2 Timoteo 2:12 - Tüpä Ñe'ëngagwer

¹² yañemosase mba'e tëi upe, a'ese yande yaikora imborerekwasave ipɨri; ndaikwai Jesucristo ya'ese, a'e avei ndopokwai va'e e'iñora yandeu;

Tũpa Ñehengagüer

¹² Yañemosase mbahe tẽi upe, ahese yande yaicora mborerecuar imborerecuasave ipɨri. “Ndaicuai Jesucristo” yahese, ahese ahe avei, “Ndopocuai vahe” ehiñora yandeu.

2 Timoteo 2:12 Iomraidhean Croise

San Mateo 10:33

akoi ava ndachekwa ukai va'e opakatu ava rovake, che avei evokoiyase nda'ei ko che rupindar sekoi a'era che Ru ɨva pendar upe.”

San Mateo 26:35

Pedro omboyevɨ chupe: –Yepe che amano tëira nde rupi viña, che rumo ndaikwai va'e nda'ei chietera ndeu. Opakatu semimbo'e eta aipo e'i tuprɨ avei yuvɨreko chupe.

San Mateo 26:75

ipare Pedro oyemoma'endu'a Jesús ñe'ë agwer rese: “Akoi takura ñe'ë renondeve mbosapɨ yupagwer rupi, ndaikwai va'e ite aipo mbɨa erera cheu.” Ichui Pedro osë okarve oso, oyase'o iteanga.

San Marcos 10:33

“Peikwa ni'ä, yasora tekwa Jerusalén ve, a'eve rumo che, ava ɨvate katu va'e Ra'ɨrɨ, che pɨsɨra che mondo pa'i eta rerekwar iyavei Moisés porokwaita rese oporombo'e va'e povrɨve, a'e tomano e'ira yuvɨreko cheu ipare che mondo aveira ava nda'ei va'e yande mu upe yuvɨreko.

San Marcos 8:38

Esepia akoi ava yuvɨnochiai va'e che sui iyavei che ñe'ëngagwer sui ava angaipa viyar ndaseko tuprɨi va'e rovai, che avei ava ɨvate katu va'e Ra'ɨrɨ, egwë a'era akoi ayevɨse che Ru reko pirätä porañetesa pɨpe, sembigwai re'ɨi ɨva pendar maräne'ɨ̇ reseve kuri.

San Lucas 12:9

akoi ndaroyai e'i va'e rumo cheu opakatu ava rovake, a'e evokoiyase ndaikwa ukai chietera mbigwai ɨva pendar Tüpä suindar upe.”

San Lucas 22:29

Sese, che amondo peü mborerekwasa, inungar che Ru ombou cheu che mborerekwa agwä,

San Lucas 22:30

esepia pekarura iyavei peɨ'ura che mborerekwasave che pɨri, iyavei pegwapɨra gwapɨsa yemboeteisave porandu agwä opayandepo yovaive ñuvɨrïo tuprɨ Israel rekokwer rese.”

San Lucas 9:26

Akoi oimese yuvɨnochiai va'e che sui che ñe'ëngagwer sui aveino, egwë a'e aveira che ava ɨvate katu Ra'ɨrɨ ächïra ichui yuvɨreko, akoi ayevɨse che reko porañetesa pɨpe vitu iyavei che Ru reko porañetesa pɨpe mbigwai ɨva pendar ndaseko maräi va'e reseve kuri.

Los Hechos 14:22

A'e tekwa rupi omongere'ɨ̇ katu Jesús reroyasar, iyavei peikora poreroyasa sɨkɨye e'ɨ̇sa pɨpe, aipo e'i yuvɨreko chupe yande reike agwä Tüpä mborerekwasave oime rane itera paraɨsusa tuvicha va'e.

Romanos 5:17

Supiete ñepëi ava angaipa sui oime ite manosa opakatu upe narä, seta katu aveira ava oipɨsɨ mba'e ipirätä katu va'e ichui yuvɨreko, a'e Tüpä porovasasa tuvicha va'e iyavei iporerekosa peyavɨ mba'e i'e e'ɨ̇sa resendar, sese yareko ite tekovesa apɨre'ɨ̇ va'e yande yeupe narä ñepëi ava sui, a'e Jesucristo sekoi.

Romanos 8:17

Iyavei yande ta'ɨrɨ ite yaiko, egwë ya'e aveira Tüpä porerekosa pɨsɨ, a'e Cristo reseve yamboya'ora ipɨsɨ, esepia yaiko ite paraɨsusa pɨpe supive egwë ya'e aveira yaiko ipɨri seko porañetesave kuri.

Filipenses 1:28

iyavei ndapeyembosɨkɨyei chira pe amotare'ɨ̇mbar sui. Evokoiyase a'e oikwara yuvɨreko chupe ite Tüpä omondora imokañɨ agwä, pe rumo peipɨsɨra poropɨsɨrösa Tüpä sui kuri.

