2 Timoteo 2:5 - Tüpä Ñe'ëngagwer

⁵ Iyavei igwayɨ va'e, ndoipɨsɨi chira porerekosa ogwayɨ tuprɨ e'ɨ̇ pɨpe.

Tũpa Ñehengagüer

⁵ Iyavei iguayɨ rai vahe, ndoipɨsɨi chira porerecosa oguayɨ tuprɨẽhɨ pɨpe.

2 Timoteo 2:5 Iomraidhean Croise

San Lucas 13:24

–Peikwa tuprɨ peike va'erä okendɨpɨ ka'ïmi rupi; esepia aipo a'e peü seta ava yuvɨroike pota tëira, ndoikatu chietera rumo yuvɨreko.

Filipenses 1:15

Supiete oime ava oñe'ë anga'u tëi va'e Cristo rese seroɨrösa pɨpe tëi, ambuae rumo oñe'ë tuprɨ opɨ'a ñemoñeta katuprɨsa pɨpe yuvɨreko sese.

Colosenses 1:29

Ko rese ni'ä che aporavɨkɨ eteprɨ opakatu Cristo pirätäsa pɨpe.

Hebreos 12:4

Esepia pe ndapemano vɨtei ete angaipa upe peye mbopɨ'avɨräkwäsa pɨpe,

Hebreos 2:7

Erereko ɨvɨ kotɨ katu mbigwai ɨva pendar sui, ipare rumo eremondo nde porañetesa imboeteisave chupe;

Hebreos 2:9

Yaikwa ni'ä Jesús, a'e Tüpä gwembigwai sui ndaseta aravɨter ɨvɨ kotɨ katu vɨreko, oporoaɨsusa pɨpe oipota imano agwä opakatu ava repɨrä. Kurïtëi rumo Tüpä iyemombaraɨsu pare, omondo oporañetesa imboeteisave chupe.

Santiago 1:12

Akoi ava oyemovɨräkwä va'e poroätoisa upe oyembovɨ'ara oiko, esepia osasa tuprɨse evokoi poroätoisa, oipɨsɨra porerekosa, a'e tekovesa apɨre'ɨ̇ va'e Tüpä ombou va'e gwaɨsupar upe.

1 San Pedro 5:4

Evokoiyase akoi oyevɨse yande Yar, yande rärösar ɨvate katu va'e, a'ese peipɨsɨra mba'e porerekosa, teko orɨ porañete apɨre'ɨ̇ va'e.

Apocalipsis 2:10

Ndapesɨkɨyei chira pe paraɨsu agwä sui, esepia karugwar osokenda ukara amove pe pa'ü pendar sekoa'ä agwä; pe paraɨsu rane itera ni'ä opayandepo yovaive arɨ rupi peiko. Akoi peyemovɨräkwä tuprɨse sese, a'ese che amondora porerekosa tekovesa apɨre'ɨ̇ ndopai va'e peü.

Apocalipsis 3:11

Ayevɨ poyavara. Peyemovɨräkwä katu Tüpä reroyasa pereko va'e rese, evokoiyase ñepëi yepe ava ndovɨrokwai chietera Tüpä suindar porerekosa pe sui.

Apocalipsis 4:10

Egwë e'ise evokoiyase veinticuatro tuprɨ ikwaiprɨ yuvɨrekoi va'e, a'e oñenopɨ'ä imboeteisa pɨpe sovai yuvɨreko, ipare osekɨi oakä resendar oyere tuprɨ va'e omborerekwasa resendar sovai aipo e'i yuvɨreko:

Apocalipsis 4:4

iyavei asepia evokoi rese oyere tuprɨ ambuae veinticuatro tenda, a'e i'arɨve ogwapɨ yuvɨnoi veinticuatro avei ikwaiprɨ yuvɨrekoi va'e; iturukwar morochi va'e yuvɨreko iyavei oakä rese omboyere tuprɨ oro apoprɨ yuvɨreko.