2 Corintios 7:10 - Tüpä Ñe'ëngagwer

¹⁰ esepia ko nungar vɨ'are'ɨ̇sa Tüpä oipota va'e yande angaipa mboasɨ uka chupe yande yevɨ agwä, ipɨpe sui ni'ä yañepɨsɨrö yande pɨ'añemoñeta rerova e'ɨ̇sa pɨpe. Ko ɨvɨ pɨpendar vɨ'are'ɨ̇sa rumo manosa tëi vɨreko yandeu.

Tũpa Ñehengagüer

¹⁰ Esepia, co nungar vɨharẽhɨsa Tũpa oipota vahe yande angaipa mboasɨ uca, chupe yande yevɨ ãgua. Ipɨpe sui niha yañepɨsɨro yande pɨhañemoñeta rerovaẽhɨsa pɨpe. Co ɨvɨ pɨpendar tẽi vɨharẽhɨsa rumo manosa tẽi vɨreco yandeu.

2 Corintios 7:10 Iomraidhean Croise

San Mateo 26:75

ipare Pedro oyemoma'endu'a Jesús ñe'ë agwer rese: “Akoi takura ñe'ë renondeve mbosapɨ yupagwer rupi, ndaikwai va'e ite aipo mbɨa erera cheu.” Ichui Pedro osë okarve oso, oyase'o iteanga.

San Lucas 15:10

Amombe'u aipo supiete iyavei oime avei torɨvetesa Tüpä rembigwai ɨva pendar re'ɨi upe ñepëi ava yangaipa gwasu va'e osekuñaröse gwekokwerai.”

San Lucas 18:13

Ava gwarepochi rerokwasar rumo opɨtaño amombrɨ ichui, a'e evokoiyase noma'ei ete ɨva rese, oyepochi'a nupa-nupaño aipo e'i: ‘¡Tüpä, che paraɨsuerekomi eve, che angaipa viyar aiko!’

Los Hechos 11:18

Osenduse rumo ñe'ësa Jesús reroyasar Jerusalén pendar yuvɨreko, noñe'ëi tuprɨ iyavei omboetei Tüpä, aipo e'i yuvɨreko: –¡Evokoiyase ko Tüpä omondo avei nda'ei va'e judío upe sekokwer rekuñarö agwä, iyavei tekovesa apɨre'ɨ̇ vɨreko va'erä yuvɨreko!

Los Hechos 3:19

Sese, peyevɨ pe Tüpä upe iyavei peñekuñarö, ipɨpe sui a'e omokañɨra pe angaipagwer pe sui

2 Corintios 12:21

Asɨkɨye avei aso irise pe repia, esepia omboura Tüpä che chï agwä pe sui, che mboyase'o uka tiëtera peye yɨpɨsuive angaipa pereko va'e pɨpe, iyavei ndapemboasɨi etese mba'e tëi, yemboagwasa-gwasa tëisa iyavei mba'e pe remimbotarai peyapo va'ekwer.

2 Corintios 7:9

kurïtëi che avɨ'arete; nda'ei rumo pe vɨ'are'ɨ̇sa rese egwë a'e, esepia ko pe vɨ'are'ɨ̇sa sui pemboasɨ pe angaipa Tüpä upe pe yevɨ agwä. Evokoi nungar Tüpä oipota, evokoiyase ore ñe'ë ndoyapoi mba'e naporäi va'e peü;

Hebreos 12:17

Iyavei peikwa, akoi Esaú oipɨsɨ pota Tüpä porovasasa vu sui viña, a'e rumo ndiya iri ete sovasapɨrä sekoi; yepe oyase'o iteanga viña, ndiya iri ete rumo mba'e sembierekovɨ rägwer mboyevɨ agwä chupe.