2 Corintios 8:6 - Tüpä Ñe'ëngagwer

⁶ Sese Tito upe oromombe'u omonu'ä va'erä porerekosa pe pa'ü sui, esepia a'e akoi yɨpɨndar omboɨpɨ imonu'ä porerekosa pe pɨtɨ̇vɨï agwä.

Tũpa Ñehengagüer

⁶ Evocoiyase ore aipo orohe Tito upe pẽu: “Tomboyeapɨ iri co porerecosa monuha ãgua ava upe” orohe. Esepia, yɨpɨndar ahe osose pe pãhuve, ahe pe pɨ̃tɨvɨi imboɨpɨ ãgua.

2 Corintios 8:6 Iomraidhean Croise

Los Hechos 24:17

“Seta aravɨter pare ayevɨ che rekwa Jerusalén ve, ava iparaɨsu va'e upe porerekosa mondo agwä, iyavei Tüpä upe seropove'ë pɨrä.

Romanos 15:25

Kurïtëi rumo che asora Jerusalén ve, arasora porerekosa a'e pendar Jesús reroyasar pɨtɨ̇vɨï agwä.

2 Corintios 12:18

Che Tito upe eresora ipɨri yuvɨreko a'e, supi avei ambuae yande rɨvrɨ Jesús reroyasar amondo. ¿Tito avei tie pembopa pe rereko? ¿Nda'oyoyai vo orepɨ'a ñemoñetasa orovɨreko mba'e oroyapo va'erä sese?

2 Corintios 2:13

Nambo'e katui rumo che pɨ'a ñemoñetasa, esepia ndasepiai ete yande rɨvrɨ Tito. Sese che avɨye a'eño a'e pendar upe ichui aso ɨvɨ Macedonia rupi.

2 Corintios 8:10

Peü mba'e avɨye agwä che añe'ë ko nungar mba'e rese. Ambuae aravɨter sui ni'ä, nda'ei pe gweraño yɨpɨndar pemboɨpɨ ko mba'e apo, a'e pe kere'ɨ̇sa pɨpe ite peyapo.

2 Corintios 8:19

Sese opakatu oiporavo yuvɨreko ore rupi igwata agwä ore pɨtɨ̇vɨï va'erä avei ko porerekosa reraso agwä yande Yar mboeteisa oromboyekwa va'erä poropɨtɨ̇vɨïsa yuvɨreko chupe.

2 Corintios 8:23

Peikwa akoi Tito che ndugwer sekoise oyoya tuprɨ oroporavɨkɨ sese pe pɨtɨ̇vɨï agwä. Iyavei ambuae yande rɨvrɨ ñuvɨrïo yuvɨrekoi va'e ambuae Jesús reroyasareta remimbou Cristo mboeteisar yuvɨrekoi va'e.

2 Corintios 8:4

oporandu avei opakatu oreu yuvɨrekoi va'erä ore rupi Tüpä reroyasar pɨtɨ̇vɨï agwä.

2 Corintios 9:5

Sese che pɨ'añemoñeta yɨpɨndar añe'ë va'erä yande rɨvrɨ upe yuvɨreko, a'e ranei ore renonde yuvɨraso agwä pe pɨri pe pɨtɨ̇vɨï agwä ko porerekosa avɨye va'e monu'ä agwä, akoi pe mbou pota va'e rese. Evokoiyase a'e pe porerekosa pe remimonu'ä opara pemoigätu tuprɨ pe avagwer mboyekwa agwä, nda'ei chira rumo pe rekate'ɨ̇sa pɨpe.

Filipenses 4:18

Che opa aipɨsɨ pe porerekosa Epafrodito upe pembou va'e, evokoiyase oimeño ite iyavei sumbɨre vɨte cheu. A'e pembou va'e cheu avɨye ite, inungar itaɨsɨ sɨäkwä va'e, iyavei inungar mba'e seropove'ëprɨ avɨye va'e Tüpä upe.

1 San Pedro 4:10

Ñepëi-pëi peipɨsɨ va'e opakatu mba'e kwasa Tüpä suindar, pemondo katu mba'e avɨye va'e peikatugwer rupi ambuae ava upe.