2 Tesalonicenses 1:7 - Tüpä Ñe'ëngagwer

⁷ pe rumo imombaraɨsuprɨ peiko va'e, Tüpä omondora pe pɨtu'u agwä, inungar oreu ombou va'e. Ko egwë e'ira yande Yar Jesús oyevɨse tata rendɨgwer pa'üve ɨva sui opakatu gwembigwai seko pirätä katu va'e reseve kuri.

Tũpa Ñehengagüer

⁷ Pe rumo imombaraɨsuprɨ peico vahe, Tũpa omondora pe pɨtuhu ãgua, ore pɨtuhu ãgua avei, acoi yande Yar Jesús oyevɨse tata rendɨgüer pãhuve ɨva sui opacatu güembiguai seco pĩrata catu vahe reseve.

2 Tesalonicenses 1:7 Iomraidhean Croise

San Mateo 16:27

Esepia che ava ɨvate katu va'e Ra'ɨrɨ ayura che Ru pirätäsa porañetesa pɨpe iyavei sembigwai ɨva pendar reseve kuri, evokoiyase aikwara ñepëi-pëi ava upe sembiapokwer rupi chupe.

San Mateo 16:28

Supiete yuvɨrekove va'e nomano vɨtei chietera, a'e che repia rane itera, ayevɨse che mborerekwasa pɨpe yuvɨreko kuri.

San Mateo 25:31

“Che, ava ɨvate katu va'e Ra'ɨrɨ, ayevɨse opakatu che Ru rembigwai ɨva pendar reseve che reko ɨvategwer pɨpe, a'ese agwapɨra che renda porañete va'esave ava rekokwer rese porandu agwä.

San Mateo 25:41

“A'ese Mborerekwar ɨvate katu va'e cherekosa pɨpe aipo a'era che pokoe'ɨ̇sa kotɨndar upe: ‘Pesɨrɨ che sui, esepia peiko Tüpä ñemoɨrösavrɨ pendar tëi; pesopa tata gwasu apɨre'ɨ̇save, evokoi imoigätuprɨ opakatu karugwar upe sembigwai upe narä avei.

San Mateo 26:64

Jesús aipo e'i imboyevɨ chupe: –Nde ni'ä aipo ere cheu. Ko katu amombe'ura peü, che repiara ni'ä peye che, ava ɨvate katu va'e Ra'ɨrɨ, agwapɨse Tüpä mba'e mboavaisare'ɨ̇ akato kotɨ, ayevɨse avei ɨva kɨ'a rese kuri.

San Marcos 14:62

Jesús aipo e'i chupe: –Supi ete, che ni'ä a'e ite aiko. Iyavei pesepiara, ava ɨvate katu va'e Ra'ɨrɨ, ogwapɨse mba'e Mboavaisare'ɨ̇ akato kotɨ, ipare oura ɨva kɨ'a rese kuri.

San Marcos 8:38

Esepia akoi ava yuvɨnochiai va'e che sui iyavei che ñe'ëngagwer sui ava angaipa viyar ndaseko tuprɨi va'e rovai, che avei ava ɨvate katu va'e Ra'ɨrɨ, egwë a'era akoi ayevɨse che Ru reko pirätä porañetesa pɨpe, sembigwai re'ɨi ɨva pendar maräne'ɨ̇ reseve kuri.

San Lucas 16:25

Evokoiyase Abraham omboyevɨ chupe: ‘Che ra'ɨrɨ, nde ma'endu'a eipeve nde reko agwer rese nipaneise mba'e ndeu rekove pɨpe, Lázaro rumo iparaɨsumi tëi oiko. Kurïtëi rumo Lázaro ovɨ'arete ko'ave, nde evokoiyase nde paraɨsu eipeve eiko.

San Lucas 17:30

Egwë e'i aveira kuri ava ɨvate katu va'e Ra'ɨrɨ oyemboyekwase.

San Juan 1:3

Supi avei, Tüpä opakatu mba'e oyapo oime va'e; ndipoi ete mba'e yapoprɨ ipore'ɨ̇.

San Juan 1:51

Iyavei aipo e'i Jesús: –Supiete pesepiara ɨva oyemboi tuprɨse, iyavei mbigwai ɨva pendar Tüpä suindar eta igweyɨse che ava ɨvate katu va'e Ra'ɨrɨ arɨve iyevɨse avei ɨvave kuri.

