2 Timoteo 1:4 - Tüpä Ñe'ëngagwer

⁴ Ndacheresarai ete akoi nde yase'o agwer sui, iyavei oroepia pota tëi che yembovɨ'arete agwä.

Tũpa Ñehengagüer

⁴ Ndacheresarai eté acoi nde yaseho agüer sui. Iyavei oroepia pota tẽi che yembovɨharete ãgua.

2 Timoteo 1:4 Iomraidhean Croise

San Juan 16:22

Egwë peye aveira kurïtëi ndape yembovɨ'ai chira; che rumo ayevɨ irira perepia, iyavei a'ese pe pɨ'a rorɨvetera, a'e torɨvetesa ndipoi chietera vɨrokwa va'e yuvɨreko pesui.

San Juan 16:24

Kurïtëi rumo, ndapeporandu vɨtei ete mba'e rese che rer pɨpe; peporandu katu a'ese peipɨsɨra, ipɨpe sui peikora torɨvetesa avɨye va'e pɨpe.”

Los Hechos 20:19

Arɨ yakatu rupi aporavɨkɨ yande Yar upe pe pa'üve vichiko che rekoasɨ e'ɨ̇save che yase'osa pɨpe, yepe judío che mbogwai eteprɨ che rekoa'äsave pe rekwave yuvɨreko viña.

Los Hechos 20:31

Pema'emo'ä tuprɨ peyese: pema'endu'a akoi opomboarakwa tuprɨse mbosapɨ aravɨter rupi, arɨ iyavei pɨ̇tü opombo'e che yase'osa pɨpe pe rereko.”

Romanos 1:11

Esepia che aso pota ite Espíritu suindar mba'ekwasa mondo peü pe pɨtɨ̇vɨï agwä toyemovɨräkwä tuprɨ katu yuvɨreko che yapave;

Filipenses 1:8

Tüpä oikwa ite che opoaɨsu eteprɨse opakatu pe rereko, esepia Cristo Jesús ni'ä pe raɨsu uka cheu.

Filipenses 2:26

A'e pe repia pota ite opakatu, iyavei ndasesarai ete pesui esepia peikwapa ite imba'easɨse oiko.

1 Tesalonicenses 2:17

Che rɨvrɨ eta, akoi oroyepepɨse pe sui movɨrö arɨ rupi, yepe ndaperepiasa iri ete viña, ore rumo ore pɨ'a ñemoñetaño ite pe rese iyavei oroso va'erä pe repia.

2 Timoteo 4:21

Ndepoyava katu eyu iro'ɨ yu renondeve. Ima'endu'a yuvɨreko nde rese Eubulo, Pudente, Lino, Claudia iyavei opakatu yande Yar vɨroya va'e yuvɨreko.

2 Timoteo 4:9

Ndepoyava katu eyu che repia agwä;

1 San Juan 1:4

Evokoiyase kurïtëi oroikwachia evokoi mba'e peü yande yembovɨ'arete katu agwä.

Apocalipsis 21:4

A'e ni'ä omombɨtu'ura opakatu ava resaɨ, iyavei ndipo iri chietera manosa; yase'osa, vɨ'are'ɨ̇sa, tekoasɨsa avei; esepia ni'ä opakatu mba'e oime va'ekwer yɨpɨndar, ndipo iri chietera kurïtëi.”

Apocalipsis 7:17

esepia Ovesami a'e Cristo sekoi va'e Tüpä renda porañete va'e rovai, a'e osäröra ava re'ɨi sereko inungar ovesa rärösar ipare vɨrasora tekovesa resendar ɨ ndopai va'esave imboɨ'u agwä, Tüpä evokoiyase omombɨtu'upara iyase'osa sui.”