2 Corintios 9:13 - Tüpä Ñe'ëngagwer

¹³ A'e evokoiyase omboeteira Tüpä yuvɨreko, esepia ko pe poropɨtɨ̇vɨïsa pɨpe pemboyekwa itera pe Cristo ñe'ë reroyasa peiko, a'e avei omboeteira Tüpä yuvɨreko. Esepia pemondoño itera mba'e pe porerekosa chupe, iyavei opakatu ambuae ava upe.

Tũpa Ñehengagüer

¹³ Ahe evocoiyase omboeteira Tũpa yuvɨreco. Esepia, co pe poropɨ̃tɨvɨisa pɨpe pemboyecua itera pe Cristo ñehe reroyasa peico. Ahe avei omboeteira Tũpa yuvɨreco. Esepia, pe pemondoño itera mbahe pe porerecosa chupe iyavei opacatu ambuae ava upe.

2 Corintios 9:13 Iomraidhean Croise

San Mateo 5:16

Pe egwë peye aveira, pemboyekwa ava eta upe pe rekokwer avɨye va'e, ipɨpe sui osepiara mba'e peyapo ikatuprɨ va'e, opakatu tomboetei yuvɨreko yande Ru Tüpä upe ɨva pendar sekoi va'e.”

San Mateo 9:8

Osepiase rumo ava Jesús rembiapo, a'ese osɨkɨye tëi ipare omboetei Tüpä yuvɨreko esepia ni'ä omondo pirätäsa ava upe

San Lucas 6:46

“¿Ma'erä vo peñe'ë cheu, ‘Che Yar, che Yar’, ipare rumo ndapeyapoi ete mba'e che remimombe'u?

San Juan 15:8

Ko rese oyemboyekwa ite che Ru mboeteisa, esepia peyapo ite mba'e avɨye va'e iyavei peikora che remimbo'e supi tuprɨ va'e yepi.

Los Hechos 11:18

Osenduse rumo ñe'ësa Jesús reroyasar Jerusalén pendar yuvɨreko, noñe'ëi tuprɨ iyavei omboetei Tüpä, aipo e'i yuvɨreko: –¡Evokoiyase ko Tüpä omondo avei nda'ei va'e judío upe sekokwer rekuñarö agwä, iyavei tekovesa apɨre'ɨ̇ vɨreko va'erä yuvɨreko!

Los Hechos 4:21

Aipo i'ese mborerekwar ombosɨkɨye katu tëi yuvɨreko. Ichui rumo omose tuprɨño esepia ava omboetei gwasu Tüpä yuvɨreko ko imba'easɨ va'e mbogwera repiase, sese ndoikatui ete mba'e apo yuvɨreko chupe.

Romanos 10:16

Nda'ei rumo opakatu vɨroya ko ñe'ësa avɨye va'e yuvɨreko. Esepia Isaías aipo e'i araka'e: “Che Yar, ¿uma pi'ä vɨroya ore ñe'ë yuvɨreko?”

Romanos 12:8

iyavei akoi oipɨsɨ va'e porombo'esa arakwasa resendar ambuae ava mongere'ɨ̇ katu agwä, tasekoi katu ava mongere'ɨ̇ agwä. Akoi iporereko va'e, toyapo gweko mbegwemisa pɨpe; akoi oipɨsɨ va'e mboravɨkɨ, toyapoño okere'ɨ̇sa pɨpe; iyavei akoi iparaɨsu va'e pɨtɨ̇vɨïsar, toipɨtɨ̇vɨïño avei vorɨvetesa pɨpe.

Romanos 15:31

Peporandu Tüpä upe tache repɨ ava Jesús reroyasare'ɨ̇ sui ɨvɨ Judea ve, iyavei Jerusalén pendar yande rɨvrɨ eta ko porerekosa pɨsɨ tuprɨ agwä avei,

Romanos 16:26

kurïtëi rumo oyekwa uka oñe'ë mombe'usar rembikwachia pɨpe Tüpä apɨre'ɨ̇ va'e porokwaita rupi. A'e Tüpä ñe'ësa ndikwasai va'e omboyekwa uka opakatu ava upe, opakatu vɨroya va'erä yuvɨreko.