Los Hechos 1:11

aipo e'i yuvɨreko chupe: –Galilea ɨgwar, ¿ma'erä vo pema'e vɨte ɨva rese pe'ä? Evokoi Jesús, inungar Tüpä vɨraso ɨvave pe sui, egwë e'i aveira ni'ä ogweyɨ ou ko ɨvɨ pɨpe kuri.

Los Hechos 3:19

Sese, peyevɨ pe Tüpä upe iyavei peñekuñarö, ipɨpe sui a'e omokañɨra pe angaipagwer pe sui

Romanos 8:17

Iyavei yande ta'ɨrɨ ite yaiko, egwë ya'e aveira Tüpä porerekosa pɨsɨ, a'e Cristo reseve yamboya'ora ipɨsɨ, esepia yaiko ite paraɨsusa pɨpe supive egwë ya'e aveira yaiko ipɨri seko porañetesave kuri.

1 Corintios 3:13

a'e iporavɨkɨ agwer rumo arɨ kañɨse ikwasa tuprɨra ñepëi-pëi yuvɨreko; esepia a'e arɨ pɨpe yande Yar oura tata reseve, ñepëi-pëi pe poravɨkɨ agwer kwa agwä.

2 Corintios 4:17

Esepia ko mba'e oroiporara va'e ko ɨvɨ pɨpe, a'e egwë e'i raimi tëi va'e, ipare rumo opañora; a'e ichui rumo oimerä mba'e tuprɨ ɨvate katu va'e oreu ɨvave apɨre'ɨ̇ orovɨreko va'erä.

Efesios 1:2

Yande Ru Tüpä iyavei yande Yar Jesucristo tombou oporovasasa pe reko tuprɨ agwä peü.

Colosenses 1:16

Cristo sui ni'ä Tüpä oyapo opakatu mba'e oime va'e ɨvave ɨvɨve avei, mba'e oyekwa va'e ndoyekwai va'e aveino, inungar mbigwai ɨva pendar vɨreko va'e omborerekwasa, iyavei opirätäsa. Opakatu ite Cristo sui yaposa mba'e iyavei opakatu mba'e yaposa chupe narä ite.

1 Tesalonicenses 3:13

Ipɨpe sui tape movɨräkwä pe reko maräne'ɨ̇ pɨpe pe mba'e avɨe'ɨ̇save yande Ru Tüpä rovai akoi oyevɨse yande Yar Jesús opakatu vɨroyasareta reseve. Amén.

2 Timoteo 2:12

yañemosase mba'e tëi upe, a'ese yande yaikora imborerekwasave ipɨri; ndaikwai Jesucristo ya'ese, a'e avei ndopokwai va'e e'iñora yandeu;

Tito 2:13

yasärö yande vɨ'aretesa pɨpe imombe'uprɨ sekoi va'e: oyevɨse kuri vɨ'aretesa yande Yar Tüpä iyavei Pɨsɨrösar Jesucristo.

Hebreos 10:27

ñemoɨrösa ipirätä va'e gweraño oimerä yandeu iyavei tata gwasu apɨre'ɨ̇ va'e opara omokañɨ Tüpä amotare'ɨ̇mbar yuvɨrekoi va'e.

Hebreos 12:29

Esepia ni'ä yande Tüpä a'e inungar tata ñepëi reseve mba'e omokañɨpa va'e.

Hebreos 4:1

Oime vɨte Tüpä remimombe'u yande yaike va'erä ipɨri yande pɨtu'u agwä, sese iya ite yañearö tuprɨ, avɨyeteramo ñepëi pe pa'ü pendar ndoikei chira.

Hebreos 4:11

Sese yayemovɨräkwä katura yande reike agwä evokoi mbɨtu'usa pɨpe, anichira ava araka'endar seroya e'ɨ̇sar rekokwer rupi tuprɨ avei yaikora.

Hebreos 4:9

Evokoiyase oimeño itera mbɨtu'usa iporavoprɨ ava Tüpä upendar upe narä;

Hebreos 9:28

egwë e'i avei Cristo oyeeropove'ë ñepëi reseve opakatu angaipa mokañɨ agwä. Ipare rumo oyevɨ irise ou kuri, nda'e iri chira angaipa rekokwer rese, a'e rumo oyevɨra ou gwarösar pɨsɨrö agwä.

1 San Pedro 3:22

a'e oso ɨvave ogwapɨ öi Tüpä akato kotɨ, opakatu sembigwai eta, mborerekwareta, opakatu imborerekwasa ipirätä va'e avei ipovrɨ pendar yuvɨrekoi.

