2 Timoteo 1:10 - Tüpä Ñe'ëngagwer

¹⁰ Kurïtëi rumo a'e omboyekwa oporoaɨsusa yande Pɨsɨrösar Cristo Jesús ouse, akoi ou va'e ko ɨvɨ pɨpe manosa pirätäsa rekopɨ agwä, iyavei ñe'ësa pɨsɨrösa pɨpe avei oikwa uka tekovesa ndopai va'e.

Tũpa Ñehengagüer

¹⁰ Cũritei rumo ahe omboyecua oporoaɨsusa yande Pɨ̃sɨrosar Jesucristo ouse, acoi ou vahe co ɨvɨ pɨpe manosa pĩratasa recopɨ ãgua. Iyavei ñehesa pɨ̃sɨrosa pɨpe avei oicua uca tecovesa ndopai vahe.

2 Timoteo 1:10 Iomraidhean Croise

San Lucas 11:36

Egwë e'i ni'ä opakatu nde retekwer vɨreko gwesapesa, ndipoi ete pɨ̇tümimbi va'e sese, evokoiyase eresepiara, inungar tataendɨ nde resape va'e gwendɨgwer pɨpe.”

San Lucas 13:7

A'ese aipo e'i mbɨa oko rärösar upe: ‘Esepia che ayu pɨ'i tëi higuera a reka mbosapɨ aravɨter rupi, ndasepiai ete rumo ñepëi i'a sese yepi. Eyasɨapa voi ete; ¿ma'erä evokoiyase oiporu tuprɨ tëira ɨvɨ ö'a?’

San Lucas 2:11

Ko pɨpe o'a David rekwa Belén ve Poropɨsɨrösar peü narä, a'e ni'ä Tüpä Rembiporavo, pe Yargwä sekoi.

San Juan 1:9

Ko tesapesa supiete va'e osesape opakatu ava a'e ni'ä ou ko ɨvɨ pɨpe.

San Juan 14:6

Jesús omboyevɨ chupe: –Che ni'ä aiko perɨ supiete va'e iyavei tekovesa. Che rupi gweraño ite peyepotara che Ru upe.

San Juan 20:31

Ko ikwachiasa peroya va'erä Jesús sekoise Poropɨsɨrösar, Tüpä Ra'ɨrɨ iyavei seroyar vɨrekora tekovesa apɨre'ɨ̇ yuvɨreko sese.

San Juan 4:42

Ichui aipo e'i kuña upe yuvɨreko: –Kurïtëi orovɨroya ite, nda'ei nde ñe'ë sui gweraño, esepia ore ite orosendu iñe'ë, oroikwa avei a'e supiete Poropɨsɨrösar sekoi ɨvɨ pendar.

San Juan 5:40

pe rumo ndapeyu potai ete cheu ko tekovesa apɨre'ɨ̇ rereko agwä.”

Los Hechos 13:23

David suindar ni'ä Jesús, a'e akoi Tüpä ombou Israel ɨgwar pɨsɨrö agwä, omboavɨye ite oñe'ë agwer araka'endar.

Los Hechos 5:31

Ipare oseko mboɨvate ɨvave oakato kotɨ imbogwapɨ imoi, a'e ni'ä Mborerekwar iyavei Poropɨsɨrösar, tomboasɨ oangaipa, toyevɨ cheu, toipɨsɨ angaipa resendar ñeröisa yuvɨreko oya Tüpä Israel suindar upe.

Romanos 16:26

kurïtëi rumo oyekwa uka oñe'ë mombe'usar rembikwachia pɨpe Tüpä apɨre'ɨ̇ va'e porokwaita rupi. A'e Tüpä ñe'ësa ndikwasai va'e omboyekwa uka opakatu ava upe, opakatu vɨroya va'erä yuvɨreko.

Romanos 2:7

Omboura tekovesa apɨre'ɨ̇ va'e yandeu, yasekase teko orɨ Tüpä suindar poromboeteisa, iyavei mba'e apɨre'ɨ̇ va'e yande mba'e tuprɨ aposa pɨpe;

Romanos 3:31

Evokoiyase, ¿Jesús reroyasa pɨpe pi'ä yaseko reroyɨ porokwaita yaiko? ¡Ani nda'ei ete supi! Ipɨpe yamboyekwa ite porokwaita rekokwer sereko.

