gwembierokwa chupe.

Santiago 1:5

Iyavei akoi ipanese pe pa'ü pendar upe yarakwa agwä, toporandu Tüpä upe, evokoiyase a'e omboura chupe; esepia Tüpä opakatu upe mba'e ombou gwekate'ɨ̇sa pɨpe iyavei omba'e mboasɨ e'ɨ̇sa pɨpe avei.

Santiago 3:15

Esepia ko mba'ekwasa nda'ei ete Tüpä sui ou va'e, a'e mba'ekwasa rumo ko ɨvɨ pɨpendar tëi, ava pɨ'añemoñeta sui tëi osë va'e karugwar suindar tëi avei.

Santiago 3:17

akoi vɨreko va'e rumo Tüpä suindar arakwasa, a'e vɨreko itera opakatu ava rovake gweko maräne'ɨ̇sa iyavei sekoira gweko mbegwesa pɨpe; a'e ndaseko asɨi chiaveira. Iyavei oyemoigätu voi va'e, a'e oporoparaɨsuereko va'e, nomboyoavɨratɨi va'e gwekokwer, a'e ipɨ'a ñemoñetasa ñepëi reseve va'e iyavei oyapo tuprɨ va'e mba'e.

1 San Juan 5:20

Yaikwa avei ni'ä Tüpä Ra'ɨrɨ ouse ko ɨvɨ pɨpe, ombou arakwasa yandeu yaikwa va'erä Tüpä supiete va'e. Yaiko avei Ta'ɨrɨ Jesucristo rese, a'e avei Tüpä supiete va'e iyavei tekovesa apɨre'ɨ̇ va'e.