2 Corintios 7:3 - Tüpä Ñe'ëngagwer

³ Nda'ei pe rekokwer rese che ñe'ë raisave aipo a'e peü, supiete akoi yɨpɨndar amombe'u peü, “Che opoaɨsu che pɨ'a pɨpe ite pe rereko, yaikove tuprɨ va'erä yamano va'erä avei oyoya.

Tũpa Ñehengagüer

³ Ndahei pe recocuer rese che ñehe raisave aipo ahe pẽu. Supi eté yɨpɨndar, “Che pɨhave ité opoaɨsu, pẽu nara avei aicove, amano aveira pẽu” ahe acoi pẽu cuese.

2 Corintios 7:3 Iomraidhean Croise

2 Corintios 11:11

¿Mba'e rese pi'ä aipo a'e peü? ¿Pe raɨsu e'ɨ̇save pi'ä? ¡Tüpä rumo oikwa che pe raɨsusa!

2 Corintios 12:15

Evokoiyase che kere'ɨ̇sa pɨpe amondora opakatu che mba'e areko va'e pe pɨtɨ̇vɨï agwä, iyavei opakatu che rekokwer rese ayemondo peü pe reko tuprɨ agwä. Che rumo opoaɨsu iteanga, ¿pe tie revo ndache raɨsu tuprɨi ete peye?

2 Corintios 13:10

Aikwachia ko che ñe'ë imondo peü pe pɨri che so agwä renonde, akoi asose, namboyekwa pirätäi chira che mborerekwasa eipeve, a'e ni'ä yande Yar ombou va'e cheu pe reko momirätä katu agwä, nda'ei pe reko momarä agwä, a'e rumo ombou pereko katuprɨ agwä.

2 Corintios 3:2

Esepia pe ite inungar ore rembikwachia ore rekokwer resendar ore oroipota va'e: inungar kwachiar yapoprɨ ore pɨ'a pɨpe peiko, a'e opakatu ava pe reko tuprɨ repiase oikwa ore poravɨkɨ tuprɨsa pe pa'üve yuvɨreko.

2 Corintios 7:12

Egwë e'i akoi yɨpɨndar aikwachia va'e imondo peü, nda'ei ava mba'e tëi aposar reseño, nda'ei avei mba'e tëi oiporara va'e reseño, che rumo aipota katu peikwa pe ore raɨsusa pereko va'e oreu narä Tüpä rovake.

Filipenses 1:7

Avɨye ite aipo rupi che pɨ'añemoñeta areko opakatu pe rese, esepia che opoaɨsu ite, opakatu ni'ä oyoya yaipɨsɨ Tüpä porovasasa yepe ko che rokendasave aï, anise kokotɨ rupi aiko mborerekwar rovai ko ñe'ësa pɨsɨrösa resendar repɨ agwä iyavei amboyekwa va'erä ñe'ësa supi tuprɨ va'e yuvɨreko chupe.

1 Tesalonicenses 2:8

egwë oro'e avei ore pe raɨsu, sese nda'ei Tüpä ñe'ëngagwer gweraño oromondo pota peü, ore rekokwer aveino. ¡Esepia orovɨreko ite poraɨsusa pe rese!