Romanos 6:6

Yaikwa avei ni'ä yɨpɨndar yande rekokwerai yatɨkaprɨ nungar kurusu rese Cristo rupive, yande rekokwerai mokañɨpa agwä egwë ya'e yaiko, ipɨpe sui ndayaiko iri chira angaipa povrɨve tëi.

1 Corintios 15:26

a'ese avei manosa ipa va'e ndikwa iri chietera.

1 Corintios 4:5

Sese ani, peñemoñeta ava rese tenondeve tëi; pesärö ranera rumo yande Yar yevɨ agwä, a'e ni'ä omboyekwara opakatu mba'e ndoyekwai va'e, iyavei omboyekwapara ñepëi-pëi yande pɨ'a ñemoñetasa. A'ese Tüpä omondora vɨ'aretesa ñepëi-pëi upe narä.

2 Corintios 5:4

Egwë e'i ete yande retekwer pɨpe vɨte yaikose, yande poäse yande vɨ'are'ɨ̇sa pɨpe, esepia ndayaipotai yande ä nani tuprɨ va'e nungar seko agwä, yande rumo yaipota yande retekwer ipɨasu va'e ndopai va'e, evokoiyase tokañɨpa ko mba'e okañɨ tëi va'erä yande resendar tekovesa pɨasu, ndopai va'e rereko agwä.

Gálatas 5:4

Iyavei perekokwer pereko pota tëi teko katuprɨsa porokwaita reroyasa pɨpe, peyepepɨ ite Cristo sui; evokoiyase Tüpä porovasasa avei pemokañɨ tëi peyesui.

Efesios 1:18

Egwë a'e aporandu Tüpä upe pe pɨ'a resape agwä rese, ipɨpe peikwa katura ko pesärö va'e ɨvave pereike agwä, peikwa aveira ko mba'e imondopɨrä ɨva pendar iporañete va'e Tüpä upendar yuvɨrekoi va'e upe,

Efesios 1:9

iyavei oikwa uka gwemimbotar yɨpɨsuive ndikwasai va'e yandeu. Ko gwembiaporä mboavɨye agwä Cristo rese,

2 Tesalonicenses 2:8

A'ese oyemboyekwara akoi ava ndipɨ'ai va'e, yande Yar Jesús rumo oyukara oñe'ë pɨpe, omokañɨ itera gwendɨgwer pirätäsa pɨpe oyevɨse kuri.

2 Timoteo 1:1

Che Pablo Cristo Jesús ñe'ë mombe'usar imbouprɨ Tüpä remimbotar rupi aiko, Cristo Jesús rekokwer rupi che reko agwä,

2 Timoteo 1:8

Evokoiyase eresɨkɨye eme katu yande Yar rekokwer mombe'u; nderechï chiaveira che rokendasa sui tëi. Esepia yande Yar rekokwer mombe'usa sui tëi ni'ä che rokenda yuvɨreko. Iyakatu rumo nde avei ereñemosañora ko mba'e-mba'e tëi Tüpä pirätäsa pɨpe. A'e oura ndeu ñe'ësa pɨsɨrösa resendar mombe'usa sui.

2 Timoteo 4:1

Iyavei ko rese che orokwai pota Tüpä rovake Cristo Jesús rovake avei akoi ou va'erä Omborerekwasa reseve oikove va'e, omano va'e rekokwer rese porandu agwä

2 Timoteo 4:8

Kurïtëi che rärö ɨvave ko porerekosa che poravɨkɨ avɨye va'e resendar, yande Yar Mborerekwar seko ɨ̇vi va'e ni'ä omboura cheu a'e arɨ pɨpe, nda'ei chira cheu gweraño. Ombou aveira opakatu Cristo raɨsusa pɨpe iyevɨsa osärö va'e upe yuvɨreko.

Tito 2:11

Tüpä omboyekwa poroaɨsusa yandeu, a'e gweru pɨsɨrösa opakatu ava upe.

Tito 2:13

yasärö yande vɨ'aretesa pɨpe imombe'uprɨ sekoi va'e: oyevɨse kuri vɨ'aretesa yande Yar Tüpä iyavei Pɨsɨrösar Jesucristo.

Tito 3:4

Ipare rumo Tüpä yande Pɨsɨrösar omboyekwa gweko tuprɨsa oporoaɨsusa opakatu ava upe,

Hebreos 10:32

Peyemoma'endu'a akoi yɨpɨndar mba'e araka'endar rese, akoi peipɨsɨse tesapesa avɨye va'e, peyemovɨräkwäño avei pe rekoa'äsa upe pe yemombaraɨsusa pɨpe.