2 Corintios 10:5

a'e ipɨpe ore opa orosekopɨ yepoepɨ-epɨsa iyavei opakatu semirä-mirä tëi va'e gweko ɨvate aisa pɨpe ndoikwa uka potai va'e Tüpä rekokwer ava upe. Iyavei opakatu ava pɨ'añemoñeta raisa orosekopɨ Cristo reroya tuprɨ agwä yuvɨreko,

2 Corintios 2:12

Ayepotase tekwa Tróade ve Cristo rekokwer mombe'u agwä, oime ite yande Yar upe narä a'eve che poravɨkɨ agwä.

2 Corintios 8:4

oporandu avei opakatu oreu yuvɨrekoi va'erä ore rupi Tüpä reroyasar pɨtɨ̇vɨï agwä.

2 Corintios 9:14

Evokoiyase a'e oyerurera pe rese yuvɨreko pe raɨsusa pɨpe, esepia Tüpä pe pɨtɨ̇vɨï ete oporovasasa pɨpe.

Gálatas 1:24

Iyavei omboetei Tüpä che rer pɨpe yuvɨreko.

1 Timoteo 6:12

Eyemovɨräkwä mba'e tëi upe Tüpä reroyasave; erepoi rene tekovesa apɨre'ɨ̇ va'e sui, sese ni'ä Tüpä oñe'ë ndeu, iyavei eremombe'u ite ni'ä Tüpä reroyasa nde reko agwä ava eta rovai.

1 Timoteo 6:13

Kurïtëi Tüpä rovake, a'e opakatu mba'e moingovesar iyavei Jesucristo rovake, a'e ni'ä omombe'u tuprɨ supiete va'e Poncio Pilato rovai, sese che orokwai

Hebreos 10:23

Yayemovɨräkwä katura mba'e avɨye va'e yande remiarö pɨpe yamombe'u va'e ava upe yande pɨ'añemoñeta rerova e'ɨ̇sa pɨpe. Esepia Tüpä omboavɨye itera mba'e gwemimombe'ugwer yandeu.

Hebreos 13:16

Peresarai eme katu ambuae ava upe mba'e tuprɨ aposa sui, iyavei pemondoño ite mba'e pereko va'e ambuae ava upe. Esepia evokoi nungar mba'e seropove'ëprɨ Tüpä oipota.

Hebreos 3:1

Evokoiyase, che rɨvrɨ eta iporavoprɨ, pe Tüpä remienoi peiko va'e chupe narä, peyapɨsaka tuprɨ Cristo Jesús rekokwer rese, a'e sekoi yandeu Jesús ñe'ë mombe'usar iyavei pa'i ɨvate katu va'e yande yeroya agwä.

Hebreos 4:14

Jesús, Tüpä Ra'ɨrɨ, pa'i ɨvate katu va'e sekoi yandeu, oike va'e ɨvave Tüpä pɨri. Sese yayemovɨräkwäño itera yande yeroyasa pɨpe yepi.

Hebreos 5:9

evokoiya gweko pɨpe omboavɨye gweko katuprɨsa, ipɨpe sui gweru poropɨsɨrösa ndopai va'e opakatu vɨroyasar upe narä.

1 San Pedro 2:9

Pe rumo iporavoprɨ peiko Tüpä upe narä, inungar pa'i mborerekwar ɨvate katu va'e pɨtɨ̇vɨïsar, iyavei iporavoprɨ peiko Tüpä remimbotar rupi pereko maräne'ɨ̇sa pɨpe. Egwë peye Tüpä reko pirätäsa mombe'u agwä peiko, esepia a'e pe renose pɨ̇tümimbisa nungar pe rekokwerai sui, tesapesa porañete va'e pɨpe pe reike agwä.

1 San Pedro 4:11

Akoi ava oñe'ë tuprɨai va'e, a'e tomombe'u Tüpä ñe'ë ite. Akoi peporopɨtɨ̇vɨï potase, peyapoño Tüpä ombou va'e pirätäsa pɨpe peü. Opakatu mba'e peyapo va'e, peyapo katu Jesucristo rer pɨpe Tüpä mboetei agwä, esepia chupendar ite imboeteisa iyavei imborerekwasa apɨre'ɨ̇ va'erä ite. Amén.