2 Tesalonicenses 1:8 - Tüpä Ñe'ëngagwer

⁸ A'e oura opakatu Tüpä reroyasare'ɨ̇ mombaraɨsu agwä iyavei yande Yar Jesús ñe'ësa poropɨsɨrösa resendar rendu tëisar mombaraɨsu avei.

Tũpa Ñehengagüer

⁸ Ahe oura opacatu Vu Tũpa reroyasarẽhɨ mombaraɨsu ãgua iyavei oyesuindar ñehesa poropɨ̃sɨrosa resendar rendu tẽisar mombaraɨsu avei.

2 Tesalonicenses 1:8 Iomraidhean Croise

San Mateo 25:41

“A'ese Mborerekwar ɨvate katu va'e cherekosa pɨpe aipo a'era che pokoe'ɨ̇sa kotɨndar upe: ‘Pesɨrɨ che sui, esepia peiko Tüpä ñemoɨrösavrɨ pendar tëi; pesopa tata gwasu apɨre'ɨ̇save, evokoi imoigätuprɨ opakatu karugwar upe sembigwai upe narä avei.

San Mateo 25:46

A'e ava yuvɨrasora Tüpä ñemoɨrösa apɨre'ɨ̇ va'esave, seko ɨ̇vi va'e rumo teko orɨ opae'ɨ̇save yuvɨrasora.”

San Juan 3:19

Ndovɨroyai va'e rumo, a'e okañɨ tëietera, esepia a'e oyapo mba'e naporäi va'e yuvɨreko, ouse rumo tesapesa supiete va'e ko ɨvɨ pɨpe, a'e ava oipota katu pɨ̇tümimbi va'esave gweko agwä yuvɨreko tesapesa sui.

San Juan 8:19

Oporandu yuvɨreko chupe: –¿Ke vo nde yesupa sekoi? Jesús omboyevɨ chupe: –Pe ndache kwai ete peye, ndapeikwai avei che Yesupa; chekwase rumo peye viña, che Yesupa avei peikwara viña.

Los Hechos 6:7

A'ese Tüpä ñe'ëngagwer oyemosai katu tekwa pɨpe, ichui oyemboeta katu iri avei Jesús reroyasar yuvɨreko Jerusalén ve. Seta avei judío pa'i vɨroya iñe'ëngagwer yuvɨreko.

Romanos 1:28

Esepia ndoikwa potai ete Tüpä yuvɨreko, a'e evokoiyase opoi ete ichui toyapoño ayase mba'e ndipotasai va'e gweko raisa pɨpe yuvɨreko oya chupe.

Romanos 1:5

Jesucristo rer pɨpe aiko kurïtëi iñe'ë mombe'usar, ipɨtɨ̇vɨï agwä avei, opakatu ɨvɨ rupindar vɨroya va'erä iyavei oyapo va'erä semimbotar yuvɨreko.

Romanos 10:16

Nda'ei rumo opakatu vɨroya ko ñe'ësa avɨye va'e yuvɨreko. Esepia Isaías aipo e'i araka'e: “Che Yar, ¿uma pi'ä vɨroya ore ñe'ë yuvɨreko?”

Romanos 15:18

esepia cheu ndiyai añe'ë va'erä ambuae mba'e rese, ko mba'e Cristo oyapo uka va'e cheu ava nda'ei va'e judío rekokwer rese, seseño ite iyakatu cheu añe'ë va'erä, esepia amongere'ɨ̇ Tüpä reroya agwä yuvɨreko che ñe'ë rese, che rembiapo sui avei,

Romanos 16:26

kurïtëi rumo oyekwa uka oñe'ë mombe'usar rembikwachia pɨpe Tüpä apɨre'ɨ̇ va'e porokwaita rupi. A'e Tüpä ñe'ësa ndikwasai va'e omboyekwa uka opakatu ava upe, opakatu vɨroya va'erä yuvɨreko.

Romanos 6:16

Pe ni'ä peikwa ite mbigwai mba'e yar povrɨ pendar perekose, evokoiyase peiko ite a'e mba'e yar rembigwai ete. Iyavei ko egwë e'i ete peroyase angaipa, a'e evokoiyase pereraso manosa pɨpe, inungar peroya va'e ite Tüpä porokwaita pereko agwä.

1 Corintios 15:34

Pe pɨ'añemoñeta tuprɨ iri katu, peyemboangaipa uka iri eme avei, esepia amove pe pa'ü pendar oime ndoikwai va'e ite Tüpä yuvɨreko. Che aipo a'e peü toyuvɨnochi che ñe'ë osenduse yuvɨreko viya.

2 Corintios 10:5

a'e ipɨpe ore opa orosekopɨ yepoepɨ-epɨsa iyavei opakatu semirä-mirä tëi va'e gweko ɨvate aisa pɨpe ndoikwa uka potai va'e Tüpä rekokwer ava upe. Iyavei opakatu ava pɨ'añemoñeta raisa orosekopɨ Cristo reroya tuprɨ agwä yuvɨreko,

Gálatas 3:1

¡Ndapemba'ekwai ete pe Galacia pendar! ¿Pe ndoyavɨi ipaye va'e remimbopa peiko? Oromombe'u tuprɨ ni'ä pe rovai ete akoi Jesucristo kurusu rese yatɨka agwer peü.

