2 Corintios 7:5 - Tüpä Ñe'ëngagwer

⁵ Ore yepotasa suive rumo Macedonia ve, ndoropɨtu'ui ete oroiko, opakatu rupi ete orosepia mba'e-mba'e tëi oime va'e oreu: oime ore amotare'ɨ̇mbar oime avei ore yepɨ'amondɨisa.

Tũpa Ñehengagüer

⁵ Ore yepotasa suive rumo Macedonia ve, ndopɨtuhui eté mbahe tẽi ore sui; oime vɨteño ité rumo mbahe-mbahe tẽi oreu opacatu rupi: oime ore amotarẽhɨmbar iyavei oime ore yepɨhamondɨisa.

2 Corintios 7:5 Iomraidhean Croise

Los Hechos 20:1

Ava aɨvu gwasu pare, Pablo oñe'ë Jesús reroyasar upe omboarakwa va'erä. Ipare avɨye e'i a'e pendar upe, ichui oso Macedonia ve.

Romanos 15:26

Esepia ɨvɨ Macedonia pendar iyavei Acaya pendar Jesús reroyasar, a'e omonu'ä gwarepochi yuvɨreko Jerusalén ve yande rɨvrɨ iparaɨsu va'e pɨtɨ̇vɨï agwä.

1 Corintios 15:31

Esepia che rɨvrɨ eta, arɨ yakatu rupi aiko manosa rägwer pɨpe. Ko supiete areko va'e che vɨ'aretesa pe rese yande Yar Cristo Jesús rese che rekosa pɨpe amombe'u peü.

1 Corintios 16:5

Che sose, asora ɨvɨ Macedonia rupi; ipare Macedonia sui asora perepia Corinto ve.

2 Corintios 2:13

Nambo'e katui rumo che pɨ'a ñemoñetasa, esepia ndasepiai ete yande rɨvrɨ Tito. Sese che avɨye a'eño a'e pendar upe ichui aso ɨvɨ Macedonia rupi.

2 Corintios 2:3

Sese che aikwachia ñe'ësa ipirätä va'e peü, esepia ndaipotai eipeve che sose, che mbovɨ'a e'ɨ̇ agwä peye, pe rumo iya che mbovɨ'a katura peye viña. Che ayeroya ite opakatu pe rese avɨ'aretese, pe avei evokoiyase opakatu pevɨ'aretera che rese,

2 Corintios 2:9

Esepia yɨpɨndar aikwachia che ñe'ë peü ko rese, perekoa'ä agwä iyavei oyapo itera pi'ä che remimombe'u yuvɨreko a'e peü.

Gálatas 4:11

¡Che ayembosɨkɨye pe rese, che porombo'esa revo egwë e'i tëi va'e ipa'üve yuvɨreko chupe a'e peü!

1 Tesalonicenses 3:5

Evokoiyase che nañemosa irise, amondo Timoteo pe rekokwer rese porandu agwä, che asɨkɨye tëi avɨyeteramo karugwar omondora mba'e tëi pɨpe, ore poravɨkɨ agwer evokoiyase okañɨ tëira che e'save.