2 Corintios 9:15 - Tüpä Ñe'ëngagwer

¹⁵ ¡Avɨye Tüpä upe, esepia a'e ombou mba'e tuvicha va'e avɨye katu va'e yandeu, ndayaikatui va'e mombe'u tuprɨ agwä!

Tũpa Ñehengagüer

¹⁵ ¡Avɨye Tũpa upe! ¡Esepia, ahe ombou mbahe tuvichá vahe avɨye catu vahe yandeu, ndayaicatui vahe mombehu tuprɨ ãgua!

2 Corintios 9:15 Iomraidhean Croise

San Lucas 2:14

“¡Imboeteiprɨ tasekoi Tüpä ɨvave! ¡Ɨvɨve ava Tüpä rembiaɨsu toyuvɨrekoi tuprɨ oyeaɨsusa pɨpe!”

San Lucas 2:38

A'ese Ana oyemboyekwa a'e arɨ pɨpe ve, ipare omboɨpɨ avɨye ndeu oya Tüpä upe, ichui oñe'ë Jesús pitani rese opakatu ava Jerusalén pendar osärö va'e gwekwa pɨsɨrö agwä yuvɨreko va'e upe.

San Juan 1:16

Iporovasasa sui opakatu ite ipɨsɨsa ñepëi mba'e ndopai va'e tekokwer upe ambuae sui yepi,

San Juan 3:16

“Supiete Tüpä osaɨsu iteanga opakatu ava, sese ombou Gwa'ɨrɨ ñepëi va'e, tokañɨ tëi eme che Ra'ɨrɨ reroyasar yuvɨreko oya, iyavei tovɨreko tekovesa apɨre'ɨ̇ o'esa pɨpe.

Romanos 5:15

Tüpä oporerekosa ombou va'e rumo yandeu nda'oyoyai ete Adán angaipa rese. Esepia Adán rembiavɨ sui seta ava omano; Jesucristo rembiapo sui rumo Tüpä ombou oporerekosa poropɨsɨrösa yandeu, a'e avɨye katu va'e ava eta upe narä.

Romanos 6:23

Angaipa ni'ä ombou manosa tëi yandeu, Tüpä rumo porerekosa ombou tekovesa apɨre'ɨ̇ va'e yandeu yande Yar Jesucristo rese yande rekose.

Romanos 8:32

Tüpä ni'ä ombou ite Gwa'ɨrɨ imano agwä opakatu yande rekokwer repɨrä, ¿ma'erä evokoiyase nomboui chira opakatu mba'e yandeu yande pɨtɨ̇vɨï agwä Gwa'ɨrɨ rese yande rekose viña?

1 Corintios 15:57

¡Avɨye Tüpä upe, esepia ombou yande Yar Jesucristo rupi yandeu angaipa mokañɨ agwä!

2 Corintios 2:14

Avɨye yande Ru Tüpä upe esepia yande Cristo rese yaiko va'e yande renose oamotare'ɨ̇mbar povrɨ sui opakatu ava rembiepiave iyavei yande rekokwer sui opakatu ava upe oikwa uka gwekokwer inungar mba'e sɨäkwä va'e yasëtu va'e opakatu rupi.

2 Corintios 9:11

Egwë peyese ombou katura opakatu mba'e pe rembierekorä ava upe imondo katu agwä pe avasa pɨpe. Ore orovɨrasose porerekosa pe remimbou yande rɨvrɨ eta upe, a'e evokoiyase avɨye ndeu e'ira Tüpä upe yuvɨreko.

2 Corintios 9:14

Evokoiyase a'e oyerurera pe rese yuvɨreko pe raɨsusa pɨpe, esepia Tüpä pe pɨtɨ̇vɨï ete oporovasasa pɨpe.

Efesios 5:20

Avɨye peyera opakatu mba'e rese yande Ru Tüpä upe yande Yar Jesucristo rer pɨpe yepi.

Santiago 1:17

esepia opakatu imbouprɨ mba'e avɨye va'e yandeu, a'e ou Tüpä sui ete, a'e ni'ä opakatu ɨva rese mba'e aposar. Nda'ei rumo gwembiapo nungar sekoi esepia Tüpä noñekuñaröi va'e ite.

Apocalipsis 4:9

Evokoi yuvɨrekove va'e omboetei yuvɨreko, avɨye ndeu e'i ko ogwapɨ va'e öi tenda arɨve ndopai va'e upe.