2 Timoteo 1:9 - Tüpä Ñe'ëngagwer

⁹ Tüpä ni'ä yande pɨsɨrö iyavei yande renoi yande reko tuprɨ agwä sese, nda'ei yande rembiapo pɨpe. A'e rumo gwemimbotar rupi yande raɨsu Cristo Jesús rese yande rekose, a'e Tüpä ite yande raɨsu yɨpɨsuive ɨvɨ apo vɨte e'ɨ̇seve.

Tũpa Ñehengagüer

⁹ Tũpa niha yande pɨ̃sɨro iyavei yande renoi yande reco tuprɨ ãgua sese, ndahei yande rembiapo pɨpe. Ahe rumo güemimbotar rupi yande raɨsu Cristo Jesús rese yande recose. Ahe Tũpa ité yande raɨsu yɨpɨsuive ɨvɨ apo vɨteẽhɨseve.

2 Timoteo 1:9 Iomraidhean Croise

San Mateo 1:21

María vɨrekose omembrɨ, pemondora serergwä Jesús. Esepia a'e oipɨsɨröra omu eta rekwa yangaipa sui.”

San Lucas 10:21

A'e pɨpeve voi, Jesús ovɨ'aretesa pɨpe Espíritu Maräne'ɨ̇ rese aipo e'i: “Oromboetei, nde rereko che Ru, Yar ɨva pendar ɨvɨ pendar aveino, esepia eremboyekwa ite ñe'ësa ava seko mbegwemi va'e upe a'e akoi ereñomi va'e ava opakatu oikwa va'e sui ava mba'e osendukwa tuprɨ va'e sui avei. Supiete che Ru, esepia evokoi nungar ite ereipota eiko yepi.”

San Juan 17:24

“Che Ru, nde ni'ä akoi erembou ko yuvɨrekoi va'e cheu, iyavei aipota a'e yuvɨrekoi che pɨri che rekosave, osepia va'erä che reko porañetesa yuvɨreko, teko porañetesa nde erembou va'e cheu; esepia nde ni'ä yɨpɨve ite che raɨsu eve ko ɨvɨ apoe'ɨ̇seve.

San Juan 17:9

Che aporandu nde remimbou rese; ndaporandui rumo ko ɨvɨ pɨpendar rese, che aporandu erembou va'e rese cheu, esepia a'e ndeundar ite yuvɨrekoi yepi.

San Juan 6:37

Opakatu ombou va'e ava che Ru cheu, cheu ni'ä yugwerura; akoi yugweru va'e cheu aipɨsɨra; namomboi chietera che yesui.

Los Hechos 15:18

Yande Yar, oikwa uka ite ko opakatu mba'e yɨpɨsuive oiko araka'e, kurïtëi rumo omboavɨye ite oñe'ëngawer.’

Los Hechos 2:47

Osapukai yuvɨreko Tüpä upe yepi iyavei opakatu ava osaɨsu Jesús reroyasar yuvɨreko; yande Yar evokoiyase arɨ rupi omboeta katu ava iñepɨsɨrö agwä Jesucristo vɨroya va'e pa'üve.

Romanos 11:14

Che aipota che mu pe pa'ü pendar oyemongere'ɨ̇ va'e, pɨsɨrösa pɨsɨ agwä oyeupe narä yuvɨreko.

Romanos 11:29

Supiete, Tüpä ndovɨroyevɨ iri ete mba'e gwemimondo iyavei ndovɨrova-rova tëi va'e opɨ'añemoñetasa gwembiporavo sui.

Romanos 16:25

Yamboetei Tüpä sereko, a'e ni'ä oikatu pe movɨräkwä ko ñe'ësa ñepɨsɨrösa resendar amombe'u va'e rupi iyavei ko porombo'esa Jesucristo rekokwer resendar rupi avei. A'e oyoya tuprɨ ite Tüpä omboyekwa ramo va'e cheu ko ɨvɨ apoe'ɨ̇ suive mba'e ndikwasai va'e rese,

Romanos 3:20

esepia ndipoi chietera ñepëi seko avɨye va'e Tüpä rovake ko porokwaita mboavɨye pɨpe, a'e mborokwaita rumo oikwa uka yande angaipa viyar yande reko.

Romanos 9:11

iyavei a'e ndoyuvɨro'a vɨteise, ndoyapo vɨteise mba'e avɨye va'e, naporäi va'e yuvɨreko, Tüpä aipo e'i ichɨ Rebeca upe: “Yɨpɨndar o'a va'e nde membrɨ a'e omboyeroyara ipandar.” Ko oyoya ite Ikwachiaprɨ rese akoi aipo e'i va'e: “Che asaɨsu ite Jacob Esaú rumo añamotare'ɨ̇.” Egwë e'i Tüpä ava poravo gwemimbotar rupi, nda'ei seko avɨye va'e rese.

