2 Tesalonicenses 3:2 - Tüpä Ñe'ëngagwer

² Peyerure avei ore repɨ agwä rese ava ndasekoporäi va'e, ipɨ'a ñemoñeta rai va'e sui, esepia ni'ä ndaopakatui Tüpä rese ipɨ'añemoñeta yuvɨreko.

Tũpa Ñehengagüer

² Peyerure avei ore repɨ ãgua rese ava ndaseco põrai vahe, ipɨhañemoñeta rai vahe sui. Esepia niha, ndaopacatui Tũpa rese ipɨhañemoñeta yuvɨreco.

2 Tesalonicenses 3:2 Iomraidhean Croise

San Mateo 17:17

Jesús omboyevɨ chupe: –¡Too, ndapeyeroya tuprɨ vɨtei ete vo Tüpä rese! ¿Mbovɨ rupi rutei vo aiko vɨtera pe pa'üve? ¿Mbovɨ yupagwer rupi vo amombe'u irira mba'e vichiko peü? Peru evokoi chi'ïvä'e cheu.

San Mateo 23:23

“¡Peparaɨsu katu itera, pe Moisés porokwaita rese oporombo'e va'e iyavei pe fariseo peiko va'e, pe inungar ava oñe'ë ñotëi va'e tekokwer rese yepi!, yepe pemondo ñepëi-pëi imboopayandepo yovaivesa pe remitɨ̇ menta, anís, comino pereko va'e sui ñepëi Tüpä uve narä viña, pe rumo pepoi ko porombo'esa avɨye katu va'e porokwaita sui, peyapora mba'e i'ɨ̇vi va'e, peporoparaɨsuerekora iyavei pemboavɨye tuprɨra pe kwaita yepi. Ko nungar peyapora peiko, ndaperesarai chira ambuae mba'e peyapo agwä sui.

San Lucas 18:8

Aipo a'e peü oipɨtɨ̇vɨï voira mba'e avɨye va'e rese. Akoi ouse rumo ava ɨvate katu va'e Ra'ɨrɨ, ¿osepia vɨtera pi'ä che rese oyeroya va'e yuvɨreko ko ɨvɨ pɨpe?”

Los Hechos 13:45

Judío eta osepiase ava re'ɨi yuvɨreko, oñemoɨrö iteanga ichui omboɨpɨ oñe'ë marä-marä tëi Pablo upe yuvɨreko.

Los Hechos 13:50

Judío eta rumo oñe'ë yuvɨrekoi va'e kuña seko katuprɨ va'e rese mbɨa seko ɨvate katu va'e tekwa pɨpendar rese avei, ipare omboɨpɨ oñe'ë Pablo iyavei Bernabé mose agwä gwekwa sui yamotare'ɨ̇save yuvɨreko.

Los Hechos 14:2

Judío ndovɨroyai va'e rumo oipɨ'añemoñeta rerova yuvɨreko ava nda'ei va'e judío Jesús reroyasar amotare'ɨ̇ save.

Los Hechos 17:5

Ko Judío eta ndovɨroyai va'e oñemoɨrömbave sekate'ɨ̇ ava rese yuvɨreko, sese omonu'ä ava yuvɨreko tëi va'e okar rupi ndipɨ'ai va'e imonu'ä pare, a'e omboaɨvu gwasu uka tëi a'e ava upe opakatu gwekwa pɨpe yuvɨreko. Yuvɨraso Jasón rëtäve Pablo iyavei Silas reka vɨnose pota ava re'ɨi pa'üve yuvɨreko viña;

Los Hechos 25:27

Che pɨ'a pɨpe naporäi ete sokendasase ko mbɨa iyavei ndikwasai mba'e sembiapo.

Los Hechos 28:24

Oime vɨroya va'e Pablo ñe'ë, ambuae rumo ndovɨroyai ete yuvɨreko.

Romanos 10:16

Nda'ei rumo opakatu vɨroya ko ñe'ësa avɨye va'e yuvɨreko. Esepia Isaías aipo e'i araka'e: “Che Yar, ¿uma pi'ä vɨroya ore ñe'ë yuvɨreko?”

Romanos 15:31

Peporandu Tüpä upe tache repɨ ava Jesús reroyasare'ɨ̇ sui ɨvɨ Judea ve, iyavei Jerusalén pendar yande rɨvrɨ eta ko porerekosa pɨsɨ tuprɨ agwä avei,

1 Corintios 15:32

Supiete che avavase ma'embiar oñaröai va'e rese viña Éfeso ve, aikora revo evokoiyase ava nungar tëi viña, ¿mba'e pi'ä evokoiyase aipɨsɨra sepɨrä viña? Supiete ni'ä omano va'e ndokwerayevɨi chietera, ma'erä evokoiyase oime aipo e'i va'e yuvɨreko: “¡Yakaruño yaɨ'uño avei, esepia ayi'ive opara yamano!”

1 Tesalonicenses 2:18

Orosa'ä tëi oreso agwä pe repia; che Pablo teiete seta yupagwer tëi aso pota, Karugwar rumo ndoipotai.

2 Timoteo 4:17

Yande Yar Jesucristo rumo che pɨtɨ̇vɨï, che momirätä ko ñe'ësa pɨsɨrösa resendar mombe'u tuprɨ agwä opakatu ava nda'ei va'e judío upe. Egwë e'i avei che renose mba'e-mba'e tëi povɨvrɨ sui,