2 Timoteo 2:4 - Tüpä Ñe'ëngagwer

⁴ Ñepëi yepe sundao ndosɨrɨi ete okwaita sui, esepia a'e oyemoigätu voi ete okwai agwä gwerekwar upe.

Tũpa Ñehengagüer

⁴ Ñepei yepe sundao ndosɨrɨi eté ocuaita sui. Esepia, ahe oyemoingatu voi eté ocuai ãgua güerecuar upe.

2 Timoteo 2:4 Iomraidhean Croise

San Lucas 8:14

Mba'e rä'ɨi seitɨprɨ yu pa'ü rupi, a'e inungar akoi osendu va'e ñe'ësa yuvɨreko, mbegwe-mbegwe rupi rumo oipɨ'añemoñeta mokañɨ seraso, mba'e eta potaraisa pɨpe iyavei yuvɨrekoi pota teko vɨ'asa pɨpe tëi, egwë e'i aveira sembiapo ndipoi chietera rumo mba'e avɨye va'e.

2 Corintios 5:9

Sese yaseka yande Yar mbovɨ'a agwä yepi, yaikove vɨtese avei yande rete rese, anise yasëse ichui.

Gálatas 5:1

Cristo ni'ä ombou yandeu mbigwai tëi nungar sui yande së agwä. Sese peyemovɨräkwä mbigwai tëi pe reko iri e'ɨ̇ agwä.

1 Tesalonicenses 2:4

Tüpä rumo ore rekoa'ä, ichui orekwai oñe'ëngagwer pɨsɨrösa resendar mombe'u agwä; egwë oro'e imombe'u. Nda'ei ava mbovɨ'a agwä tëi, Tüpä ñoite oikwa yande pɨ'a ñemoñetasa yepi.

2 Timoteo 4:10

esepia Demas che reya ko mba'e ɨvɨ pɨpendar tëi potasave, ichui tëi oso tekwa Tesalónica ve. Crescente oso tekwa Galacia rupi, iyavei Tito oso Dalmacia ve.

2 San Pedro 2:20

Esepia, akoi oikwa va'e yande Yar, yande pɨsɨrösar Jesucristo yuvɨreko, ipɨpe oyepepɨ ko ɨvɨ pɨpendar mba'e-mba'e tëi sui, oyeitɨ uka irise rumo ko nungar mba'e tëi pɨpe, ichui ndoikatu iri yuvɨnosë. Ipare mba'e tëi katu yɨpɨndar sekokwer sui yuvɨreko chupe.