Romanos 9:24

Yande avei yande renoi oyeupe, judío anise nda'ei va'e judío yande rekose.”

1 Corintios 1:18

Esepia akoi ava okañɨ tëi va'erä upe ko ñe'ësa kurusu rese Cristo manosa resendar avɨye egwë e'i tëi va'e viña; yande ipɨsɨröprɨ yaiko va'erä upe rumo ko ñe'ësa vɨreko ite Tüpä pirätäsa.

Efesios 1:11

Cristo rese yaikose, Tüpä yande poravo yɨpɨsuive ichuindar mba'e yandeundar pɨsɨ agwä, opakatu rumo mba'e Tüpä remimbotar rupi, a'e ni'ä oikwa ite gwemimbotar rupi mba'e apo agwä.

Efesios 1:9

iyavei oikwa uka gwemimbotar yɨpɨsuive ndikwasai va'e yandeu. Ko gwembiaporä mboavɨye agwä Cristo rese,

Efesios 2:5

yepe angaipa pɨpe yaiko omano va'e nungar viña, a'e rumo ombou Gwa'ɨrɨ yande rekove agwä. A'e oporovasasa pɨpe yande pɨsɨrö.

Efesios 3:11

Egwë e'i, Tüpä opɨ'añemoñeta ndopai va'e mboavɨye agwä, yande Yar Cristo Jesús rese.

Filipenses 3:14

esepia Tüpä che renoi ɨvave che so agwä aipɨsɨ va'erä iporerekosa ɨva pendar Cristo Jesús rese che rekose.

1 Tesalonicenses 4:7

Esepia Tüpä ni'ä yande poravo yande reko maräne'ɨ̇ agwä, nda'ei angaipa pɨpe yande reko agwä tëi.

1 Timoteo 1:1

Che Pablo, Cristo Jesús ñe'ë mombe'usar aiko, imbouprɨ Tüpä remimbotar rupi iyavei yande Pɨsɨrösar Cristo Jesús porokwaita rupi, a'e ni'ä yande remiarö sekoi,

2 Timoteo 1:1

Che Pablo Cristo Jesús ñe'ë mombe'usar imbouprɨ Tüpä remimbotar rupi aiko, Cristo Jesús rekokwer rupi che reko agwä,

Tito 1:2

esepia ndopai va'e tekovesa apɨre'ɨ̇. Tüpä ndoporombopai va'e, omombe'u ko tekovesa ndopai va'erä,

Hebreos 3:1

Evokoiyase, che rɨvrɨ eta iporavoprɨ, pe Tüpä remienoi peiko va'e chupe narä, peyapɨsaka tuprɨ Cristo Jesús rekokwer rese, a'e sekoi yandeu Jesús ñe'ë mombe'usar iyavei pa'i ɨvate katu va'e yande yeroya agwä.

1 San Pedro 1:20

Tüpä ombou Cristo araka'e, ɨvɨ ɨva apoe'ɨ̇ vɨteseve mba'e moigätu agwä, kurïtëi rumo oyemboyekwa peü mba'e tuprɨ pɨpe pereko agwä.

1 San Pedro 2:9

Pe rumo iporavoprɨ peiko Tüpä upe narä, inungar pa'i mborerekwar ɨvate katu va'e pɨtɨ̇vɨïsar, iyavei iporavoprɨ peiko Tüpä remimbotar rupi pereko maräne'ɨ̇sa pɨpe. Egwë peye Tüpä reko pirätäsa mombe'u agwä peiko, esepia a'e pe renose pɨ̇tümimbisa nungar pe rekokwerai sui, tesapesa porañete va'e pɨpe pe reike agwä.

Apocalipsis 13:8

Ipare omboeteiai sereko yuvɨreko opakatu ava ɨvɨ pɨpendar akoi ɨvɨ apoe'ɨ̇ suive ndovɨrekoi va'e gwerer Ovesami a'e Cristo sekoi va'e kwachiar tekovesa resendar pɨpe, a'e ni'ä akoi yukapɨrer.

Apocalipsis 17:8

Akoi mba'e ɨpɨ vai eresepia va'e, a'e yɨpɨve ite sekoi ko ɨvɨ pɨpe, iyavei kurïtëi a'e ndipo iri; koiye rumo osëra ɨvɨkwar gwasu ipɨkuku va'e sui omano agwä renonde. Akoi ava ɨvɨ pɨpendar ndovɨrekoi va'e gwerer kwachiar tekovesa resendar pɨpe yɨpɨve ɨvɨ apoe'ɨ̇seve yuvɨreko, a'e ndovɨ'ai chira osepiase evokoi mba'e ɨpɨ vai yɨpɨve oikove va'e yuvɨreko, a'e kurïtëi ndipo iri, koiye rumo oyevɨ irira ou ko ɨvɨ pɨpe.