2 Timoteo 2:2 - Tüpä Ñe'ëngagwer

² Akoi che porombo'esa eresendu va'e ava re'ɨi rovake amondo va'e ndeu, embo'e tuprɨ mbɨa oyeroya va'e, oikatu va'e avei ambuae mbo'e agwä oiko.

Tũpa Ñehengagüer

² Acoi che porombohesa eresendu vahe ava rehɨi rovaque amondo vahe ndeu, embohe tuprɨ mbɨa oyeroya vahe, oicatu vahe avei ambuae mbohe ãgua.

2 Timoteo 2:2 Iomraidhean Croise

San Mateo 13:52

Evokoiyase Jesús aipo e'i: –Akoi ñepëi oporombo'e va'e porokwaita ɨva pendar rese, oyembo'e va'e avei Tüpä mborerekwasa rese, a'e inungar ava oɨ yar, iyavei mba'e vɨreko va'e yapokatuprɨ oikwa ite senose mba'e ipɨasu va'e mba'e kwakwa aveino.

San Mateo 24:25

Opa aipo ko senondeve amombe'u peü.

San Lucas 12:42

Evokoiyase yande Yar aipo e'i: “¿Umavo ava mba'e rese ñangarekwar omboavɨye tuprɨ va'e okwaita, yarakwa va'e avei, a'e chupe serekwar oseya ikwaitarä gwëtä pɨpendar rese añeko agwä tembi'u tomondo che rëtä pɨpendar upe che porokwaita rupi oesave?

1 Corintios 4:2

Supiete kurïtëi, akoi vɨreko va'e okwaitära iya ite omboyekwa okwaita mboavɨye tuprɨsa.

2 Corintios 2:14

Avɨye yande Ru Tüpä upe esepia yande Cristo rese yaiko va'e yande renose oamotare'ɨ̇mbar povrɨ sui opakatu ava rembiepiave iyavei yande rekokwer sui opakatu ava upe oikwa uka gwekokwer inungar mba'e sɨäkwä va'e yasëtu va'e opakatu rupi.

2 Corintios 3:5

Nda'ei oreyesui tëi oroikatu ko mba'e apo, Tüpä rumo ombou oreu opakatu ko mba'e apo agwä,

Colosenses 1:7

Ko ñe'ësa rese yande rembiaɨsu Epafras pe mbo'e, a'e mbɨa yande Yar Jesucristo rese oporavɨkɨ va'e ore rupi, okwaita vɨroya tuprɨ va'e pe pa'üve.

1 Timoteo 1:12

Avɨye ndeu a'e yande Yar Jesucristo upe, a'e ni'ä ombou pirätäsa ko che ñe'ë agwä, esepia a'e oyeroya che rese sese che mondo oñe'ëngagwer mombe'u agwä,

1 Timoteo 1:18

Che ra'ɨrɨ Timoteo, ko amondo nde kwaitära nde reko movɨräkwä agwä mba'e tëi rekopɨ agwä Cristo rese nde yeroyasa pɨpe nde pɨ'a ñemoñeta katuprɨsa pɨpe avei, supi tuprɨ Tüpä reroyasar oñe'ë yuvɨreko nde rese serer pɨpe. Amove ava opɨ'añemoñeta tuprɨ reroya e'ɨ̇save, omokañɨ uka Tüpä rese oyeroyasa.

1 Timoteo 4:14

Nderepoi chira Tüpä ndeu mba'ekwasa ombou va'e sui, esepia ava Jesús reroyasar rärösar upe Tüpä omombe'use nde kwaitarä, omondo opo nde arɨve yuvɨreko.

1 Timoteo 4:6

Akoi erembo'ese ko mba'e rese yande rɨvrɨ eta iyavei ereyemovɨräkwäse ñe'ësa poreroyasa rese iyavei porombo'esa avɨye va'e nde yese erereko va'e rese, a'ese Cristo Jesús rembigwai avɨye va'e ereikora.

1 Timoteo 5:22

Nde pɨ'a ñemoñeta tuprɨ ranera eresenoi va'erä mbɨa mborokwaita rese i'añeko agwä, avɨyeteramo nde rese päve mba'e oimerä. Eñearö tuprɨ nde reko maräne'ɨ̇sa pɨpe.

1 Timoteo 6:12

Eyemovɨräkwä mba'e tëi upe Tüpä reroyasave; erepoi rene tekovesa apɨre'ɨ̇ va'e sui, sese ni'ä Tüpä oñe'ë ndeu, iyavei eremombe'u ite ni'ä Tüpä reroyasa nde reko agwä ava eta rovai.

2 Timoteo 3:10

Nde rumo che reko rupi tuprɨ ereiko, esepia ereroya tuprɨño che porombo'esa, che pɨ'a ñemoñetasa, che Cristo rese yeroyasa, che reko mbegwesa, che poroaɨsusa iyavei che ñemosasa,

2 Timoteo 3:14

Nde rumo ereyemovɨräkwäño itera akoi ereyembo'e va'e rese, a'e ereroya ite sereko. Esepia ni'ä ereikwa uma nde mbo'e yuvɨreko.

Hebreos 2:17

Sese ni'ä sekoi vɨvɨreta nungar tuprɨ ite, sekoi va'erä pa'i eta rerekwar ɨvate katu va'e Tüpä upe oporavɨkɨ agwä, tomondo gwetekwer ava angaipa repɨrä ñeröisa reime agwä oyapave.