2 San Pedro 1:1

Che, Simón Pedro, Jesucristo ñe'ë mombe'usar iyavei sembigwai aiko, ko aikwachia che ñe'ë peü narä, peipɨsɨ va'e yande Yar rese pe yeroyasa avɨye va'e inungar ore, esepia yande Yar Tüpä, yande Pɨsɨrösar Jesucristo seko ɨ̇vi va'e yuvɨrekoi.

2 San Pedro 1:11

Evokoi nungar pɨpe sui ɨva rokenda imboisara pereike agwä mborerekwasa ndopai va'esave, yande Yar yande Pɨsɨrösar Jesucristo mborerekwasave.

2 San Pedro 1:3

Tüpä ombou gweko pirätä pɨpe opakatu mba'e ipane va'e yande rekove agwä, sese yande pɨ'añemoñeta katu agwä avei yande sekokwer kwa tuprɨ pɨpe. A'e yande poravo gweko porañetesa pɨpe, gwembiapo porañete va'e pɨpe avei.

2 San Pedro 2:20

Esepia, akoi oikwa va'e yande Yar, yande pɨsɨrösar Jesucristo yuvɨreko, ipɨpe oyepepɨ ko ɨvɨ pɨpendar mba'e-mba'e tëi sui, oyeitɨ uka irise rumo ko nungar mba'e tëi pɨpe, ichui ndoikatu iri yuvɨnosë. Ipare mba'e tëi katu yɨpɨndar sekokwer sui yuvɨreko chupe.

2 San Pedro 3:18

Peikwa tuprɨ katura rumo yande Yar Poropɨsɨrösar Jesucristo iyavei peikoveño itera iporovasasa pɨpe. ¡Egwë te'i imboeteiprɨ tasekoi kurïtëi apɨre'ɨ̇ va'erä! Amén.

2 San Pedro 3:2

Peyemoma'endu'a araka'endar Tüpä ñe'ë mombe'usar seko katuprɨ va'e ñe'ëngagwer rese; yande Yar Poropɨsɨrösar porokwaita rese avei, akoi Jesús ñe'ë mombe'usar pe mbo'e va'ekwer rese yuvɨreko.

1 San Juan 1:2

Ko tekovesa oyemboyekwa va'e, orosepia iyavei a'e sekokwer oromombe'u, a'e tekovesa apɨre'ɨ̇ oromombe'u va'e peü, a'e Vu rese sekoi oyemboyekwa va'e oreu.

1 San Juan 4:14

Orosepia oromombe'u avei, yande Ru ombou Gwa'ɨrɨ ava ɨvɨ pɨpendar pɨsɨrö agwä.

Apocalipsis 18:1

Ipare asepia ambuae mbigwai ɨva pendar ogweyɨse ɨva sui ou; a'e vɨreko omborerekwasa ɨvate katu va'e, sendɨgwer evokoiyase osesapepa tuprɨ ɨvɨ rupi.

Apocalipsis 2:7

¡Akoi osendu pota va'e, toyapɨsakaño Espíritu omombe'u va'e rese opakatu che reroyasar upe! Akoi oyemovɨräkwä va'e mba'e-mba'e tëi apoe'ɨ̇ agwä, ito'u amondora ɨvɨra a tekovesa resendar oime va'e teko orɨsave che Ru Tüpä pɨri.’ ”

Apocalipsis 20:14

Ipare manosa rekwa opa imondosa tata nungar ɨpa pɨpe. Evokoi ɨpa ni'ä imoñuvɨrïosa manosa,

Apocalipsis 22:14

“Sorɨvete katura akoi ava omoatɨrö va'e gwekokwer, esepia oipɨsɨra ɨvɨra a tekovesa apɨre'ɨ̇ va'e resendar, ipɨpe sui oikera tekwa gwasu pɨpe.

Apocalipsis 22:17

Espíritu Maräne'ɨ̇ iyavei Ovesami a'e Cristo sekoi va'e rembireko aipo e'i: “¡Perio!” Iyavei akoi osendu va'e ko ñe'ësa, aipo e'ira: “¡Perio!” Iyavei akoi ava i'usei va'e, toyugweruño; akoi ava oipota va'e toipɨsɨ ɨ tekovesa resendar ndasepɨi va'e yuvɨreko.