2 Corintios 8:10 - Tüpä Ñe'ëngagwer

¹⁰ Peü mba'e avɨye agwä che añe'ë ko nungar mba'e rese. Ambuae aravɨter sui ni'ä, nda'ei pe gweraño yɨpɨndar pemboɨpɨ ko mba'e apo, a'e pe kere'ɨ̇sa pɨpe ite peyapo.

Tũpa Ñehengagüer

¹⁰ Pẽu mbahe avɨye ãgua che añehe co nungar mbahe rese. Cuese ambuae aravɨter pe niha yɨpɨndar pemboɨpɨ co mbahe apo. Ahe niha pe querẽhɨsa pɨpe peyapo.

2 Corintios 8:10 Iomraidhean Croise

San Mateo 10:42

Akoi omondo va'e chi'ïmi ɨ so'ɨ̇sa va'e ɨgwa pɨpe ñepëi seko mbegwemi katu va'e toɨ'u che reroyasar seko rese, a'e oipɨsɨ aveira porerekosa.”

San Juan 11:50

ndapesendukwai avei ko tekokwer; avɨye katura peü ñepëi mbɨa omanose yande rekwa repɨrä, nda'ei chietera okañɨ tëi opakatu tekwa ɨvɨ pɨpendar yuvɨreko.

San Juan 16:7

Supiete aipo a'e peü: avɨye katura che asose pe sui. Esepia ndasoise viña, Poropɨtɨ̇vɨïsar ndoui chietera sekoi va'erä pepɨri; asose rumo che amboura peü narä.

San Juan 18:14

Ko Caifás aipo e'i va'e judío eta upe avɨye katura yandeu omanose ñepëi mbɨa tekwa repɨrä.

1 Corintios 10:23

Oime pe pa'ü pendar aipo e'i va'e: “Yaikatu ite mba'e apo agwä yande remimbotar rupi.” Supiete avɨye egwë ya'e, nda'ei rumo opakatu mba'e avɨye va'e ipɨpe. Avɨye ite ni'ä yayapo mba'e yande remimbotar rupi, ipɨpe sui rumo nda'ei opakatu yande pɨtɨ̇vɨï Cristo rese yande reko agwä.

1 Corintios 16:2

Domingo yakatu iya pe avei peipe'a voimi gwarepochi pe poravɨkɨ reprɨ sui yapokatu agwä, eipeve che yepotase, ndapeyemañeko iri chira gwarepochi monu'ä agwä rese peiko.

1 Corintios 6:12

Oime pe pa'ü pendar aipo e'i va'e: “Che ayapora mba'e che remimbotar rupi ete.” Evokoi spiete, nda'ei rumo opakatu mba'e avɨye va'e. Che ayapo itera mba'e che remimbotar rupi ete, iyavei ndaikoi chira mba'e che rembiapo povrɨve tëi.

1 Corintios 7:25

Akoi kuña nomenda vɨtei va'e yuvɨreko, a'e chupe narä ndarekoi Yar suindar che ñe'ë agwä; che rumo amondora che pɨ'a ñemoñetasa yuvɨreko chupe, esepia yande Yar che paraɨsuerekosa pɨpe ite imboyeroyaprɨ aiko.

1 Corintios 7:40

Nomenda irise rumo, avɨye katuño itera. A'e che pɨ'a ñemoñetasa, iyavei revo a'e che pɨ'a ñemoñetasa Tüpä Espíritu suindar ite.

2 Corintios 12:1

Ndipoi ete ava oipɨsɨ va'e mba'e a'e ae tëi oyemboeteisa pɨpe. Che rumo amombe'uño itera mba'e asepia va'e che ker nungar pɨpe iyavei yande Yar remimboyekwa che aipɨsɨ va'e ichui.

2 Corintios 8:6

Sese Tito upe oromombe'u omonu'ä va'erä porerekosa pe pa'ü sui, esepia a'e akoi yɨpɨndar omboɨpɨ imonu'ä porerekosa pe pɨtɨ̇vɨï agwä.

2 Corintios 8:8

Nda'ei pe kwaisa pɨpe aipo a'e peü; che rumo aipota peikwa va'erä ambuae ava rembiapo okere'ɨ̇sa pɨpe oyapo va'e yuvɨreko, sese ni'ä peikwara supiete pi'ä pereko poroaɨsusa.

2 Corintios 9:2

esepia che aikwa pekere'ɨ̇ ite ipɨtɨ̇vɨï agwä. Evokoiyase che vɨ'aretesa pɨpe Macedonia ɨgwar Jesús reroyasar upe aipo a'e yepi, Acaya ɨgwar oyemoigätu voi ete ambuae Jesús reroyasareta pɨtɨ̇vɨï agwä ambuae aravɨter suive yuvɨreko, seta avei Macedonia ɨgwar ikere'ɨ̇ va'e pe pɨtɨ̇vɨï agwä yuvɨreko.

Filipenses 4:17

Ndachepɨ'añemoñetai mba'e arokwaño tëi va'erä pe sui; che rumo aipota Tüpä omboyevɨra peü ko pe porerekosa pembou va'e cheu.

Hebreos 13:16

Peresarai eme katu ambuae ava upe mba'e tuprɨ aposa sui, iyavei pemondoño ite mba'e pereko va'e ambuae ava upe. Esepia evokoi nungar mba'e seropove'ëprɨ Tüpä oipota.