2 Corintios 8:23 - Tüpä Ñe'ëngagwer

²³ Peikwa akoi Tito che ndugwer sekoise oyoya tuprɨ oroporavɨkɨ sese pe pɨtɨ̇vɨï agwä. Iyavei ambuae yande rɨvrɨ ñuvɨrïo yuvɨrekoi va'e ambuae Jesús reroyasareta remimbou Cristo mboeteisar yuvɨrekoi va'e.

Tũpa Ñehengagüer

²³ Acoi oporanduse que ava Tito rese yuvɨreco pẽu, “Ahe oyoya Pablo rese oporavɨquɨ vahe pe pɨ̃tɨvɨi ãgua” peyeñora. Acoi oporanduse avei ambuae yande rɨvrɨ rese yuvɨreco pẽu, “Ahe ambuae Jesús reroyasareta remimbou Cristo mboeteisar yuvɨrecoi” peyeño aveira chupe.

2 Corintios 8:23 Iomraidhean Croise

San Lucas 5:10

A'eve Santiago iyavei Juan, Zebedeo ra'ɨrɨ, yuvɨrekoi Simón mboetasa. A'ese Jesús aipo e'i Simón upe: –Eresɨkɨyei rene; ko pɨpe suive tuprɨ ereikora ava reka agwä cheu narä.

San Lucas 5:7

Evokoiyase oyepoeru omboetasa ambuae ɨarusu pɨpe yuvɨrekoi va'e upe, yuvɨraso va'erä ipɨtɨ̇vɨï. A'e yuvɨraso chupe, ipare opa ñuvɨrïo ɨarusu omboapɨpo tuprɨ yuvɨreko seni iri rumo omondo ɨpɨve.

San Juan 13:16

Supiete aipo a'e ndipoi ete ñepëi mbigwai ɨvate katu va'e gwerekwar sui, egwë e'i avei imbouprɨ nda'ei chira ɨvate katu sekoira ombousar sui.

1 Corintios 11:7

Kuimba'e rumo ndoyopɨi chira oäkä sereko, esepia a'e Tüpä ra'anga ite sekoi omboyekwa avei Tüpä porañetesa oyese. Kuña rumo omboyekwa omer rekokwer porañetesa oyese yuvɨreko,

2 Corintios 12:18

Che Tito upe eresora ipɨri yuvɨreko a'e, supi avei ambuae yande rɨvrɨ Jesús reroyasar amondo. ¿Tito avei tie pembopa pe rereko? ¿Nda'oyoyai vo orepɨ'a ñemoñetasa orovɨreko mba'e oroyapo va'erä sese?

2 Corintios 7:6

Tüpä rumo, ava ndoyemongere'ɨ̇i va'e, omongere'ɨ̇ iri yepi, a'e ore mongere'ɨ̇ katu iri Tito yepotase;

2 Corintios 8:16

Avɨye Tüpä upe ombopɨ'a ñemoñeta Tito pe rese, inungar che pɨ'a ñemoñetasa areko pe rese yepi.

2 Corintios 8:18

Tito rupi oromondo yande rɨvrɨ, a'e opakatu ambuae Jesús reroyasar oikwa iporavɨkɨ tuprɨaise ñe'ësa pɨsɨrösa rese yuvɨreko.

2 Corintios 8:19

Sese opakatu oiporavo yuvɨreko ore rupi igwata agwä ore pɨtɨ̇vɨï va'erä avei ko porerekosa reraso agwä yande Yar mboeteisa oromboyekwa va'erä poropɨtɨ̇vɨïsa yuvɨreko chupe.

2 Corintios 8:22

Supi avei oromondo ambuae yande rɨvrɨ, a'e omboyekwa oreu okere'ɨ̇sa opakatu mba'e gwembiapo pɨpe a'e kurïtëi ikere'ɨ̇ katu ite, esepia oyeroya ni'ä pe rese.

2 Corintios 8:6

Sese Tito upe oromombe'u omonu'ä va'erä porerekosa pe pa'ü sui, esepia a'e akoi yɨpɨndar omboɨpɨ imonu'ä porerekosa pe pɨtɨ̇vɨï agwä.

Filipenses 2:25

Iyavei revo avɨye katu ko yande rɨvrɨ Epafrodito, amboyevɨra pe pɨri a'e pembou va'e che pɨtɨ̇vɨï agwä mba'e cheu ipane va'e rese, a'e che ndugwer oporavɨkɨ pirätä va'e Tüpä upe.

Filipenses 4:3

Nde ni'ä che pɨtɨ̇vɨï tuprɨ va'ekwer che poravɨkɨsa rese eve, eipɨtɨ̇vɨï evokoi kuña, esepia a'e ni'ä oyembopɨ'avɨräkwä ite che pɨtɨ̇vɨïse Tüpä ñe'ëngagwer pɨsɨrösa resendar mombe'u agwä yuvɨreko, oyoya Clemente rese iyavei ambuae oporavɨkɨ va'e rese che rupi yuvɨreko. A'e serer opa ikwachiaprɨ Tüpä kwachiar tekovesa apɨre'ɨ̇ va'e resendar pɨpe.

Colosenses 1:7

Ko ñe'ësa rese yande rembiaɨsu Epafras pe mbo'e, a'e mbɨa yande Yar Jesucristo rese oporavɨkɨ va'e ore rupi, okwaita vɨroya tuprɨ va'e pe pa'üve.

1 Tesalonicenses 2:2

Peikwa tuprɨ avei ni'ä akoi yɨpɨndar marä-marä tëi ava ore rereko yuvɨreko tekwa Filipos ve, Tüpä rumo ore pɨtɨ̇vɨï oñe'ëngagwer pɨsɨrösa resendar mombe'u agwä opakatu ore sɨkɨye e'ɨ̇sa pɨpe ore amotare'ɨ̇mbar pa'üve.

2 Timoteo 4:10

esepia Demas che reya ko mba'e ɨvɨ pɨpendar tëi potasave, ichui tëi oso tekwa Tesalónica ve. Crescente oso tekwa Galacia rupi, iyavei Tito oso Dalmacia ve.

Tito 1:4

Nde Tito, nde ni'ä che ra'ɨrɨ ite ereiko sese yande poreroyasa pɨpe esepia oyoya yaroya va'e yaiko. Yande Ru Tüpä yande Pɨsɨrösar Jesucristo tombou oporovasasa nde reko tuprɨ agwä ndeu.

Filemón 1:17

Che rerekose, nde rɨvrɨ nungar eve nde pɨ'a ñemoñetasa pɨpe, eipɨsɨ katu inungar che itera viña.

Filemón 1:24

iyavei Marcos, Aristarco, Demas, Lucas, che pɨtɨ̇vɨï va'e mboravɨkɨ rese yuvɨreko.

3 San Juan 1:8

Sese yande egwë ya'era yaiko evokoi nungar upe ñe'ësa supiete va'e rese ipɨtɨ̇vɨï agwä.