2 Tesalonicenses 3:4 - Tüpä Ñe'ëngagwer

⁴ Iyavei oroyeroya ite yande Yar rese mba'e pe rembiapo agwer rese peyapo vɨteño va'erä avei akoi pe kwaisa agwer rese.

Tũpa Ñehengagüer

⁴ Ore oroyeroya yande Yar rovai peyapo vahe rese iyavei peyapo vɨteño vaherã rese acoi ore pe cuai agüer.

2 Tesalonicenses 3:4 Iomraidhean Croise

San Mateo 28:20

iyavei pembo'era seko tuprɨ agwä opakatu amombe'u va'e rese peü. Che aikora perese arɨ yakatu rupi, opɨtu'use voi ete tekokwer ɨvɨ pɨpendar kuri.

Romanos 15:14

Che rɨvrɨ eta, ayeroya ite pe reko avɨyesa rese, esepia opakatu mba'e peikwapa tuprɨ ite, peikatu avei pe ñepëi-pëi peyeupe pe yemboarakwa agwä;

Romanos 15:18

esepia cheu ndiyai añe'ë va'erä ambuae mba'e rese, ko mba'e Cristo oyapo uka va'e cheu ava nda'ei va'e judío rekokwer rese, seseño ite iyakatu cheu añe'ë va'erä, esepia amongere'ɨ̇ Tüpä reroya agwä yuvɨreko che ñe'ë rese, che rembiapo sui avei,

Romanos 2:7

Omboura tekovesa apɨre'ɨ̇ va'e yandeu, yasekase teko orɨ Tüpä suindar poromboeteisa, iyavei mba'e apɨre'ɨ̇ va'e yande mba'e tuprɨ aposa pɨpe;

1 Corintios 14:37

Akoi pe pa'ü pendar che Tüpä ñe'ëngagwer mombe'usar aiko e'iño tëi va'e, anise aikwa Espíritu suindar mba'e e'i va'e, iya rumo oikwa tuprɨ ko aikwachia va'e imondo peü, a'e yande Yar porokwaita resendar.

1 Corintios 7:19

Esepia a'e oipota yande reko tuprɨ, nda'ei chira yande yembocircuncida pɨpe gweraño, Tüpä rumo oipota yamboyeroya va'erä iporokwaita.

2 Corintios 2:3

Sese che aikwachia ñe'ësa ipirätä va'e peü, esepia ndaipotai eipeve che sose, che mbovɨ'a e'ɨ̇ agwä peye, pe rumo iya che mbovɨ'a katura peye viña. Che ayeroya ite opakatu pe rese avɨ'aretese, pe avei evokoiyase opakatu pevɨ'aretera che rese,

2 Corintios 2:9

Esepia yɨpɨndar aikwachia che ñe'ë peü ko rese, perekoa'ä agwä iyavei oyapo itera pi'ä che remimombe'u yuvɨreko a'e peü.

2 Corintios 8:22

Supi avei oromondo ambuae yande rɨvrɨ, a'e omboyekwa oreu okere'ɨ̇sa opakatu mba'e gwembiapo pɨpe a'e kurïtëi ikere'ɨ̇ katu ite, esepia oyeroya ni'ä pe rese.

Gálatas 5:10

che rumo ayeroya yande Yar rese pe pɨ'añemoñeta agwä che pɨ'a ñemoñetasa rupi; Tüpä omboura oñemoɨrösa ava pe mbopɨ'añemoñeta yoavɨratɨ uka va'e upe.

Filipenses 1:6

Che aikwa ko Tüpä omboɨpɨ mba'e avɨye va'e gwemimbotar apo pe rese, a'e omboavɨye tuprɨ itera akoi arɨ pɨpe oyevɨse yande Yar Jesucristo.

Filipenses 2:12

Sese, che rɨvrɨ eta che rembiaɨsu, inungar pe che mboreroyaño ite peye yepi, nda'ei rumo aiko vɨteseño pe pa'üve, kurïtëi iya che mboyeroya katu peye amombrɨ aikose pesui. Peyapo mba'e avɨye va'e peiko va'erä pɨsɨrösa pɨpe, Tüpä mboeteisave ichui pe sɨkɨyesa pɨpe avei;

1 Tesalonicenses 4:10

Egwë peye ni'ä opakatu yande rɨvrɨ eta ko Macedonia rupindar raɨsu peiko. Ko katu peyapo che rɨvrɨ eta, pe mbouvicha katu pe poroaɨsusa sereko.

2 Tesalonicenses 3:12

Ore oromondo akoi ava upe mborokwaita yande Yar Jesucristo rer pɨpe, oporavɨkɨ tuprɨ agwä iyavei oipɨsɨ va'erä mba'e gwekove agwä yuvɨreko.

2 Tesalonicenses 3:6

Che rɨvrɨ eta, pekwaisa yande Yar Jesucristo rer pɨpe, akoi ndoporavɨkɨ potai va'e yande rɨvrɨ pe pa'üve peyepepɨño ichui, akoi ndovɨroya potai va'e avei ore porombo'esa oromombe'u va'e peü.

Filemón 1:21

Che aikwachia ndeu esepia ereyapo tuprɨra, iyavei aikwa tuprɨra mba'e aporandu va'e rese ndeu.