2 San Pedro 3:7

Kurïtëindar rumo ɨva, ɨvɨ imoigätuprɨ tata uve narä Tüpä porokwaita rupi. Evokoi tata pɨpe avei okañɨ tëira ava mba'e tëi aposar yuvɨrekoi va'e kuri.

San Judas 1:7

Iyavei ambuae mbigwai eta, iyavei Sodoma pendar Gomorra pendar iyavei a'e tekwa ɨvɨrindar oyemondo oyemboagwasa-gwasa tëi agwä yuvɨreko, iyavei oyeeraso uka mba'e-mba'e tëi pɨpe yuvɨreko. Ipɨpe sui oiporara tata gwasu apɨre'ɨ̇ va'e yuvɨreko a'e opɨta opakatu yande yembosɨkɨye agwä.

Apocalipsis 1:7

¡Esepia Cristo ɨva kɨ'a rese oura kuri! A'ese opakatu ava osepiara yuvɨreko, yamotare'ɨ̇sarer, oikutu va'ekwer avei; iyavei opakatu tekwa ɨvɨ pɨpendar a'ese oyase'o tëira sepiase yuvɨreko. Egwë e'i etera kuri, amén.

Apocalipsis 14:10

a'e oipɨsɨ itera Tüpä ñemoɨrösa ipirätä va'e, ipare omombaraɨsura setekwer azufre okai va'e pɨpe gwembigwai ɨva pendareta reko maräne'ɨ̇ rovake, iyavei Ovesami a'e Cristo sekoi va'e rovake aveino.

Apocalipsis 14:13

A'ese asendu ñepëi ñe'ësa ɨva pendar aipo e'i va'e cheu: “Eikwachia ko ñe'ësa: ‘Ko pɨpe suive sorɨvete katura akoi ava omano va'e yande Yar rese yuvɨreko.’ ” “Egwë e'i ete–e'i Espíritu imombe'u–, a'e opɨtu'ura oporavɨkɨsa sui yuvɨreko, esepia ni'ä sembiapokwer avɨye ite Tüpä pɨ'ave.”

Apocalipsis 20:11

Evokoiyase asepia tenda imboeteiprɨ, morochi va'e, i'arɨve oime ava ogwapɨ va'e öi. Sovai ɨvɨ iyavei ɨva opa tuprɨ okañɨ, ndoyekwa iri ete kokotɨ rupi yuvɨreko.

Apocalipsis 21:4

A'e ni'ä omombɨtu'ura opakatu ava resaɨ, iyavei ndipo iri chietera manosa; yase'osa, vɨ'are'ɨ̇sa, tekoasɨsa avei; esepia ni'ä opakatu mba'e oime va'ekwer yɨpɨndar, ndipo iri chietera kurïtëi.”

Apocalipsis 22:16

“Che Jesús, amondo che rembigwai ɨva pendar mba'e mombe'u agwä opakatu che reroyasar upe. Che aiko mborerekwar gwasu David suindar. Iyavei aiko inungar yasɨtata gwasu sendɨ va'e añi'ïvëindar yepi.”

Apocalipsis 22:6

Ipare mbigwai ɨva pendar aipo e'i cheu: “Ko ñe'ësa supi tuprɨ va'e ite, sese iya ite peyeroya, iyavei yande Yar Tüpä akoi omboyekwa tuprɨ va'e mba'e oyesuindar oñe'ë mombe'usar upe, a'e ombou gwembigwai ɨva pendar mba'e omboavɨye poyava voi va'erä mboyekwa agwä vɨroyasareta upe.”

Apocalipsis 22:9

A'e rumo aipo e'iño cheu: “Ani ereñenopɨ'ä che rovai, esepia ni'ä, che Tüpä rembigwai tëi aiko, nde nungar nde rɨvrɨ eta nungar avei evokoi oñe'ë va'e Tüpä ñe'ëngagwer rese, iyavei inungar opakatu vɨroya va'e ko kwachiar pɨpendar ikwachiaprɨ yuvɨreko no. Tüpä katu emboetei sereko.”

Apocalipsis 6:11

Ipare imondosa iyakatu turukwar morochi va'e, a'ese aipo e'i chupe pepɨtu'u vɨte rane, tayavɨyepa rane pe rɨvrɨ eta retakwer, Tüpä upe oporavɨkɨ va'e mba'e aposa pɨpe yukaprɨ pe nungar yuvɨreko.