2 Timoteo 2:10 - Tüpä Ñe'ëngagwer

¹⁰ Sese che añemosaño opakatu mba'e-mba'e tëi upe opakatu Tüpä rembiporavo rekokwer avɨye agwä rese, tovɨreko katu pɨsɨrösa porañete apɨre'ɨ̇ va'e Jesucristo rese yuvɨreko che yapave.

Tũpa Ñehengagüer

¹⁰ Sese che añemosaño opacatu mbahe-mbahe tẽi upe opacatu Tũpa rembiporavo recocuer avɨye ãgua rese ‘tovɨreco catu pɨ̃sɨrosa porañete, apɨrẽhɨ vahe Jesucristo rese yuvɨreco’ che yapave.

2 Timoteo 2:10 Iomraidhean Croise

San Mateo 24:22

Iyavei nomombɨtu'uise Tüpä ko arɨ naporäi va'e, ndipoi chietera oñepɨsɨrö va'e yuvɨreko viña; a'e rumo gwembiporavo raɨsusa pɨpe omombɨtu'u ñoitera kuri.”

San Mateo 24:24

Esepia yugwerura nda'ei va'e Poropɨsɨrösar nda'ei va'e avei Tüpä ñe'ë mombe'usar; ipare oyapora poromondɨisa gweko pirätäsa mboyekwa agwä yuvɨreko oporombopa agwä, egwë e'i aveira Tüpä rembiporavo upe yuvɨreko.

San Mateo 24:31

Iyavei amboura mbigwai eta ɨva pendar, a'e evokoiyase gwemimbɨ omoñe'ë pirätära opakatu che rembiporavo ko ɨvɨ rupindar amombrɨ rupi yuvɨrekoi va'e monu'ä agwä.”

San Lucas 18:7

Supiete, ¿nda'ei chira pi'ä Tüpä avei oipɨsɨröra gwembiporavo, oyeupe yeruresar arɨ, pɨ̇tü rupi yepi? ¿Osärö uka tëira pi'ä?

San Lucas 22:57

Pedro ndaikwai va'e aipo e'iño chupe: –Kuña, ndaikwai va'e ite aipo mbɨa.

San Juan 11:52

iyavei nda'ei chira ko tekwa ɨvɨ rese gweraño, omonu'ära opakatu Tüpä Ra'ɨrɨ oñemosaï tëi va'e.

San Juan 17:24

“Che Ru, nde ni'ä akoi erembou ko yuvɨrekoi va'e cheu, iyavei aipota a'e yuvɨrekoi che pɨri che rekosave, osepia va'erä che reko porañetesa yuvɨreko, teko porañetesa nde erembou va'e cheu; esepia nde ni'ä yɨpɨve ite che raɨsu eve ko ɨvɨ apoe'ɨ̇seve.

San Juan 17:9

Che aporandu nde remimbou rese; ndaporandui rumo ko ɨvɨ pɨpendar rese, che aporandu erembou va'e rese cheu, esepia a'e ndeundar ite yuvɨrekoi yepi.

Romanos 2:7

Omboura tekovesa apɨre'ɨ̇ va'e yandeu, yasekase teko orɨ Tüpä suindar poromboeteisa, iyavei mba'e apɨre'ɨ̇ va'e yande mba'e tuprɨ aposa pɨpe;

Romanos 9:23

Egwë e'i avei yapo gwemimbotar rupi gweko porañetesa ɨvate va'e mboyekwa agwä yandeu. Esepia, yande paraɨsuereko iyavei yɨpɨsuive teko orɨ porañetesa omoigätu yandeu a'eve yande reike agwä.

1 Corintios 1:21

Supiete ko ɨvɨ pɨpendar ndoiporui ete omba'ekwasa oikwa va'erä Tüpä yuvɨreko a'e rumo omboyekwa ite omba'ekwasa, Tüpä evokoiyase oipɨsɨröra ñe'ësa avɨye va'e rupi oyese yeroyasar kuri, yepe ko ñe'ësa avɨye va'e ndoyavɨi egwë e'i tëi va'e viña.

1 Corintios 9:22

Iyavei no aikose ava yande Yar ndovɨroya tuprɨ vɨtei va'e pa'üve sekokwer nungar tuprɨ avei aiko Yar upe imongere'ɨ̇ katu agwä. Egwë a'e opakatu ava upe toñepɨsɨrö katu a'e avei yuvɨreko viya.

