2 Corintios 8:4 - Tüpä Ñe'ëngagwer

⁴ oporandu avei opakatu oreu yuvɨrekoi va'erä ore rupi Tüpä reroyasar pɨtɨ̇vɨï agwä.

Tũpa Ñehengagüer

⁴ Ahe, “Ore avei catu toroipɨ̃tɨvɨi ambuae Tũpa reroyasar” ehi yuvɨreco.

2 Corintios 8:4 Iomraidhean Croise

San Mateo 10:42

Akoi omondo va'e chi'ïmi ɨ so'ɨ̇sa va'e ɨgwa pɨpe ñepëi seko mbegwemi katu va'e toɨ'u che reroyasar seko rese, a'e oipɨsɨ aveira porerekosa.”

San Mateo 12:50

Esepia akoi che Ru ɨva pendar remimbotar oyapo va'e, a'e che rɨvrɨ, che reindrɨ iyavei che sɨ yuvɨrekoi.

San Mateo 25:40

Mborerekwar ɨvate katu va'e rumo omboyevɨra chupe: ‘Supiete peyapose opakatu mba'e avɨye va'e ñepëi seko mbegwemi va'e, che reroyasar pa'ü pendar upe cheu rumo egwë peye.’ ”

San Marcos 14:7

Ava iparaɨsu va'e ni'ä yuvɨrekoiño itera pe pa'üve yepi, iyavei peyapoño itera mba'e avɨye va'e peyapo potase chupe; che rumo egwë nda'e vɨteñoi chira vichiko pe pa'üve.

Los Hechos 11:29

Evokoiyase Jesús reroyasar Antioquía pendar omondo pota voi okatugwer rupi Jesús reroyasar Judea pendar pɨtɨ̇vɨï agwä yuvɨreko.

Los Hechos 16:15

Sese ñapirämosa, opakatu sëtä pendar reseve, ipare ore mombɨta pota: –Che reroyase peye yande Yar reroyasar che rekose, pepɨtara che rëtäve. Egwë e'i oremombɨta.

Los Hechos 24:17

“Seta aravɨter pare ayevɨ che rekwa Jerusalén ve, ava iparaɨsu va'e upe porerekosa mondo agwä, iyavei Tüpä upe seropove'ë pɨrä.

Romanos 15:31

Peporandu Tüpä upe tache repɨ ava Jesús reroyasare'ɨ̇ sui ɨvɨ Judea ve, iyavei Jerusalén pendar yande rɨvrɨ eta ko porerekosa pɨsɨ tuprɨ agwä avei,

1 Corintios 16:1

Iyavei ko gwarepochi monu'ä agwä iparaɨsu va'e Jesús reroyasar upe narä, pe avei katu peyapo mba'e inungar che amombe'u Jesús reroyasar ɨvɨ Galacia rupindar upe.

1 Corintios 16:15

Che rɨvrɨ eta, peikwa Estéfanas opakatu gwëtä pendar reseve, a'e ranei yɨpɨndar ɨvɨ Acaya rupi vɨroya va'e ñe'ësa yande Yar resendar yuvɨreko, oyemondo avei ambuae Jesús reroyasar rese añeko tuprɨ agwä yuvɨreko no.

2 Corintios 9:1

Porerekosa imonu'äprɨ Jesús reroyasar upe narä rese rumo ndaikwachia iri chira peü,

Gálatas 2:10

A'e rumo oporandu yuvɨreko oreu, oroyemoma'endu'a va'erä ava iparaɨsu va'e pɨtɨ̇vɨï agwä rese, che rumo egwë a'e pota ite yɨpɨsuive vichiko yepi.

Gálatas 6:10

Sese yande katugwer rupi yayapo mba'e ikatuprɨ va'e opakatu upe; yande mboetasa Jesús reroyasar upe rumo yayapora.

1 Timoteo 5:10

Ikwaprɨra sekokwer ikatuprɨsa rese, omboakwa tuprɨse chi'ïvä'e oyesuindar, omoingese ava gwëtä pɨpe, i'añekose ava Tüpä reroyasar rese ipɨsei agwä, oipɨtɨ̇vɨïse ava iparaɨsu va'e, oyapo tuprɨse opakatu mba'e avɨye va'e.

Hebreos 6:10

Esepia Tüpä seko avɨye va'e, iyavei ndasesarai chietera pe rembiapo avɨye va'e sui pe poroaɨsusa pemboyekwa va'e peipɨtɨ̇vɨïse seroyasar, a'e ni'ä ko peyapoño vɨte peiko.