2 Tesalonicenses 2:1 - Tüpä Ñe'ëngagwer

¹ Iyavei che rɨvrɨ eta, ore oromombe'u potami peü opakatu akoi yande Yar Jesucristo yevɨsa resendar yande monu'ä va'erä oyese

Tũpa Ñehengagüer

¹ Iyavei, ore rɨvɨreta, ore oromombehu potami pẽu opacatu acoi yande Yar Jesucristo yevɨsa resendar yande monuha vaherã oyese.

2 Tesalonicenses 2:1 Iomraidhean Croise

San Mateo 16:27

Esepia che ava ɨvate katu va'e Ra'ɨrɨ ayura che Ru pirätäsa porañetesa pɨpe iyavei sembigwai ɨva pendar reseve kuri, evokoiyase aikwara ñepëi-pëi ava upe sembiapokwer rupi chupe.

San Mateo 16:28

Supiete yuvɨrekove va'e nomano vɨtei chietera, a'e che repia rane itera, ayevɨse che mborerekwasa pɨpe yuvɨreko kuri.

San Mateo 24:31

Iyavei amboura mbigwai eta ɨva pendar, a'e evokoiyase gwemimbɨ omoñe'ë pirätära opakatu che rembiporavo ko ɨvɨ rupindar amombrɨ rupi yuvɨrekoi va'e monu'ä agwä.”

San Mateo 25:32

Ava opakatu tekwa ɨvɨ rupindar imonu'äsara che rovai yuvɨreko, a'ese aipe'ara ava oyesui, inungar ovesa rärösar oipe'a va'e ovesa kavara sui.

San Marcos 13:27

Amboura che rembigwai eta ɨva pendar, ichui omonu'ära opakatu ɨvɨ rupindar che rembiporavo yuvɨreko, amombrɨ rupi yuvɨrekoi va'e, ɨva rese yuvɨrekoi va'e avei.”

Romanos 12:1

Sese che rɨvrɨ eta, che Tüpä poroparaɨsuerekosa pɨpe aipota pe yemondo ite pe rekoveseve chupe narä, inungar mba'e Tüpä upe seropove'ëprɨ ite, a'e avɨye itera chupe. A'e ni'ä pe kwaita pe pɨ'a pɨpe sui ete peyapo va'erä chupe.

Efesios 1:10

oyepotase a'e arɨ imboavɨye agwä. Tüpä opakatu mba'e ɨva pendar ko ɨvɨ pɨpendar avei, opara omoinge ñepëi reseve Gwa'ɨrɨ Cristo povrɨve.

1 Tesalonicenses 2:19

Evokoiyase ¿uma pi'ä orosäröra ore vɨ'asa pɨpe ore reko mboɨvate katu agwä akoi yande Yar Jesús oyevɨse kuri? Esepia nda'ei chira pe, nda'ei chira avei ambuae ava.

1 Tesalonicenses 3:13

Ipɨpe sui tape movɨräkwä pe reko maräne'ɨ̇ pɨpe pe mba'e avɨe'ɨ̇save yande Ru Tüpä rovai akoi oyevɨse yande Yar Jesús opakatu vɨroyasareta reseve. Amén.

1 Tesalonicenses 4:1

Che rɨvrɨ eta, kurïtëi oroñe'ë pota peü pe kwaitarä rese yande Yar Jesús rer pɨpe: inungar kurïtëi pe rekokwer pereko, egwë peyeño ite katu peiko ore pe mbo'e agwer rupi Tüpä mboetei agwä.

2 Tesalonicenses 1:3

Che rɨvrɨ eta, avɨye ndeu oro'e itera Tüpä upe pe rekokwer rese yepi, esepia Tüpä rese pe yeroyasa tuvicha-vicha iri avei, pe yeaɨsusa opakatu peyeupe pereko va'e.

2 Timoteo 4:1

Iyavei ko rese che orokwai pota Tüpä rovake Cristo Jesús rovake avei akoi ou va'erä Omborerekwasa reseve oikove va'e, omano va'e rekokwer rese porandu agwä