2 Corintios 1:6

Ore paraɨsu oroiko pe mbovɨ'a agwä toñepɨsɨrö yuvɨreko ore yapave; Tüpä ore mbovɨ'a pe mbovɨ'a agwä avei, supi evokoiyase peñemosañora mbegwe rupi ore paraɨsu agwer nungar tuprɨ avei pe rekose.

2 Corintios 12:15

Evokoiyase che kere'ɨ̇sa pɨpe amondora opakatu che mba'e areko va'e pe pɨtɨ̇vɨï agwä, iyavei opakatu che rekokwer rese ayemondo peü pe reko tuprɨ agwä. Che rumo opoaɨsu iteanga, ¿pe tie revo ndache raɨsu tuprɨi ete peye?

2 Corintios 4:15

Ko opakatu mba'e tëi oime va'e oreu, peü mba'e avɨye agwä rese, tovɨreko katu Tüpä porovasasa yuvɨreko ore yapave; ipɨpe sui, avɨye ndeu te'i seta katu ava Tüpä upe imboeteisave yuvɨreko.

2 Corintios 4:17

Esepia ko mba'e oroiporara va'e ko ɨvɨ pɨpe, a'e egwë e'i raimi tëi va'e, ipare rumo opañora; a'e ichui rumo oimerä mba'e tuprɨ ɨvate katu va'e oreu ɨvave apɨre'ɨ̇ orovɨreko va'erä.

Efesios 3:13

Sese anichira, ndapekere'ɨ̇ iri Cristo rupi pe gwata agwä, pe rekokwer rese che yemombaraɨsusa sui, iyakatu rumo che paraɨsusa pereko pe yembovɨ'a agwä.

Colosenses 1:24

Kurïtëi avɨ'a pe rese che yemomborarasa pɨpe, egwë a'e iporara che rete rese ko'ave vichiko, egwë e'i avei Cristo oyemomborara vɨte vɨroyasar rese, esepia yande seroyasar setekwer nungar yaiko.

Colosenses 1:27

Chupe ite Tüpä omboyekwa pota ko ñe'ësa porañete va'e omboyekwa ramo va'e opakatu ava yuvɨrekoi va'e ɨvɨ pɨpendar upe. Ko ñe'ësa ndikwasai va'e, a'e Cristo pe rese sekoi va'e, ko yande remiarö yareko va'erä teko orɨ porañete va'e kuri.

1 Tesalonicenses 5:9

Esepia ni'ä, Tüpä ndayande poravoi yaiko va'erä iñemoɨrösa pɨpe, a'e rumo yande poravo yasupitɨ va'erä ñepɨsɨrösa yande Yar Jesucristo rembiapo sui.

2 Tesalonicenses 2:14

Ko rese ni'ä Tüpä oñe'ë peü, ko ñe'ësa pɨsɨrösa resendar ore oromombe'u va'e rupi: tovɨreko che Ra'ɨrɨ Jesucristo reko porañetesa yuvɨreko oyapave.

2 Timoteo 1:1

Che Pablo Cristo Jesús ñe'ë mombe'usar imbouprɨ Tüpä remimbotar rupi aiko, Cristo Jesús rekokwer rupi che reko agwä,

2 Timoteo 2:1

Iyavei nde no, che ra'ɨrɨ, eyemovɨräkwä mba'ekwasa Tüpä ombou va'e rese Cristo Jesús rupi ndeu.

2 Timoteo 2:3

Nde eyemovɨräkwäño teko asɨ upe Jesucristo upe narä inungar sundao oyemovɨräkwä va'e yepi.

Tito 1:1

Che Pablo, Tüpä rembigwai aiko iyavei Jesucristo ñe'ë mombe'usar semimbou aiko, Tüpä rese yeroyasa mondo agwä sembiporavo eta upe iyavei sese pɨ'a ñemoñetasa supi tuprɨ va'e kwa uka tuprɨ agwä,

1 San Pedro 2:10

Yɨpɨndar nda'e vɨtei ete Tüpä upendar peiko, kurïtëi rumo Tüpä upendar ite peiko; yɨpɨndar ndaperekoi Tüpä poroparaɨsuerekosa, kurïtëi rumo pereko ite iporoaɨsusa.

1 San Pedro 5:10

Koiye peparaɨsu pare rumo, Tüpä teiete pe reko mo'ɨ̇vi tuprɨra, iyavei pe reko movɨräkwära, pe momirätä aveira pe yepepɨ irie'ɨ̇ agwä ichui. Tüpä ni'ä oporoaɨsusa pɨpe yande poravo oyeupe narä, yande yaso va'erä supi teko orɨ ndopai va'esave yaiko va'erä Jesucristo rese yande rekosa pɨpe.