Gálatas 4:8

Yɨpɨndar mba'e ra'anga tüpä anga'u rembigwai tëi peiko Tüpä kwae'ɨ̇ pɨpe.

1 Tesalonicenses 4:5

peikoi rene ava Tüpä ndoikwai va'e reko pɨpe pe remimbotar tëi apo agwä.

Hebreos 10:27

ñemoɨrösa ipirätä va'e gweraño oimerä yandeu iyavei tata gwasu apɨre'ɨ̇ va'e opara omokañɨ Tüpä amotare'ɨ̇mbar yuvɨrekoi va'e.

Hebreos 10:30

Yaikwa ni'ä yande Yar aipo e'ise: “Che ite ni'ä opara mba'e amoigätu: che avei ambo'epɨpara.” Aipo e'i avei oñe'ë: “Yar oporandura mba'e sembiapokwer rese ava oyeupendar upe.”

Hebreos 11:8

Tüpä rese oyeroyasa pɨpe avei Abraham, oyeupe ñe'ëse omboyeroya ite oso ɨvɨ pɨsɨ agwä Tüpä remimbotar rupi. Osë oɨvɨ sui oso va'ëra ɨvɨ ndikwai va'esave,

Hebreos 12:29

Esepia ni'ä yande Tüpä a'e inungar tata ñepëi reseve mba'e omokañɨpa va'e.

Hebreos 2:3

¿Marä ya'era pi'ä evokoiyase yande yañemi Tüpä ñemoɨrösa sui viña akoi ndayandema'emo'ä tuprɨise ko yande pɨsɨrösa avɨye va'e rese? Esepia yande Yar a'e rane ite omombe'u yɨpɨndar ko ñe'ësa ñepɨsɨrösa resendar, ipare ramo oikwa yande pa'ü pendar sendusar yuvɨreko.

Hebreos 5:9

evokoiya gweko pɨpe omboavɨye gweko katuprɨsa, ipɨpe sui gweru poropɨsɨrösa ndopai va'e opakatu vɨroyasar upe narä.

1 San Pedro 1:2

supiete pe yande Ru Tüpä rembiporavo yɨpɨsuive ite peiko semimbotar rupi. Iyavei Espíritu Maräne'ɨ̇ pɨpe perovasa pe rereko oyeupe narä imoatɨröprɨ toyuvɨrekoi Jesucristo ruvɨ pɨpe oangaipagwer sui oyapave. Peipɨsɨ katu Tüpä porovasasa pe reko tuprɨ agwä.

1 San Pedro 3:6

Inungar Sara araka'e, omboyeroya ite omer Abraham, “che yar” e'i chupe. Pe ichuindar peiko peyapose mba'e avɨye va'e pe sɨkɨye e'ɨ̇sa pɨpe.

1 San Pedro 4:17

Supiete kurïtëi oyepota arɨ Tüpä oporandu agwä opakatu ava gwekwa pendar rekokwer rese. Iyavei yandeu rane omboɨpɨse porandusa, ¿marä e'ira pi'ä evokoiyase Tüpä ñe'ëngagwer reroyasare'ɨ̇ yuvɨreko kuri?

2 San Pedro 3:7

Kurïtëindar rumo ɨva, ɨvɨ imoigätuprɨ tata uve narä Tüpä porokwaita rupi. Evokoi tata pɨpe avei okañɨ tëira ava mba'e tëi aposar yuvɨrekoi va'e kuri.

San Judas 1:7

Iyavei ambuae mbigwai eta, iyavei Sodoma pendar Gomorra pendar iyavei a'e tekwa ɨvɨrindar oyemondo oyemboagwasa-gwasa tëi agwä yuvɨreko, iyavei oyeeraso uka mba'e-mba'e tëi pɨpe yuvɨreko. Ipɨpe sui oiporara tata gwasu apɨre'ɨ̇ va'e yuvɨreko a'e opɨta opakatu yande yembosɨkɨye agwä.

Apocalipsis 20:10

Karugwar evokoiyase, ava mbopa-mbopa tëisar, a'e opa imombosa ɨpa azufre okai va'e pɨpe, a'eve akoi opa imombosa mba'e ɨpɨ vai Tüpä ñe'ë mombe'usar anga'u tëi va'e aveino. A'eve iparaɨsura pɨ̇tü, arɨ yuvɨreko apɨre'ɨ̇ va'erä.

Apocalipsis 21:8

Akoi ava osɨkɨyeai va'e rumo che rekokwer sui, ndache reroyai va'e, ava ndiporoepia potai va'e, oporoyuka va'e, akoi ava oyemboagwasa tëi va'e, ipaye serai va'e, mba'e ra'anga mboeteisar tëi iyavei opakatu ava semirä-mirä tëi va'e, a'e opara yuvɨraso ɨpa nungar azufre okai pirätä va'e pɨpe, a'e ni'ä imoñuvɨrïo manosa.”

Apocalipsis 6:10

A'e aipo e'i oñe'ë pirätä yuvɨreko: “Ore Yar Tüpä seko maräne'ɨ̇, supi tuprɨ va'e, ¿mba'ese vo eremombaraɨsura ore yukasarer yuvɨrekoi va'e ɨvɨ pɨpendar ore repɨsave?”