2 Timoteo 1:7 - Tüpä Ñe'ëngagwer

⁷ Esepia Tüpä nomboui sɨkɨyesa yandeu, a'e rumo ombou yande reko movɨräkwäsa, poroaɨsusa, iyavei yande mbopɨ'añemoñeta tuprɨ agwä.

Tũpa Ñehengagüer

⁷ Esepia, Tũpa nomboui sɨquɨyesa yandeu. Ahe rumo ombou yande reco movɨracuasa, poroaɨsusa, iyavei yande mbopɨhañemoñeta tuprɨ ãgua.

2 Timoteo 1:7 Iomraidhean Croise

San Lucas 10:19

Che ni'ä amondo pirätäsa peü pegwata va'erä mboi arɨ rupi mba'e rumbɨkɨäpe arɨ rupi avei, opakatu pe amotare'ɨ̇sar pirätäsa reroyɨ agwä, mba'e pe momarä e'ɨ̇ agwä avei.

San Lucas 15:17

Ichui ramo oyemoma'endu'a tëi: ‘¡Mbovɨ tuprɨ oporavɨkɨ va'e yuvɨrekoi cheru rëtäve a'eve evokoiyase sumbɨre tëi sembi'u yuvɨreko, che evokoiyase ndache rɨepoi tëi ko'ave vichiko!

San Lucas 24:49

Che amboura che Ru remimombe'u pe arɨve. Pe pɨtañora ko'ave, ko tekwa pɨpe Jerusalén ve, akoi peipɨsɨ rane itera pirätäsa ou va'e ɨva suindar.

San Lucas 8:35

A'ese ava yuvɨraso aipo mba'e oime va'e repia. Ipare oyepotase Jesús rekosave yuvɨreko, a'eve osepia yɨpɨpeve ogwapɨse mbɨa öi karugwar rerekosarer, oyemonde tuprɨ, yarakwa tuprɨ avei oiko; ipare oyembosɨkɨye tëi yuvɨreko.

San Juan 14:27

Aseyara teko tuprɨsa peü. Ko amondo va'e che reko tuprɨsa che yesuindar ite, namondoi chira rumo peü inungar omondo va'e ko ɨvɨ pɨpendar yuvɨreko yepi. Anichira rumo peiko vɨ'are'ɨ̇sa pɨpe ndape sɨkɨyei chietera no.

Los Hechos 1:8

peipɨsɨra rumo Tüpä pirätäsa oikese Espíritu Maräne'ɨ̇ pe pɨ'a pɨpe, a'ese pemombe'u tuprɨra che rekokwer Jerusalén pendar upe, Judea pendar, Samaria pendar opakatu ko ɨvɨ pɨpendar upe aveino.

Los Hechos 10:38

Peikwa Tüpä omondose pirätäsa iyavei Espíritu Maräne'ɨ̇ Jesús Nazaret pendar upe, ipare Jesús ogwata opakatu rupi mba'e tuprɨ apo oiko, ombogwera avei opakatu ava iparaɨsu va'e karugwar povrɨve yuvɨrekoi va'e, esepia Tüpä sekoi ete sese,

Los Hechos 20:24

Ndacherekate'ɨ̇i rumo cheyese, che mano agwä, che amboavɨye rane itera yande Yar Jesús porokwaita ñe'ësa avɨye va'e mombe'u Tüpä poroaɨsusa resendar vichiko.”

Los Hechos 21:13

Pablo rumo omboyevɨ aipo e'i: –¿Ma'erä vo peyase'o, ipɨpe sui ndache mbovɨ'ai peye? Che rumo ayemoigätu voi che apɨ̇chi uka agwä, che mano agwä rese avei Jerusalén ve yande Yar Jesús rekokwer rese.

Los Hechos 26:11

Seta rupi amombaraɨsu uka ava ndovɨroya iri va'erä Jesús yuvɨreko. Iyavei opakatu oɨ judío ñemonu'äsa yakatu rupi ko nungar ayapo vichiko egwë a'e yambotare'ɨ̇save, ipɨpe sui aso opakatu ambuae tekwa rupi yuvɨreko seka.”

Los Hechos 26:25

Pablo omboyevɨ chupe: –Imboyeroyaprɨ Festo; marä a'e vo ndache arakwai amombe'u rumo ndeu mba'e supiete va'e, nda'ei che arakwa e'ɨ̇save.

Los Hechos 6:8

Esteban, vɨreko ite Tüpä pirätäsa iyavei iporovasasa oyese, oyapo avei mba'e poromondɨisa yavai va'e opakatu tekwa rupi.

Los Hechos 9:22

Saulo rumo omombe'u tuprɨ katu Jesús rekokwer, osekopɨ opakatu omu Damasco pendar, omboyekwa katu oiko Jesús sekoise Poropɨsɨrösar.

Romanos 5:5

Iyavei a'e yande remiarö ndayambo'a chira mba'e tëi pɨpe sereko, esepia Tüpä ombou ite oporoaɨsusa yandeu Espíritu Maräne'ɨ̇ yandeu ombou va'e pɨpe.

Romanos 8:15

Supiete pe ndapeipɨsɨi Espíritu mba'e-mba'e tëi resendar pereraso iri va'erä sɨkɨyesa pɨpe, Espíritu pemoingo Tüpä ra'ɨrɨ nungar ete. Sese Espíritu yande reraso Tüpä upe, aipo e'i: “¡Abbá! ¡Che Ru!”

1 Corintios 2:4

iyavei akoi añe'ëse ñe'ësa pɨsɨrösa rese peü, ndaiporui ete rumo ñe'ësa ɨvateai va'e pe pɨ'a ñemoñetasa rerova agwä. Che rumo, Tüpä Espíritu pirätäsa pɨpe añe'ë peü,

Gálatas 5:22

Yayapose rumo Espíritu remimbotar, yande evokoiyase yayeaɨsura, yande rorɨvetera, yaikora mba'e tuprɨ pɨpe, yande reko mbegwera, yaporoaɨsura yande reko avɨyesa pɨpe, yamboyekwara yande kwaita mboavɨyesa,

Colosenses 1:8

A'e omombe'u oreu Espíritu pɨpe pe ore raɨsusa resendar.

Hebreos 2:15

Opakatu ava manosa sui osɨkɨyesa pɨpe mbigwai tëi nungar yuvɨrekoi va'e gwekove vɨteseve, evokoi nungar sui senose agwä, egwë e'i Jesús.

1 San Pedro 1:22

Kurïtëi Tüpä ñe'ëngagwer supi tuprɨ va'e mboyeroyasa pɨpe imoatɨrösa pe rekokwer pesaɨsu va'erä ambuae Jesús reroyasareta. Evokoiyase egwë peyera peyeaɨsu opakatu pe pɨ'añemoñeta tuprɨsa pɨpe, iyavei opakatu pe pirätäsa pɨpe.

1 San Juan 4:18

Akoi yarekose poroaɨsusa ndipoi sɨkɨyesa yandeu. Poraɨsusa supi tuprɨ va'e oimese ndipoi chira sɨkɨyesa yandeu, egwë ya'ese opara sɨkɨyesa yandesui. Esepia kañɨsa sui oime sɨkɨyesa yandeu, sese akoi ava osɨkɨyeai va'e, ndoporoaɨsu tuprɨi ete.