2 Timoteo 1:3 - Tüpä Ñe'ëngagwer

³ Che yerure pa'üve chema'endu'a nde rese pɨ̇tü iyavei arɨ yakatu rupi, avɨye ndeu a'e Tüpä upe nde rekokwer rese, che aporavɨkɨ tuprɨ ite Tüpä rese che pɨ'añemoñeta tuprɨsa pɨpe yepi, inungar che ramoi eta oyapo yuvɨreko araka'e.

Tũpa Ñehengagüer

³ Che yeroquɨ pãhuve, chemahenduha nde rese pɨ̃tu, arɨ yacatu rupi. “Avɨye ndeu” ahe Tũpa upe nde recocuer rese. Che aporavɨquɨ tuprɨ ité Tũpa rese che pɨhañemoñeta tuprɨsa pɨpe yepi inungar che ramoi eta oyapo yuvɨreco aracahe.

2 Timoteo 1:3 Iomraidhean Croise

San Lucas 2:37

kurïtëi sekoi omer mano pare ochenta y cuatro aravɨter. Nosëi ete tüpäro pɨpe sui oiko, egwë e'i yande Yar mboetei pɨ̇tü arɨ rupi, oyekwakusa pɨpe oyeruresa pɨpe aveino.

Los Hechos 22:3

“Che judío aiko. A'a Tarso ve Cilicia ɨvɨ pɨpe, ko'ave rumo akwakwa Jerusalén pɨpe iyavei Gamaliel che mbo'e oyerokɨsave, a'eve ayembo'e tuprɨ yande ramoi porokwaita rese. A'e che mbo'esa pɨpe avei ayembo'e Tüpä mboetei agwä rese vichiko, inungar peiko kurïtëi.

Los Hechos 23:1

A'eve Pablo oma'egätu ava Oñemonu'ä va'e rese o'ä aipo e'i ava upe: –Che mu, che rembiapo mba'e tuprɨ Tüpä rovake areko yepi che pɨ'añemoñeta tuprɨsa pɨpe.

Los Hechos 24:14

Ko rumo amombe'u va'e ndeu che amboetei Tüpä, ore ramoi rembieroya Tekokwer Pɨasu pɨ'añemoñetasa rupi, ko porombo'esa kokotɨ tëi va'e e'i yuvɨreko chupe, esepia che aroya ite opakatu ikwachiaprɨ porokwaita pɨpendar iyavei Tüpä ñe'ë mombe'usar rembikwachiagwer.

Los Hechos 24:16

Sese che pɨ'añemoñetasa areko mba'e tuprɨ pɨpe yepi Tüpä rovai ava rovake avei.

Los Hechos 26:4

“Opakatu judío oikwa ite che rekokwer marä a'e aiko ipa'üve yuvɨreko, che rekwave iyavei Jerusalén ve, che chi'ïvä'e suive ite.

Los Hechos 27:23

Ayi'i pɨsa oyemopore'ɨ̇ cheu ñepëi mbigwai ɨva pendar, Tüpä remimbou supi che aiko chupe avei aporavɨkɨ,

Romanos 9:1

Che Cristo reroyasar che reko pɨpe supiete añe'ë, ndopombopai ete. Iyavei Espíritu Maräne'ɨ̇ oikwa ite, che pɨ'añemoñetasa arekose supiete va'e:

2 Corintios 1:12

Oime mba'e ore mbovɨ'arete va'e, ore pɨ'a pɨpe oroikwa tuprɨ Tüpä suindar ore reko katuprɨsa pɨpe, ore pɨ'añemoñeta tuprɨsa pɨpe avei ko ɨvɨ pɨpendar ava rembiepiave, pe rembiepiave avei ete. Tüpä porovasasa pɨpe ni'ä egwë oro'e, nda'ei ava ko ɨvɨ pɨpendar mba'ekwasa pɨpe tëi.

Gálatas 1:14

Egwë a'e che ayemboɨvateai katu che mboetasa eta sui judío yembo'esa pɨpe, ayapo ite opakatu che rekokwer pɨpe yɨpɨndar che ramoi eta yembo'e agwer rupi ete vichiko.

Efesios 1:16

ndache resarai ete pe sui, ayerurese avɨye ndeu a'e Tüpä upe perekokwer rese yepi.

1 Tesalonicenses 3:10

Pɨ̇tü arɨ rupi avei oroporandu Tüpä upe oreso agwä pe repia eipeve, iyavei Tüpä reroyasa ipane vɨte va'e mboavɨye tuprɨ agwä peü.

1 Timoteo 1:5

Sese ko amondo porokwaita ndeu yande yeaɨsu agwä yande pɨ'añemoñeta katuprɨsa pɨpe, yande reko yapɨsaka tuprɨsave, iyavei yande yeroyasa supiete va'e pɨpe.

1 Timoteo 5:5

Iyavei kuña imer mano va'ekwer, a'e ae sekoi va'e, oyeroya ite Tüpä rese, iyavei oyerureño ite arɨ, pɨ̇tü yakatu yepi.

2 Timoteo 1:5

Supiete chema'endu'año nde Tüpä reroyasa supiete erereko va'e rese. Iyavei nde yari Loida, nde sɨ Eunice, a'e ni'ä yɨpɨndar egwë e'i yuvɨreko. Evokoiyase ayeroyaño nde rese, nde avei egwë erese.

2 Timoteo 3:15

Iyavei eyemoma'endu'a ko rese, nde chi'ïvä'e suive ite ni'ä ereikwa Tüpä ñe'ë Ikwachiaprɨ eiko, a'e ni'ä nde momba'ekwa va'e nde pɨsɨrö agwä Cristo Jesús reroyasa pɨpe.

Hebreos 13:8

Jesucristo rekokwer noñekuñaröi va'e ite, yɨpɨsuive sekoi apɨre'ɨ̇ va'e.