1 Timoteo 5:8

Akoi ava nosäröi va'e omu, gwëtä pɨpendar nosäröi va'e avei, a'e ndogwata iri Tüpä rese iyavei mba'e tëi katu Jesús reroyasare'ɨ̇ sui sekoi.

San Judas 1:4

Esepia amove ava iporombopa serai va'e yuvɨroike anga'u ava pe pa'üve araka'e suive rumo ikwachiaprɨ yɨpɨ suive ite imokañɨsara. A'e ava ndasekoporäi va'e, Tüpä avɨye ite ndoyapoi chietera mba'e yandeu, sese oyapoño mba'e tëi yuvɨreko, Jesucristo nda'ei yande Rerekwar e'iño yuvɨreko.

Apocalipsis 1:6

iyavei yande rereko mborerekwarä; pa'igwä aveino Vu Tüpä upe yande poravɨkɨ agwä. ¡Egwë te'i imboeteiprɨ tasekoi opirätäsa pɨpe apɨre'ɨ̇ va'erä! Amén.

Apocalipsis 1:9

Che Juan, pe rɨke'ɨrɨ aiko, iyavei che pe nungar Tüpä povrɨ pendar aiko, che paraɨsu avei vichiko Jesucristo rese che rekosave che ñemosasa pɨpe. Che rokendasa vichiko ka'a pa'ümi paragwasu avɨterve Patmos serer va'esave Tüpä ñe'ëngagwer mombe'usa pɨpe sui tëi, Jesucristo rekokwer mombe'usa pɨpe sui tëi aveino.

Apocalipsis 2:13

Che aikwa pe rekosa, a'eve akoi Karugwar ogwapɨ öi; mborerekwar gwasu nungar imboyeroyaprɨ sekoi. Pe rumo peyemovɨräkwäño ite chupe che rekokwer rese peiko, ndapeseyai ete che rese pe yeroyasa yepe oyuka tëi che rekokwer mombe'u tuprɨsar Antipas evokoi tekwa Karugwar rekosave.

Apocalipsis 20:4

Ipare asepia tenda, i'arɨve seta ava ogwapɨ yuvɨnoi evokoi oipɨsɨ va'e omborerekwasa yuvɨreko ava upe mba'e rese porandu agwä. Iyavei asepia ava ä evokoi opa va'ekwer oyasɨa ñakä yuvɨreko Jesús rekokwer mombe'usa sui tëi Tüpä ñe'ëngagwer mombe'usa pɨpe sui tëi avei. A'e ava nomboetei va'e mba'e ɨpɨ vai; sa'anga avei nomboetei yuvɨreko no; nomondo ukai va'e avei osɨva rese serer yuvɨreko, opo rese avei. A'e asepia opa okwerayevɨ yuvɨreko. Ipare oporokwai Cristo rese mil aravɨter rupi yuvɨreko.

Apocalipsis 20:6

¡Sorɨvete katura akoi ava vɨreko va'e yɨpɨndar kwerayevɨsa, esepia ni'ä, a'e Tüpä upendar ite yuvɨrekoi! Imoñuvɨrïosa manosa evokoiyase chupe ndipo iri ete, egwë e'ira rumo Tüpä upe gweräño ite pa'i yuvɨrekoira Cristo upe avei, ipare mborerekwar yuvɨrekoira sese mil aravɨter rupi.

Apocalipsis 3:10

Esepia peroya ite che porokwaita, peyemovɨräkwä ite evokoi mba'e tëi upe peiko, evokoiyase che opoepɨra akoi arɨ tekoa'äsa ouse opakatu ɨvɨ rupindar upe kuri.

Apocalipsis 3:21

Akoi ava oyemovɨräkwä va'e mba'e-mba'e tëi apoe'ɨ̇ agwä yuvɨreko, a'e ambogwapɨ ukara che ɨpɨve imoi che porokwaisave, inungar che mba'e tëi reko reroyɨ pare, agwapɨ che Ru ɨpɨve vïte.

Apocalipsis 3:8

Che rumo aikwa mba'e opakatu pe rembiapo; esepia, che amondo pe rovake inungar okenda imboiprɨ peü pemombe'u va'erä che rekokwer, a'e ñepëi yepe ava nomboyai chietera yuvɨreko, esepia, yepe pe nipirätä tuprɨi va'e, peroya ite rumo che ñe'ë iyavei ndacheñomi ete ava sui peye.

Apocalipsis 5:10

Iyavei eremomborerekwa uka Tüpä upe narä, eremondo avei pa'i seko agwä yande Yar Tüpä upe narä, ipare a'e oporokwaira opakatu ɨvɨ rupi yuvɨreko.”